ಮುಂಬೈ: ಇಂಗ್ಲೆಂಡಿನ ಕ್ರಿಕೆಟ್ ಆಲ್ರೌಂಡರ್ ಮೋಯೀನ್ ಅಲಿ ತಮ್ಮ ಐಪಿಎಲ್ ಜೆರ್ಸಿಯಿಂದ ಮದ್ಯದ ಬ್ರಾಂಡ್ನ ಲೋಗೋ ತೆಗೆಯಬೇಕೆಂದು ಚೆನ್ನೈ ಸೂಪರ್ ಕಿಂಗ್ಸ್(ಸಿಎಸ್ಕೆ) ಆಡಳಿತವನ್ನು ಮನವಿ ಮಾಡಿದ್ದಾರೆ.
ಸಿಎಸ್ಕೆ ತಂಡದ ಪರವಾಗಿ ಆಟ ಆಡುಲಿರುವ ಅಲಿ, ಪ್ರಾಯೋಜಕರಲ್ಲಿ ಒಬ್ಬರಾದ ಎಸ್ಎನ್ಜೆ ಡಿಸ್ಟಿಲರೀಸ್ನ ಎಸ್ಎನ್ಜೆ 10000 ಚಿಹ್ನೆಯ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಇಸ್ಲಾಂ ಧರ್ಮವನ್ನು ಪಾಲಿಸುವ ಅಲಿ, ತಮ್ಮ ನಂಬಿಕೆಯಲ್ಲಿ ಮದ್ಯ ಸೇವಿಸುವುದನ್ನು ನಿಷೇಧಿಸಲಾಗಿದೆ. ಆದ್ದರಿಂದ ತಾವು ಅದರ ಲೋಗೋ ಇರುವ ಜೆರ್ಸಿ ತೊಡಲಾಗುವುದಿಲ್ಲ ಎಂದು ಹೇಳಿದ್ದಾರೆ ಎನ್ನಲಾಗಿದೆ.
ಇದನ್ನೂ ಓದಿ: ಮೂಕ ಪ್ರಾಣಿಗಳನ್ನು ಬಿಡುವವರು ಮನೆಯ ಹೆಂಡತಿ, ಮಕ್ಕಳನ್ನು ಬಿಟ್ಟ ಹಾಗೆ !
ಅಲಿ ಅವರ ಈ ಬೇಡಿಕೆಗೆ ಮನ್ನಣೆ ಇತ್ತಿರುವ ಸಿಎಸ್ಕೆ ಆಡಳಿತವು, ನಿರ್ದಿಷ್ಟ ಲೋಗೋವನ್ನು ಅವರ ಜೆರ್ಸಿಯಿಂದ ತೆಗೆಯಲು ಒಪ್ಪಿಗೆ ಸೂಚಿಸಿದೆ ಎನ್ನಲಾಗಿದೆ.
ಫೆಬ್ರವರಿಯಲ್ಲಿ ನಡೆದ ಐಪಿಎಲ್ ಹರಾಜಿನಲ್ಲಿ 33 ವರ್ಷ ವಯಸ್ಸಿನ ಮೋಯೀನ್ ಅಲಿ ಅವರನ್ನು ಸಿಎಸ್ಕೆ, 7 ಕೋಟಿ ರೂಪಾಯಿ ಬಿಡ್ ಮಾಡಿ ತನ್ನ ತಂಡಕ್ಕೆ ಸೇರಿಸಿಕೊಂಡಿತ್ತು. ಈ ಮುನ್ನ ಐಪಿಎಲ್ನ ಮೂರು ಸೀಸನ್ಗಳಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರವಾಗಿ ಅಲಿ ಆಟವಾಡಿದ್ದಾರೆ. (ಏಜೆನ್ಸೀಸ್)
ಕರೊನಾದಿಂದಾಗಿ ಮುಂಬೈನ ಐಪಿಎಲ್ ಪಂದ್ಯಗಳನ್ನು ಬೇರೆಡೆ ನಡೆಸಲಾಗುತ್ತಾ ? ಇಲ್ಲಿದೆ ಉತ್ತರ…
VIDEO | ವರದಿಗಾರ್ತಿಯ ಮೈಕ್ ಕಸಿದು ಓಡಿದ ನಾಯಿ! ಎಲ್ಲವೂ ಲೈವ್ ಟೆಲಿಕಾಸ್ಟ್!