ಕೋಲ್ಹಾಪುರ : ಮಹಾರಾಷ್ಟ್ರದಲ್ಲಿ ಪ್ರೇಮಿಯೊಬ್ಬರು ತಮ್ಮ ಪ್ರೀತಿಯನ್ನು ಹೇಳಿಕೊಳ್ಳಲು ವಿಭಿನ್ನವಾದ ‘ಮಾರ್ಗ’ ಅನುಸರಿಸಿದ್ದಾರೆ. ಅದೆಂದರೆ, ರಾತ್ರಿಯೊಂದರಲ್ಲಿ ಸುಮಾರು ಎರಡೂವರೆ ಕಿಲೋಮೀಟರ್ ಉದ್ದ ರಸ್ತೆಯ ಮೇಲೆ ಐ ಲವ್ ಯು, ಐ ಮಿಸ್ ಯು ಎಂದು ಬರೆಯುತ್ತಾ ಹೋಗಿರುವುದು! ಈ ಬಗೆಗಿನ ಫೋಟೋ ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.
ಇತ್ತೀಚೆಗೆ ಕೋಲ್ಹಾಪುರ ಜಿಲ್ಲೆಯ ಧರಣಗುಟ್ಟಿ ಹಳ್ಳಿಯ ನಿವಾಸಿಗಳು ಬೆಳಗ್ಗೆ ಎದ್ದಾಗ ಈ ಅಜ್ಞಾತ ಪ್ರೇಮಿಯ ಬಹಿರಂಗ ಪ್ರೇಮ ನಿವೇದನೆ ರಸ್ತೆ ಮೇಲೆ ಕಾಣಿಸಿದೆ. ರಾಜ್ಯದ ಜೈಸಿಂಗ್ಪುರದಿಂದ ಧರಣಗುಟ್ಟಿಗೆ ಹೋಗುವ ಟಾರ್ ರಸ್ತೆಯ ಮೇಲೆ ಬಿಳಿಯ ಬಣ್ಣದ ಆಯಿಲ್ ಪೇಂಟ್ ಬಳಸಿ, ‘ಐ ಲವ್ ಯು’, ‘ಐ ಮಿಸ್ ಯು’ ಎಂದು ಬರೆಯಲಾಗಿದೆ. ರಸ್ತೆಯಲ್ಲಿ ಸ್ವಲ್ಪ ಸ್ವಲ್ಪ ಅಂತರ ಬಿಟ್ಟು ಆಂಗ್ಲಭಾಷೆಯಲ್ಲಿ ಸಂದೇಶ ಬರೆದಿರುವ ಈ ಪ್ರೇಮಿ, ಒಂದೆಡೆಯಂತೂ “ಐ ಮಿಸ್ ಯು. ಜಿಂದಗಿ ಕೆ ಸಾಥ್, ಜಿಂದಗಿ ಕೆ ಬಾದ್ ಭೀ” ಎಂದು ಹಿಂದಿಯನ್ನೂ ಬಳಸಿ ಕಾವ್ಯಮಯವಾಗಿ ಬರೆದಿದ್ದಾರೆ.
ಇದನ್ನೂ ಓದಿ: “ರಾಜ್ಯದಲ್ಲಿ ಲವ್ ಜಿಹಾದ್, ಲ್ಯಾಂಡ್ ಜಿಹಾದ್ ವಿರುದ್ಧ ಕಾನೂನು ತರುತ್ತೇವೆ”
ಈವರೆಗೂ ಗುರುತು ಸಿಕ್ಕಿಲ್ಲದ ಈ ಪ್ರೇಮಿಯ ಭಾವೋದ್ವೇಗದ ಕೃತ್ಯದಿಂದ ಈಗ ಧರಣಗುಟ್ಟಿ ಗ್ರಾಮ ಪಂಚಾಯಿತಿ ನೌಕರರಿಗೆ ಹೊಸತೊಂದು ಕೆಲಸ ಬಿದ್ದಿದೆ. ಅದೆಂದರೆ, ತಾವೂ ಬಿಳಿಯ ಪೇಂಟ್ ಹಿಡಿದು ಈ ಪ್ರೇಮ ಸಂದೇಶಗಳನ್ನು ಮರೆ ಮಾಡುವುದು! (ಏಜೆನ್ಸೀಸ್)
‘ನನ್ನ ವಾಲೆಂಟೈನ್ – ಪ್ರತಿದಿನ, ಎಂದೆಂದಿಗೂ’ ಎಂದು ಸನ್ಸೆಟ್ ಫೋಟೋ ಹಾಕಿದ ಅನುಷ್ಕಾ
ಮಾಸ್ಕ್ ಹಾಕಿಲ್ಲ ಎಂದು ದಂಡ ಕೇಳಿದ ಮಾರ್ಷಲ್ಗೆ, ಹಿಗ್ಗಾ ಮುಗ್ಗಾ ಹೊಡೆದ ಮಹಿಳೆ