ಬೆಂಗಳೂರು: ಮಾಲ್ಗುಡಿ ಡೇಸ್ ಎಂದಾಕ್ಷಣ ನೆನಪಾಗುವುದು ಆರ್.ಕೆ.ನಾರಾಯಣ್. ಇವರ ಜತೆಗೆ ಕನ್ನಡಿಗರಿಗೆ ನೆನಪಾಗುವುದು ಶಂಕರ್ನಾಗ್. ಹೌದು.. ಮಾಲ್ಗುಡಿ ಡೇಸ್ ಹೆಸರಿನ ಸಿನಿಮಾ ಚಿತ್ರೀಕರಣವಾಗುತ್ತಿದ್ದು, ಇದರ ಅಫೀಷಿಯಲ್ ಟೀಸರ್ ಶುಕ್ರವಾರ ಬಿಡುಗಡೆಯಾಗಿದ್ದು. ಹೆಚ್ಚಿನ ನಿರೀಕ್ಷೆಗಳನ್ನು ಹುಟ್ಟಿಸಿದೆ.
ಟೀಸರ್ನಲ್ಲಿ ಮಾಲ್ಗುಡಿ ಡೇಸ್ -ಮಾಲ್ಗುಡಿ ಡೇಸ್ ಎಂಬ ಹಾಡು ಇದ್ದು, ವಿಜಯರಾಘವೇಂದ್ರ ಅವರೂ ತೆರೆಯ ಮೇಲೆ ಕಾಣಿಸಿಕೊಂಡಿದ್ದಾರೆ. ಅವರ ಹೊಸ ಲುಕ್ ಭಿನ್ನವಾಗಿದ್ದು ಗಮನಸೆಳೆದಿದೆ.
ಈ ಸಿನಿಮಾ 65 ವರ್ಷದ ಲೇಖಕ ಲಕ್ಷ್ಮೀನಾರಾಯಣ ಮಾಲ್ಗುಡಿ ಎಂಬುವವರು ನಿವೃತ್ತಿ ನಂತರದ ಬದುಕಿನ ಚಿತ್ರಣವನ್ನು ಹೊಂದಿದೆ. ಬಾಕಿ ಕೆಲಸಗಳನ್ನು ಪೂರೈಸಬೇಕೆಂಬ ಬಯಕೆ ಆತನ ಬದುಕಿನಲ್ಲಿ ಸೃಷ್ಟಿಸುವ ಘಟನಾವಳಿಗಳ ಚಿತ್ರಣ ಇದರಲ್ಲಿದೆ. ಅದೇನು, ಎತ್ತ ಹೇಗೆ ಕಥೆ ಹೆಣೆದುಕೊಂಡಿದೆ ಎಂಬ ಕುತೂಹಲವನ್ನು ಸೃಷ್ಟಿಸಿದೆ.
ಈ ಚಿತ್ರ ಫೆಬ್ರವರಿ 7ರಂದು ತೆರೆಕಾಣಲಿದೆ. ಕಥೆ ಮತ್ತು ನಿರ್ದೇಶನ ಕಿಶೋರ್ ಮೂಡಬಿದ್ರಿ ಅವರದ್ದಾಗಿದೆ. ಸ್ವಯಂಪ್ರಭಾ ಎಂಟರ್ಟೇನ್ಮೆಂಟ್ ಆ್ಯಂಡ್ ಪ್ರೊಡಕ್ಷನ್ ಬ್ಯಾನರ್ನಲ್ಲಿ ಈ ಸಿನಿಮಾ ಸಿದ್ಧವಾಗುತ್ತಿದೆ.