ಸ್ಫೋಟಕಕ್ಕೆ ಬಲಿಯಾದ ಪತ್ರಕರ್ತ; ವರದಿಗಾರಿಕೆಗೆ ತೆರಳಿದಾಗ ದುರಂತ

ಭುವನೇಶ್ವರ: ವರದಿಗಾರಿಕೆಗೆ ತೆರಳಿದ್ದ ಪತ್ರಕರ್ತ ಸ್ಫೋಟಕಕ್ಕೆ ಬಲಿಯಾದ ದುರಂತವೊಂದು ಸಂಭವಿಸಿದೆ. ರೋಹಿತ್ ಬಿಸ್ವಾಲ್​ (43) ಸ್ಫೋಟಕಕ್ಕೆ ಬಲಿಯಾದ ಪತ್ರಕರ್ತ.

ಒಡಿಶಾದ ಕಲಹಂಡಿ ಜಿಲ್ಲೆಯಲ್ಲಿ ಇಂದು ಈ ದುರಂತ ಸಂಭವಿಸಿದೆ. ಮಾವೊವಾದಿಗಳಿಟ್ಟ ಸ್ಫೋಟಕ ಇದೆಂದು ಶಂಕಿಸಲಾಗಿದ್ದು, ವರದಿಗಾರಿಕೆ ವೇಳೆ ಅದರ ಸನಿಹಕ್ಕೆ ಹೋದ ಪತ್ರಕರ್ತ ಸಾವಿಗೀಡಾಗಿದ್ದಾನೆ.

ಒಡಿಶಾದ ದೈನಿಕ ಪತ್ರಿಕೆಯ ವರದಿಗಾರನಾಗಿದ್ದ ರೋಹಿತ್, ಮದನ್​ಪುರ್​-ರಾಮ್​ಪುರ್ ಬ್ಲಾಕ್​ನ ಮೋಹನ್​ಗಿರಿ ಗ್ರಾಮದ ಪಂಚಾಯತ್ ಚುನಾವಣೆಯಲ್ಲಿ ಗ್ರಾಮಸ್ಥರು ಮತ ಚಲಾಯಿಸಬಾರದು ಎಂದು ಪೋಸ್ಟರ್​ಗಳನ್ನು ಅಲ್ಲಿ ಹಾಕಲಾಗಿತ್ತು. ಮಾವೋವಾದಿಗಳು ಅದನ್ನು ಹಾಕಿರಬಹುದು ಎಂದು ಅಂದಾಜಿಸಲಾಗಿದೆ. ಅಲ್ಲಿಗೆ ಬಾಂಬ್​ ನಿಷ್ಕ್ರಿಯ ದಳ ಹಾಗೂ ಇತರ ಪೊಲೀಸರು ತಲುಪುವುದಕ್ಕೂ ಮೊದಲೇ ತೆರಳಿದ್ದ ವರದಿಗಾರ ಈ ದುರಂತಕ್ಕೆ ಬಲಿಯಾಗಿದ್ದಾನೆ.

ಸಮತಾಮೂರ್ತಿ ಅನಾವರಣ: ವಿಶ್ವದ 2ನೇ ಅತಿ ಎತ್ತರದ ಪ್ರತಿಮೆ ಲೋಕಾರ್ಪಣೆ ಮಾಡಿದ ಮೋದಿ