ಕೊಪ್ಪಳ: ಲೋಕಸಭೆ ಚುನಾವಣೆಯಲ್ಲಿ ರಾಜ್ಯ ಕಟ್ಟಡ ಮತ್ತು ಇತರೆ ನಿರ್ಮಾಣ ಕಾರ್ಮಿಕರ ೆಡರೇಷನ್ ಸಿಐಟಿಯು ಐಎನ್ಡಿಐಎ ಮೈತ್ರಿಕೂಟಕ್ಕೆ ಬೆಂಬಲ ನೀಡಿದ್ದು, ಕೊಪ್ಪಳದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ರಾಜಶೇಖರ ಹಿಟ್ನಾಳ ಪರ ಪ್ರಚಾರ ನಡೆಸಲಿದ್ದೇವೆ ಎಂದು ೆರೇಷನ್ ರಾಜ್ಯ ಪ್ರಧಾನ ಕಾರ್ಯದರ್ಶಿ ಕೆ.ಮಹಾಂತೇಶ ತಿಳಿಸಿದರು.
ಕಾರ್ಮಿಕರ ಕಾಯ್ದೆ, ಸೆಸ್ ಕಾಯ್ದೆ ರಕ್ಷಣೆ, ಕಾಮಿಕರ ಹಕ್ಕುಗಳಕಲ್ಯಾಣಮಂಡಳಿ ಸೌಲಭ್ಯಗಳ ಉಳಿವು, ಕಾಪೋರ್ರೇಟ್ ಕಂಪನಿಗಳ ಪರವಾದ ಕಾಯ್ದೆಗಳ ರದ್ಧತಿ ಹಾಗೂ ಸಮಾಜದಲ್ಲಿ ಶಾಂತಿ, ಸೌಹಾರ್ದತೆ, ಸಹಬಾಳ್ವೆಗಾಗಿ ಸಂಟನೆ ಈ ನಿರ್ಧಾರ ಮಾಡಿದೆ. ಕಳೆದ 10 ವರ್ಷದಲ್ಲಿ ಬಿಜೆಪಿ ಸರ್ಕಾರ ಕಾರ್ಮಿಕ ಜೀವನದ ಮೇಲೆ ವ್ಯವಸ್ಥಿತ ದಾಳಿ ಮಾಡಿದೆ. ನೋಟು ಅಮಾನ್ಯೀಕರಣ, ಜಿಎಸ್ಟಿ ಜಾರಿ ನೇರ ಪರಿಣಾಮ ನಿರ್ಮಾಣ ವಲಯದ ಕಾರ್ಮಿಕರ ಮೇಲಾಗಿದೆ. ಕೇಂದ್ರ ಕಲ್ಯಾಣ ಮಂಡಳಿ ನಿಧಿ ದುರ್ಬಳಕೆ ಮಾಡಿಕೊಂಡಿದೆ. ಜತೆಗೆ ಚುನಾವಣಾ ಬಾಂಡ್ ಹೆಸರಿನಲ್ಲಿ ಕಾಪೋರ್ರೇಟ್ ಕಂಪನಿಗಳಿಂದ ಸಾವಿರಾರು ಕೋಟಿ ರೂ. ಭ್ರಷ್ಟಾಚಾರ ನಡೆಸಿದೆ. ಇವೆಲ್ಲ ಕಾರಣಗಳಿಗಾಗಿ ಕಾಂಗ್ರೆಸ್ ಬೆಂಬಲಿಸಲು ನಿರ್ಧರಿಸಲಾಗಿದೆ ಎಂದು ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಹೇಳಿದರು.
ಯುದ್ಧ ಪೀಡಿತ ಇಸ್ರೇಲ್ಗೆ ದೇಶದ ಸಾವಿರಾರು ಕಾರ್ಮಿಕರನ್ನು ಕಳಿಸಿದ್ದು, ಅವರಿಗೆ ಭದ್ರತೆ ಇಲ್ಲ. ಕಾರ್ಮಿಕರ ಜೀವದ ಜತೆಗೆ ಚೆಲ್ಲಾಟ ಆಡುತ್ತಿದ್ದು, ದೇಶದ ಸೌಹಾರ್ದತೆಯನ್ನು ಬಿಜೆಪಿ ಹಾಳು ಮಾಡುತ್ತಿದೆ. ಅದಕ್ಕಾಗಿ ಕಾಂಗ್ರೆಸ್ ಬೆಂಬಲಿಸಿದ್ದೇವೆ. ರಾಜ್ಯದ ಎಲ್ಲ ಜಿಲ್ಲೆಗಳಲ್ಲಿ ಕೈ ಅಭ್ಯರ್ಥಿಗಳ ಪರ ಪ್ರಚಾರದಲ್ಲಿ ತೊಡಗಿದ್ದು, ಕೊಪ್ಪಳದಲ್ಲೂ ರಾಜಶೇಖರ ಹಿಟ್ನಾಳ ಪರ ಮತ ಯಾಚಿಸಲಿದ್ದೇವೆ ಎಂದರು.
ಪದಾಧಿಕಾರಿಗಳಾದ ಕಾಸಿಂ ಸರ್ದಾರ, ಹನುಮೇಶ ಭೋವಿ, ಮೆಹಬೂಬ್ ದಪೇದಾರ, ಇಕ್ಬಾಲ್ ಪೇಂಟರ್, ಇಸ್ಮಾಯಿಲ್ ಇಟಗಿ ಇತರರಿದ್ದರು.