ಮುಂಬೈ: ಡ್ರಗ್ಸ್ ಪ್ರಕರಣದಲ್ಲಿ ನಟಿ ದೀಪಿಕಾ ಪಡುಕೋಣೆ ಹೆಸರು ಕೇಳಿ ಬರುತ್ತಿದ್ದಂತೆ ‘ಡಿಪ್ರೆಷನ್’ಗೆ ಹೋಗಿದ್ದ ಬಾಲಿವುಡ್ನಲ್ಲಿ ಆ ಸಂಬಂಧ ಬಹಳಷ್ಟು ಚರ್ಚೆಗಳು ಆಗಲಾರಂಭಿಸಿವೆ. ಮಾತ್ರವಲ್ಲ, ದೀಪಿಕಾ ಜತೆ ಇನ್ನೂ ಕೆಲವು ನಟಿಯರ ಹೆಸರುಗಳೂ ಹರಿದಾಡಲಾರಂಭಿಸಿವೆ.
ಈ ಮಧ್ಯೆ ‘ರೆಹನಾ ಹೈ ತೇರಾ ದಿಲ್ ಮೇ’ ಖ್ಯಾತಿಯ ನಟಿ ದಿಯಾ ಮಿರ್ಜಾ ಹೆಸರು ಕೂಡ ಕೇಳಿ ಬಂದಿದೆ. ಮಾಧ್ಯಮವೊಂದರಲ್ಲಿ ಈ ಬಗ್ಗೆ ಪ್ರಸ್ತಾಪವಾಗಿರುವ ಹಿನ್ನೆಲೆಯಲ್ಲಿ ದಿಯಾ ಮಿರ್ಜಾ ಇನ್ಸ್ಟಾಗ್ರಾಮ್ನಲ್ಲಿ ಪ್ರತಿಕ್ರಿಯಿಸಿ ಸ್ಪಷ್ಟನೆ ಕೊಟ್ಟಿದ್ದಾರೆ.
“ಅವೆಲ್ಲ ಸುಳ್ಳು, ಆಧಾರರಹಿತ. ಹಾಗೆಲ್ಲ ಸುಮ್ಮನೆ ಸುದ್ದಿ ಮಾಡಿದರೆ ನನ್ನ ಕರಿಯರ್ಗೆ ಧಕ್ಕೆಯಾಗುತ್ತದೆ. ನಾನು ನನ್ನ ಜೀವನದಲ್ಲಿ ಮಾದಕವಸ್ತುಗಳನ್ನು ಯಾವುದೇ ರೂಪದಲ್ಲೂ ಬಳಸಿಲ್ಲ..” ಎಂದು ಸ್ಪಷ್ಟಪಡಿಸಿದ್ದಾರೆ. ಇದಕ್ಕೆ ಕೆಲವರು ಅವರಿಗೆ ಬೆಂಬಲ ಸೂಚಿಸಿ ಕಮೆಂಟ್ ಮಾಡಿದ್ದರೆ, ಇನ್ನು ಕೆಲವರು ಎಲ್ಲ ನಾಟಕ ಎಂದು ಕಾಲೆಳೆದಿದ್ದಾರೆ. (ಏಜೆನ್ಸೀಸ್)