ಜಗ್ಗೇಶ್ ಅವರ ಚಿತ್ರಜೀವನದ ಬಹಳ ಮುಖ್ಯವಾದ ಚಿತ್ರ ಎಂದರೆ, ಅದು ‘ಎದ್ದೇಳು ಮಂಜುನಾಥ’. ಗುರುಪ್ರಸಾದ್ ನಿರ್ದೇಶನದ ಈ ಚಿತ್ರದಲ್ಲಿ ಜಗ್ಗೇಶ್ ಅವರು ಪರಮ ಸೋಮಾರಿಯಾಗಿ ನಟಿಸಿದ್ದರು. ಅವರ ಈ ನಟನೆ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿತ್ತು. ಈಗ ಜಗ್ಗೇಶ್ ಅವರು ಮಂಜುನಾಥನ ದಾಖಲೆಯನ್ನು ರಿಯಲ್ ಲೈಫ್ನಲ್ಲಿ ಮುರಿದಿದ್ದಾರೆ.
ಮಂಗಳವಾರ ಬೆಳಿಗ್ಗೆ ಟ್ವೀಟ್ ಮಾಡಿರುವ ಅವರು, 14 ಗಂಟೆಗಳ ಕಾಲ ನಿದ್ದೆ ಮಾಡುವ ಮೂಲಕ ‘ಎದ್ದೇಳು ಮಂಜುನಾಥ’ನ ರೆಕಾರ್ಡ್ ಮುರಿದಿದ್ದಾಗಿ ಹೇಳಿದ್ದಾರೆ. ಅಷ್ಟೇ ಅಲ್ಲ, ಅದಕ್ಕೆ ಕಾರಣವನ್ನೂ ನೀಡಿದ್ದಾರೆ.
‘ಮಂಜುನಾಥನ ರೆಕಾರ್ಡ್ ಬ್ರೇಕ್. 14 ಗಂಟೆ ನಿದ್ರಿಸಿ ಇಂದು ಮುರಿದೆ. ಕಾರಣ ಮಾಡಲು ಕಾಯಕವಿಲ್ಲ. ಅದೇ ಪುಸ್ತಕ, ಅದೇ ನೆಟ್‌ಫ್ಲಿಕ್ಸ್, ಅದೇ ಊಟ, ಅದೇ ವ್ಯಾಯಾಮದ ಪುನರಾವರ್ತನೆ ತಪ್ಪಿಸಲು. ನನ್ನ ಬೇಜಾರು ನಾನೇ ಕಳೆಯುವ ತಂತ್ರ. ತಪ್ಪು, ಆದರೂ ವಿಧಿಯಿಲ್ಲ. ಸ್ಟೇ ಹೋಮ್’ ಎಂದು ಜಗ್ಗೇಶ್ ಬರೆದುಕೊಂಡಿದ್ದಾರೆ. ಹಾಗೆಯೇ ರಾಯರ ಬೃಂದಾವನದ ಫೋಟೋವೊಂದನ್ನು ಶೇರ್ ಮಾಡಿದ್ದಾರೆ.
ಇವತ್ತಿನ ರಾಯರ ಬೃಂದಾವನ ಅಲಂಕಾರ ದರ್ಶನ.. ಓಂ ಶ್ರೀ ರಾಘವೇಂದ್ರಾಯ ನಮಃ 🙏🙏
ಎದ್ದೇಳುಮಂಜುನಾಥನ record break
14ಘಂಟೆ ನಿದ್ರಿಸಿ ಇಂದು ಮುರಿದೆ..!
ಕಾರಣ ಮಾಡಲು ಕಾಯಕವಿಲ್ಲಾ!
ಅದೆ ಪುಸ್ತಕ ಅದೆ Netflix ಅದೆ ಊಟ
ಅದೆ ವ್ಯಾಯಾಮದ ಪುನರಾವರ್ತನೆ ತಪ್ಪಿಸಲು!ನನ್ನಬೇಜಾರು ನಾನೆ ಕಳೆಯುವ
ತಂತ್ರ!ತಪ್ಪು ಆದರು ವಿಧಿಯಿಲ್ಲಾ!
#stayhome pic.twitter.com/rIdRFQorVZ— ನವರಸನಾಯಕ ಜಗ್ಗೇಶ್ (@Jaggesh2) April 21, 2020
ರಾಜಮೌಳಿ ಚಾಲೆಂಜ್ ಒಪ್ಪಿದ ತಾರಕ್ … ಕಸ ಗುಡಿಸಿ ರಿಯಲ್ ಹೀರೋ ಆದ ಜ್ಯೂನಿಯರ್ ಎನ್.ಟಿ.ಆರ್