ನವದೆಹಲಿ: ಅಡುಗೆ ಅನಿಲ ಹಾಗೂ ಸಾಂದ್ರಿಕೃತ ನೈಸರ್ಗಿಕ ಅನಿಲ ( ಸಿಎನ್ಜಿ) ಬೆಲೆ ಭಾರಿ ಪ್ರಮಾಣದಲ್ಲಿ ಇಳಿಕೆಯಾಗುವ ನಿರೀಕ್ಷೆಯಿದೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ನೈಸರ್ಗಿಕ ಅನಿಲದ ದರದಲ್ಲಿ ಇಳಿಕೆಯಾಗಲಿರುವ ಕಾರಣ, ಕಳೆದೊಂದು ದಶಕಕ್ಕೆ ಹೋಲಿಸಿದಲ್ಲಿ ಅತಿ ಕಡಿಮೆಯಾಗುವ ಸಾಧ್ಯತೆ ಇದೆ.
ಹಣದುಬ್ಬರದ ಕಾರಣದಿಂದಾಗಿ ತೈಲ ಬೆಲೆಯಲ್ಲಿ ಏರಿಕೆ ಕಾಣುತ್ತಿದೆ. ಆದರೆ, ಎಲ್ಪಿಜಿ, ಸಿಎನ್ಜಿ ಹಾಗೂ ಪಿಎನ್ಜಿ ( ಕೊಳವೆ ಮೂಲಕ ಪೂರೈಸಲಾಗುವ ನೈಸರ್ಗಿಕ ಅನಿಲ) ಬೆಲೆಯಲ್ಲಿ ಇಳಿಕೆಯಾಗಲಿದೆ.
ಇದನ್ನೂ ಓದಿ; ಅಕ್ಟೋಬರ್ 4 ರಂದು ಶಿಕ್ಷಕರ ಅರ್ಹತಾ ಪರೀಕ್ಷೆ
ನೈಸರ್ಗಿಕ ಅನಿಲದ ಬೆಲೆಯನ್ನು ಪ್ರತಿ ಆರು ತಿಂಗಳಿಗೊಮ್ಮೆ ನಿರ್ಧರಿಸಲಾಗುತ್ತದೆ. ಅದರಂತೆ ಪ್ರತಿ ಏಪ್ರಿಲ್ ಹಾಗೂ ಅಕ್ಟೋಬರ್ನಲ್ಲಿ ದರ ನಿಗದಿಯಾಗುತ್ತದೆ. ಅಕ್ಟೋಬರ್ನಲ್ಲಿ ನಿಗದಿಯಾಗಬೇಕಾದ ಬೆಲೆ ಪ್ರತಿ ಎಂಎಂಬಿಟಿಯು ಗೆ (ಮೆಟ್ರಿಕ್ ಮಿಲಿಯಲ್ ಬ್ರಿಟಿಷ್ ಥರ್ಮಲ್ ಯೂನಿಟ್) 1.90ದಿಂದ 1.94 ಡಾಲರ್ ಆಸುಪಾಸಿನಲ್ಲಿರಲಿದೆ. ಇದು ಕಳೆದ ಒಂದು ದಶಕದಲ್ಲಿಯೇ ಅತ್ಯಂತ ಕಡಿಮೆಯಾಗಿದೆ.
ನೈಸರ್ಗಿಕ ಅನಿಲ ರಫ್ತು ಮಾಡುವ ರಾಷ್ಟ್ರಗಳು ಮೂಲಬೆಲೆಯನ್ನು ಬದಲಾಯಿಸಲಿವೆ. ಅಕ್ಟೋರ್ 1 ರಿಂದ ಈ ಬೆಲೆ 1.84 ಡಾಲರ್ಗೆ ಪರಿಷ್ಕರಣೆಯಾಗಲಿದೆ. ಇದು ಜಾರಿಯಾಗಿದ್ದೇ ಆದಲ್ಲಿ ಸತತ ಮೂರನೇ ಬಾರಿಗೆ ನೈಸರ್ಗಿಕ ಅನಿಲದ ಬೆಲೆ ಕಡಿಮೆಯಾದಂತಾಗಲಿದೆ. ಕಳೆದ ಏಪ್ರಿಲ್ನಲ್ಲಿ ಪ್ರತಿ ಎಂಎಂಬಿಟಿಯುಗೆ 26 ಸೆಂಟ್ ಇಳಿಕೆ ಮಾಡಿ 2.69 ಡಾಲರ್ಗೆ ನಿಗದಿ ಮಾಡಲಾಗಿತ್ತು.
ಹೊಸ ಅನಿಲ ಬೆಲೆ ಜಾರಿಗೆ ಬಂದಿದ್ದೇ ಆದಲ್ಲಿ ಎಲ್ಪಿಜಿ, ಸಿಎನ್ಜಿ ಹಾಗೂ ಪಿಎನ್ಜಿ ಬೆಲೆಯಲ್ಲಿ ಭಾರಿ ಇಳಿಕೆಯಾಗಲಿದೆ.
ಚೀನಾದಲ್ಲಿ ಮಸೀದಿಗಳು ಧ್ವಂಸ; ಅದೇ ಜಾಗದಲ್ಲಿ ಪ್ರವಾಸಿಗರಿಗಾಗಿ ಶೌಚಗೃಹ, ಮದ್ಯದಂಗಡಿ ನಿರ್ಮಾಣ