ನವದೆಹಲಿ: ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಶನಿವಾರ ವಿದಾಯ ಘೋಷಿಸಿರುವ ಟೀಮ್ ಇಂಡಿಯಾ ಆಲ್ರೌಂಡರ್ ಇರ್ಫಾನ್ ಪಠಾಣ್, ಇತರರು ಟೀಮ್ ಇಂಡಿಯಾಗೆ ಪಾದಾರ್ಪಣೆ ಮಾಡುತ್ತಿರುವ ವಯಸ್ಸಲ್ಲಿ ನನ್ನ ಕ್ರಿಕೆಟ್ ಕೆರಿಯರ್ ಮುಗಿಯಿತಲ್ಲ ಎಂದು ವಿಷಾದ ವ್ಯಕ್ತಪಡಿಸಿದ್ದಾರೆ.
ಕೆಲವರು 27-28ನೇ ವಯಸ್ಸಿನಲ್ಲಿ ಕೆರಿಯರ್ ಆರಂಭಿಸಿ 35ರವರೆಗೂ ತಂಡದಲ್ಲಿ ಆಡುತ್ತಾರೆ. ನನಗೆ 27 ವಯಸ್ಸು ಆಗಿದ್ದಾಗಲೂ 301 ಅಂತಾರಾಷ್ಟ್ರೀಯ ವಿಕೆಟ್ ತೆಗೆದಿದ್ದರೂ ಆಗಿದ್ದೇನು? ಇದೇ ನನ್ನನ್ನು ಕಾಡುವ ಸಂಗತಿ ಎಂದಿದ್ದಾರೆ.
27ನೇ ವಯಸ್ಸಿನಲ್ಲಿ ಯಶಸ್ಸಿನ ಉತ್ತುಂಗದಲ್ಲಿದ್ದ ಇರ್ಫಾನ್ ಕೆರಿಯರ್ನಲ್ಲಿ ಸಾಕಷ್ಟು ಅವಕಾಶಗಳು ಬರಬೇಕಾಗಿತ್ತು. ಆದರೆ, ಕಾರಣಾಂತರಗಳಿಂದ ಅದು ಒದಗಿ ಬರಲಿಲ್ಲ. ಈ ಬಗ್ಗೆ ಯಾವುದೇ ದೂರುಗಳಿಲ್ಲ. ಆದರೆ, ಮತ್ತೆ ತಂಡ ಸೇರುವುದನ್ನು ಎದುರು ನೋಡುತ್ತಿದ್ದೆ. ಆದರೆ ಸಾಧ್ಯವಾಗಲಿಲ್ಲ ಎಂದು ಇರ್ಫಾನ್ ಬೇಸರ ವ್ಯಕ್ತಪಡಿಸಿದರು. (ಏಜೆನ್ಸೀಸ್)