ತೆಲಂಗಾಣ: ಜನರು ಇರುವಲ್ಲಿಗೆ ಮಂಗಗಳು ಬರುತ್ತಿವೆ ಎನ್ನುವ ಕಾರಣಕ್ಕೆ ತೆಲಂಗಾಣದ ಖಮ್ಮಂ ಜಿಲ್ಲೆಯ ಅಮ್ಮಪಲೆಂ ಗ್ರಾಮದಲ್ಲಿ ಒಂದಿಷ್ಟು ಮಂದಿ ಮಂಗವೊಂದಕ್ಕೆ ಉರುಳು ಹಾಕಿರುವ ಅಮಾನವೀಯ ಘಟನೆ ನಡೆದಿದೆ.
ಸಾಲದು ಎಂಬುದಕ್ಕೆ ಇದನ್ನು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ. ಇದೀಗ ವೈರಲ್‌ ಆಗಿದ್ದು, ಆರೋಪಿಗಳನ್ನು ಬಂಧಿಸಲಾಗಿದೆ.
ಇದನ್ನೂ ಓದಿ: ಉಫ್‌…! ಮೇಕೆಯ ಕಾಪಾಡಲು ಇದೆಂಥ ಸಾಹಸನಪ್ಪಾ..?ವಿಡಿಯೋ ನೋಡಿ…
ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಮೂವರನ್ನು ಬಂಧಿಸಿದ ಸಂದರ್ಭದಲ್ಲಿ ಅವರು, ಉಳಿದ ಮಂಗಗಳಿಗೆ ಇದು ಪಾಠವಾಗುತ್ತದೆ ಎನ್ನುವ ಕಾರಣಕ್ಕೆ ತಾವು ಈ ರೀತಿ ಮಾಡಿರುವುದಾಗಿ ಹೇಳಿದ್ದಾರೆ. ಈ ಭಾಗದಲ್ಲಿ ಮಂಗನ ಕಾಟ ವಿಪರೀತ ಆಗಿರುವ ಕಾರಣ ಹೀಗೆ ಪಾಠ ಕಲಿಸಲು ಮಾಡಲಾಗಿದೆ ಎಂದು ಅವರು ಹೇಳಿದ್ದಾರೆ.
ನೀರಿನ ಟ್ಯಾಂಕ್‌ ಒಂದರ ಬಳಿ ಇದ್ದ ಮಂಗವೊಂದನ್ನು ಬುಡಮೇಲಾಗಿ ಕಟ್ಟಿ ಅದಕ್ಕೆ ಉರುಳು ಹಾಕಲಾಗಿದೆ. ಮಂಗ ನೋವಿನಿಂದ ಒದ್ದಾಡುತ್ತಿದ್ದಾಗ ಜನರು ಖುಷಿಯಿಂದ ಕುಣಿದಾಡಿದ್ದಾರೆ. ಮಂಗಕ್ಕೆ ಆಗಿರುವ ಹಿಂಸೆಯನ್ನು ನೋಡಲಾಗದೆ ಎನ್ನುವಂತೆ ನಾಯಿಗಳು ಬೊಗಳುತ್ತಿರುವುದು ಕೂಡ ವಿಡಿಯೋದಲ್ಲಿ ಸೆರೆಯಾಗಿದೆ. ಇದರ ಬಗ್ಗೆ ಮಾಧ್ಯಮಗಳಲ್ಲಿ ಪ್ರಸಾರವಾಗುತ್ತಿದ್ದಂತೆಯೇ ವ್ಯಕ್ತಿಗಳನ್ನು ಬಂಧಿಸಲಾಗಿದೆ.
ಜನರು ಇರುವಲ್ಲಿಗೆ ಮಂಗಗಳು ಬರುತ್ತಿವೆ ಎನ್ನುವ ಕಾರಣಕ್ಕೆ ತೆಲಂಗಾಣದ ಖಮ್ಮಂ ಜಿಲ್ಲೆಯ ಅಮ್ಮಪಲೆಂ ಗ್ರಾಮದಲ್ಲಿ ಒಂದಿಷ್ಟು ಮಂದಿ ಮಂಗವೊಂದಕ್ಕೆ ಉರುಳು ಹಾಕಿರುವ ಅಮಾನವೀಯ ಘಟನೆ ನಡೆದಿದೆ.
Posted by Vijayavani on Monday, June 29, 2020
ಹಿಜ್ಬುಲ್‌ ಉಗ್ರರ ಹತ್ಯೆ: ಜಮ್ಮುವಿನ ದೋಡಾ ಈಗ ಭಯೋತ್ಪಾದನಾ ಮುಕ್ತ ಜಿಲ್ಲೆ…
v