ನವದೆಹಲಿ: ಉತ್ತರ ಪ್ರದೇಶ ಮತ್ತು ಬಿಹಾರ ವಿಧಾನ ಪರಿಷತ್ (ಎಂಎಲ್ಸಿ) ಚುನಾವಣೆಗೆ ಭಾರತೀಯ ಜನತಾ ಪಕ್ಷ ತನ್ನ ಅಭ್ಯರ್ಥಿಗಳನ್ನು ಶನಿವಾರ ಪ್ರಕಟಿಸಿದೆ.
ಇದನ್ನೂ ಓದಿ: ಮೂರ್ನಾಲ್ಕು ದಿನಗಳಲ್ಲಿ ಬಿಜೆಪಿ ಅಭ್ಯರ್ಥಿ ಪಟ್ಟಿ ಬಿಡುಗಡೆ: ಬಿ.ವೈ ವಿಜಯೇಂದ್ರ
ಬಿಹಾರದಲ್ಲಿ ಸ್ಪರ್ಧಿಸಲಿರುವ 11 ಸ್ಥಾನಗಳ ಪೈಕಿ ಬಿಜೆಪಿ ಸದ್ಯಕ್ಕೆ 3 ಸ್ಥಾನಗಳಲ್ಲಿ ತನ್ನ ಅಭ್ಯರ್ಥಿಗಳನ್ನು ಘೋಷಿಸಿದೆ. ಉತ್ತರ ಪ್ರದೇಶದಲ್ಲಿ 13 ಎಂಎಲ್ಸಿ ಸ್ಥಾನಗಳಿಗೆ ಅಭ್ಯರ್ಥಿಗಳು ಸೆಣಸಲಿದ್ದು, ಬಿಜೆಪಿ 7 ಸ್ಥಾನಗಳಲ್ಲಿ ತನ್ನ ಅಭ್ಯರ್ಥಿಗಳನ್ನು ಘೋಷಿಸಿದೆ. ಬಿಹಾರ ಮತ್ತು ಯುಪಿ ಎಂಎಲ್ಸಿ ಚುನಾವಣೆ ಮಾರ್ಚ್ 21 ರಂದು ನಿಗದಿಯಾಗಿದ್ದು, ನಾಮಪತ್ರ ಸಲ್ಲಿಸಲು ಮಾರ್ಚ್ 11 ಕೊನೆಯ ದಿನವಾಗಿದೆ.
BJP announces its list of candidates for the Uttar Pradesh and Bihar MLC elections. pic.twitter.com/azsywm0DNR
— ANI (@ANI) March 9, 2024
ಬಿಹಾರದಿಂದ ಎಂಎಲ್ಸಿ ಅಭ್ಯರ್ಥಿಗಳಾಗಿ ಮಂಗಲ್ ಪಾಂಡೆ, ಡಾ.ಲಾಲ್ ಮೋಹನ್ ಗುಪ್ತಾ ಮತ್ತು ಅನಾಮಿಕಾ ಸಿಂಗ್ ಅವರ ಹೆಸರನ್ನು ಘೋಷಿಸಲಾಗಿದೆ.
ಬಿಹಾರದ ಎಂಎಲ್ಸಿ ಚುನಾವಣೆಯು ಸರ್ಕಾರ ಬದಲಾದ ನಂತರ ಮತ್ತು ಮುಖ್ಯಮಂತ್ರಿ ನಿತೀಶ್ ಕುಮಾರ್ ಎನ್ಡಿಎ ತೆಕ್ಕೆಗೆ ಮರಳಿದ ನಂತರ ಮೊದಲ ಚುನಾವಣೆಯಾಗಲಿದೆ. ರಾಷ್ಟ್ರೀಯ ಜನತಾ ದಳ (ಆರ್ಜೆಡಿ) ಮಾಜಿ ಮುಖ್ಯಮಂತ್ರಿ ರಾಬ್ರಿ ದೇವಿ ಮತ್ತು ಮಾಜಿ ಸಚಿವ ಅಬ್ದುಲ್ಬಾರಿ ಸಿದ್ದಿಕಿ ಸೇರಿದಂತೆ ಕೆಲವು ಪ್ರಭಾವಿ ಅಭ್ಯರ್ಥಿಗಳನ್ನು ಎಂಎಲ್ಸಿ ಚುನಾವಣೆಗೆ ಅಖಾಡಕ್ಕೆ ಇಳಿಸಿದೆ.
ಉತ್ತರ ಪ್ರದೇಶದಲ್ಲಿ, ಪ್ರತಿಪಕ್ಷ ಸಮಾಜವಾದಿ ಪಕ್ಷವು ಮೂರು ಸ್ಥಾನಗಳಿಗೆ ತನ್ನ ಅಭ್ಯರ್ಥಿಗಳನ್ನು ಘೋಷಿಸಿದ್ದರಿಂದ ಎಂಎಲ್ಸಿ ಚುನಾವಣೆಯ ಬಗ್ಗೆ ಹೆಚ್ಚು ಉತ್ಸಾಹ ತೋರಲಿಲ್ಲ. ನರೇಶ್ ಉತ್ತಮ್ ಪಟೇಲ್, ಶಾ ಆಲಂ ಅಕಾ ಗುಡ್ಡು ಜಮಾಲಿ ಮತ್ತು ಮಾಜಿ ಸಚಿವ ಬಲರಾಮ್ ಯಾದವ್ ಎಂಎಲ್ಸಿ ಚುನಾವಣೆಗೆ ಎಸ್ಪಿ ಅಭ್ಯರ್ಥಿಯಾಗಿದ್ದಾರೆ.
ಏತನ್ಮಧ್ಯೆ, ಉತ್ತರ ಪ್ರದೇಶದಿಂದ ವಿಜಯ್ ಬಹದ್ದೂರ್ ಪಾಠಕ್, ಡಾ. ಮಹೇಂದ್ರ ಕುಮಾರ್ ಸಿಂಗ್, ಅಶೋಕ್ ಕಟಾರಿಯಾ, ಮೋಹಿತ್ ಬೇನಿವಾಲ್, ಧರ್ಮೇಂದ್ರ ಸಿಂಗ್, ರಾಮತೀರ್ಥ ಸಿಂಘಾಲ್ ಮತ್ತು ಸಂತೋಷ್ ಸಿಂಗ್ ಅವರನ್ನು ಎಂಎಲ್ಸಿ ಅಭ್ಯರ್ಥಿಗಳಾಗಿ ಕಣಕ್ಕಿಳಿಸಿದೆ.
ಉತ್ತರಪ್ರದೇಶದಲ್ಲಿ 13 ಎಂಎಲ್ಸಿಗಳ ಅಧಿಕಾರಾವಧಿ ಮೇ 5 ರಂದು ಕೊನೆಗೊಳ್ಳಲಿದೆ.
ಮಹಾಶಿವರಾತ್ರಿ ಮೆರವಣಿಗೆಯಲ್ಲಿ ವಿದ್ಯುತ್ ಸ್ಪರ್ಶಿಸಿ 14 ಮಕ್ಕಳ ಮೃತ್ಯು