ದುಬೈ: ದುಬೈ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಐಪಿಎಲ್ ಟೂರ್ನಿಯ 6ನೇ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ನಾಯಕ ಕೆ.ಎಲ್. ರಾಹುಲ್ 132 ರನ್ಗಳ ಭರ್ಜರಿ ಶತಕ ಸಿಡಿಸಿದ್ದಾರೆ. ಪ್ರಸಕ್ತ ಐಪಿಎಲ್ ಆವೃತ್ತಿಯ ಮೊದಲ ಶತಕವಾಗಿದ್ದು, ರಾಹುಲ್ಗೆ ಎರಡನೇ ಶತಕವಾಗಿದೆ.
ಕೇವಲ 62 ಎಸೆತಗಳಲ್ಲಿ 7 ಸಿಕ್ಸರ್, 14 ಬೌಂಡರಿ ನೆರವಿನೊಂದಿಗೆ ರಾಹುಲ್ ಸಿಡಿಸಿದ ಭರ್ಜರಿ ಶತಕದ ಶ್ರಮದ ಹಿಂದೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್ ಕೊಹ್ಲಿಯ ಕಾಣಿಕೆಯು ಇದೆ ಎಂಬುದನ್ನು ಮರೆಯಬಾರದು.
ರಾಹುಲ್ ಬಾರಿಸಿದ ಚೆಂಡನ್ನು ಎರಡು ಬಾರಿ ಕೈಚೆಲ್ಲುವ ಮೂಲಕ ಅಮೂಲ್ಯ ಜೀವದಾನ ನೀಡಿದ್ದು, ರಾಹುಲ್ ಶತಕಕ್ಕೆ ಬುನಾದಿ ಹಾಕಿಕೊಟ್ಟಂತಾಯಿತು. ಹೀಗಾಗಿ ಶತಕ ಸಿಡಿಸಿ ರಾಹುಲ್ ಅಜೇಯರಾಗಿಯು ಉಳಿದರು.
ಇದನ್ನೂ ಓದಿ: ಯುವಕನನ್ನು ಅಪಹರಿಸಿದ್ದ ಕಳ್ಳಕೃಷ್ಣನಿಗೆ ಗುಂಡೇಟು; 5 ಲಕ್ಷ ಕೇಳಿದವನೀಗ ಆಸ್ಪತ್ರೆಯಲ್ಲಿ
ಅಂದಹಾಗೆ ರಾಹುಲ್ ಒಟ್ಟು 69 ಐಪಿಎಲ್ ಪಂದ್ಯಗಳ ಎರಡನೇ ಶತಕ ಇದಾಗಿದೆ. 2019ರ ಆವೃತ್ತಿಯಲ್ಲಿ 63 ಎಸೆತಗಳಲ್ಲಿ ಶತಕ ಸಿಡಿಸಿದ್ದರು. ಐಪಿಎಲ್ನಲ್ಲಿ ಒಂದಕ್ಕಿಂತ ಹೆಚ್ಚು ಶತಕ ಸಿಡಿಸಿದ 6ನೇ ಭಾರತೀಯ ಆಟಗಾರನೆಂಬ ಕೀರ್ತಿಗೆ ರಾಹುಲ್ ಭಾಜನರಾಗಿದ್ದಾರೆ.
ಇನ್ನು ಪಂಜಾಬ್ ತಂಡ ನಿಗದಿತ 20 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ ಆರ್ಸಿಬಿ ಗೆಲುವಿಗೆ 207 ರನ್ ಗುರಿ ನೀಡಿದೆ. ಗುರಿ ಬೆನ್ನತ್ತಿರುವ ಆರ್ಸಿಬಿ ಸದ್ಯ 69 ರನ್ಗೆ ಪ್ರಮುಖ 5 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದೆ. (ಏಜೆನ್ಸೀಸ್)
ರಾಹುಲ್ ರೋರಿಂಗ್ ಶತಕ: ಕೊಹ್ಲಿ ಪಡೆಗೆ ಬೃಹತ್ ಗುರಿ ನೀಡಿದ ಪಂಜಾಬ್ ಕಿಂಗ್ಸ್!