6 ತಿಂಗಳಲ್ಲಿಯೇ 1 ಲಕ್ಷವಾಯ್ತು 14.85 ಲಕ್ಷ ರೂಪಾಯಿ: ಒಂದಕ್ಕೆ 6 ಬೋನಸ್​ ಷೇರು ನೀಡುತ್ತಿದೆ ಕಂಪನಿ; ಹೂಡಿಕೆದಾರರಿಗೆ ಹಣದ ಸುರಿಮಳೆ

ಮುಂಬೈ: ಸಣ್ಣ ಕಂಪನಿ ಕೇಸರ್​ ಇಂಡಿಯಾ (Kesar India) ತನ್ನ ಹೂಡಿಕೆದಾರರಿಗೆ ದೊಡ್ಡ ಉಡುಗೊರೆಯನ್ನು ನೀಡಲು ಹೊರಟಿದೆ. ಈ ಕಂಪನಿಯು 6:1 ಅನುಪಾತದಲ್ಲಿ ಬೋನಸ್ ಷೇರುಗಳನ್ನು ನೀಡುತ್ತಿದೆ. ಅಂದರೆ, ಕಂಪನಿಯು ಪ್ರತಿ ಒಂದು ಷೇರಿಗೆ 6 ಬೋನಸ್ ಷೇರುಗಳನ್ನು ನೀಡುತ್ತದೆ. ಕೇಸರ್ ಇಂಡಿಯಾದ ಬೋನಸ್ ಷೇರುಗಳ ದಾಖಲೆ ದಿನಾಂಕವನ್ನು 19 ಮಾರ್ಚ್ 2024 ಎಂದು ನಿಗದಿಪಡಿಸಲಾಗಿದೆ. ಕಂಪನಿಯು ತನ್ನ ಹೂಡಿಕೆದಾರರಿಗೆ ಮೊದಲ ಬಾರಿಗೆ ಬೋನಸ್ ಷೇರುಗಳ ಉಡುಗೊರೆಯನ್ನು ನೀಡುತ್ತಿದೆ. ಕಳೆದ ಒಂದು ವರ್ಷದಲ್ಲಿ ಈ ಷೇರುಗಳ ಬೆಲೆ 2900% ಕ್ಕಿಂತ ಹೆಚ್ಚು ಏರಿಕೆಯಾಗಿದೆ.

ಕಳೆದ 6 ತಿಂಗಳಲ್ಲಿ ಕೇಸರ್ ಇಂಡಿಯಾ ಷೇರುಗಳ ಬೆಲೆಯಲ್ಲಿ ಭಾರೀ ಏರಿಕೆಯಾಗಿದೆ. ಕಳೆದ 6 ತಿಂಗಳಲ್ಲಿ ಈ ಕಂಪನಿಯ ಷೇರುಗಳ ಬೆಲೆ 1211% ಏರಿಕೆಯಾಗಿದೆ. ಈ ಷೇರುಗಳ ಬೆಲೆ 15 ಸೆಪ್ಟೆಂಬರ್ 2023 ರಂದು 255.60 ರೂ. ಇತ್ತು. ಈಗ 13 ಮಾರ್ಚ್ 2024 ರಂದು ಷೇರುಗಳ ಬೆಲೆ 3351.15 ರೂಪಾಯಿ ತಲುಪಿದೆ.
ವ್ಯಕ್ತಿಯೊಬ್ಬರು ಸೆಪ್ಟೆಂಬರ್ 15, 2023 ರಂದು ಈ ಷೇರುಗಳಲ್ಲಿ 1 ಲಕ್ಷ ರೂ.ಗಳನ್ನು ಹೂಡಿಕೆ ಮಾಡಿ, ಇದುವರೆಗೂ ಉಳಿಸಿಕೊಂಡಿದ್ದರೆ ಈ ಷೇರುಗಳ ಪ್ರಸ್ತುತ ಬೆಲೆ 14.85 ಲಕ್ಷ ರೂಪಾಯಿ ಆಗುತ್ತದೆ.

ಒಂದು ವರ್ಷದಲ್ಲಿ ಈ ಷೇರುಗಳ ಬೆಲೆ 2947% ರಷ್ಟು ತ್ವರಿತ ಏರಿಕೆ ಕಂಡಿದೆ. ಕಂಪನಿಯ ಷೇರುಗಳ ಬೆಲೆ ಮಾರ್ಚ್ 14, 2023 ರಂದು 110 ರೂ. ಇತ್ತು. ಈಗ ರೂ 3351.15 ತಲುಪಿದೆ. ಈ ವರ್ಷ ಇಲ್ಲಿಯವರೆಗೆ ಷೇರುಗಳ ಬೆಲೆ 227% ರಷ್ಟು ಏರಿಕೆಯಾಗಿದೆ. ಕಂಪನಿಯ ಷೇರುಗಳ ಬೆಲೆ ಜನವರಿ 1, 2024 ರಂದು ರೂ 1024.65 ರಷ್ಟಿತ್ತು, ಈ ಷೇರುಗಳ 52 ವಾರದ ಗರಿಷ್ಠ ಬೆಲೆ 4319.85 ರೂ. ಹಾಗೂ ಕನಿಷ್ಠ ಬೆಲೆ 100.40 ರೂ.

https://www.vijayavani.net/crash-in-stock-market-what-are-the-reasons-for-bloodshed-in-small-cap-mid-cap-sensex

https://www.vijayavani.net/why-is-mukesh-ambanis-wife-nita-working-for-a-salary-of-800-rupees-even-after-getting-married

https://www.vijayavani.net/1-lakh-became-1-02-crore-rupees-do-you-know-which-stock-gave-10000-profit-in-4-years