ಲಖನೌ: ಸೋಮವಾರ ಎರಡನೇ ಬಾರಿ ನಡೆದ ಕೋವಿಡ್-19 ಪರೀಕ್ಷೆಯಲ್ಲೂ ಬಾಲಿವುಡ್ ಪ್ರಖ್ಯಾತ ಸಿಂಗರ್ ಕನ್ನಿಕಾ ಕಪೂರ್ಗೆ ಪಾಸಿಟಿವ್ ವೈರಸ್ ಸೋಂಕು ಇರುವುದು ಧೃಡಪಟ್ಟಿದೆ.
ಕನಿಕಾ ಕಪೂರ್ ರಕ್ತದ ಮಾದರಿಯನ್ನು ಸಂಜಯ್ ಗಾಂಧಿ ಪೋಸ್ಟ್ ಗ್ರಾಜ್ಯುಯೇಟ್ ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್(ಎಸ್ಜಿಪಿಜಿಐಎಂಎಸ್) ಹಾಸ್ಪಿಟಲ್ನಲ್ಲಿ ಪರೀಕ್ಷಿಸಲಾಯಿತು. ಗಾಯಕಿಯ ಕುಟುಂಬದವರು ಪ್ರಾಥಮಿಕ ಪರೀಕ್ಷಾ ವರದಿಯ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದಕ್ಕೆ ಮತ್ತೊಮ್ಮೆ ಪರೀಕ್ಷೆ ನಡೆಸಲಾಯಿತು. ಸದ್ಯ ಕನ್ನಿಕಾ ಆರೋಗ್ಯ ಸ್ಥಿತಿ ಸ್ಥಿರವಾಗಿದೆ.
ನನಗೆ ನೀಡಿರುವ ಕೊಠಡಿ ಕೊಳಕಾಗಿದೆ ಮತ್ತು ಸೊಳ್ಳೆಗಳು ತುಂಬಿವೆ ಎಂದು ಕನ್ನಿಕಾ ಮಾಡಿದ್ದ ಆರೋಪವನ್ನು ಅಲ್ಲಗೆಳೆದಿರುವ ಎಸ್ಜಿಪಿಜಿಐಎಂಎಸ್ ನಿರ್ದೇಶಕ ಡಾ. ಆರ್.ಕೆ. ಧೀಮನ್, ಆಕೆಗೆ ಉತ್ತಮವಾದ ಸೌಲಭ್ಯವನ್ನು ನೀಡಲಾಗಿದೆ ಎಂದು ಸ್ಪಷ್ಟನೆ ನೀಡಿದ್ದು, ಆಸ್ಪತ್ರೆಯ ಸಿಬ್ಬಂದಿ ಪ್ರತಿ ನಾಲ್ಕು ಗಂಟೆಗೆ ಒಮ್ಮೆ ಆಕೆಯ ಕೊಠಡಿಯನ್ನು ಶುಚಿಗೊಳಿಸುತ್ತಾರೆ. ಕನಿಕಾ ಆರೋಪ ಆಧಾರಹಿತ ಎಂದು ಹೇಳಿದರು.
ಹಾಸ್ಪಿಟಲ್ ಕಿಚನ್ನಿಂದಲೇ ಕನ್ನಿಕಾರಿಗೆ ಆಹಾರವನ್ನು ನೀಡಲಾಗುತ್ತಿದೆ. ಶೌಚಗೃಹ, ಬೆಡ್ ಮತ್ತು ಟಿವಿ ಒಳಗೊಂಡಂತೆ ಪ್ರತ್ಯೇಕ ಕೊಠಡಿಯನ್ನು ಒದಗಿಸಲಾಗಿದೆ. ವೆಂಟಿಲೇಷನ್ ಕೂಡ ಸರಿಯಾಗಿದ್ದು, ಸಾಧ್ಯವಾದಷ್ಟು ಗಮನವನ್ನು ಅವರೆಡೆಗೆ ಕೊಡಲಾಗುತ್ತಿದೆ. ಆದರೆ, ಸ್ಟಾರ್ ಎಂಬುದನ್ನು ಮರೆತು ರೋಗಿಯ ರೀತಿ ವರ್ತಿಸುವುದನ್ನು ಮೊದಲು ಕಲಿಯಬೇಕಿದೆ ಎಂದು ಸಲಹೆ ನೀಡಿದ್ದಾರೆ.
ಕನ್ನಿಕಾ ಹತ್ತು ದಿನಗಳ ಹಿಂದೆ ಯುಕೆ ಇಂದ ಭಾರತಕ್ಕೆ ವಾಪಾಸ್ಸಾದರು. ಮಾರ್ಚ್ 9ರಂದು ಲಂಡನ್ನಿಂದ ಮುಂಬೈಗೆ ಮರಳಿದ ಕನ್ನಿಕಾ ಬಳಿಕ ಕೆಲ ಕಾರ್ಯಕ್ರಮಗಳಲ್ಲಿ ಭಾಗಿಯಾಗಲು ಲಖನೌಗೆ ತೆರಳಿದರು. ಈ ಕಾರ್ಯಕ್ರಮದಲ್ಲಿ ಅನೇಕ ರಾಜಕಾರಣಿಗಳು ಸಹ ಭಾಗಿಯಾಗಿದ್ದರು. ಸೋಂಕಿನ ಬಗ್ಗೆ ಮುಚ್ಚಿಟ್ಟ ಆರೋಪದ ಮೇಲೂ ಕನ್ನಿಕಾ ವಿರುದ್ಧ ಪ್ರಕರಣ ದಾಖಲಾಗಿದೆ. (ಏಜೆನ್ಸೀಸ್)
ಕರೊನಾ ವೈರಸ್ ಸೋಂಕಿತ ಬಾಲಿವುಡ್ ಗಾಯಕಿ ವಿರುದ್ಧ ವೈದ್ಯರಿಂದ ಸ್ಪೋಟಕ ಮಾಹಿತಿ ಬಹಿರಂಗ
ಬಾಲಿವುಡ್ ಪ್ರಖ್ಯಾತ ಗಾಯಕಿಗೆ ಕರೊನಾ ಸೋಂಕು ಧೃಡ: ಕೋವಿಡ್-19ಗೆ ಗುರಿಯಾದ ಮೊದಲ ಸೆಲೆಬ್ರಿಟಿ