ದುಬೈ: ದುಬೈ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಐಪಿಎಲ್ನ 13ನೇ ಆವೃತ್ತಿಯ ಮೂರನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ 10 ರನ್ಗಳ ಅಮೋಘ ಜಯ ಸಾಧಿಸುವ ಮೂಲಕ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ.
ಆರ್ಸಿಬಿ ನೀಡಿದ 164 ರನ್ಗಳ ಗುರಿ ಬೆನ್ನತ್ತಿದ ಹೈದರಾಬಾದ್ ತಂಡ 19.4 ಓವರ್ಗಳಲ್ಲಿ ತನ್ನೆಲ್ಲ ವಿಕೆಟ್ ಕಳೆದುಕೊಂಡು 153 ರನ್ ಕಲೆಹಾಕಿತು. ಈ ಮೂಲಕ ಟೂರ್ನಿಯ ಮೊದಲನೇ ಪಂದ್ಯದಲ್ಲೇ ಮುಗ್ಗರಿಸಿತು.
ಹೈದರಾಬಾದ್ ಪರ ಆರಂಭಿಕರಾಗಿ ಕಣಕ್ಕಿಳಿದ ನಾಯಕ ವಾರ್ನರ್ 6 ರನ್ಗೆ ರನೌಟ್ ಆಗುವ ಮೂಲಕ ತಂಡಕ್ಕೆ ಆರಂಭಿಕ ಆಘಾತ ನೀಡಿದರು. ನಂತರ ಜಾನಿ ಬೈರ್ಸ್ಟೋ ಹಾಗೂ ಕನ್ನಡಿಗ ಮನೀಶ್ ಪಾಂಡೆ 89 ರನ್ಗಳ ಜತೆಯಾಟವಾಡಿ ತಂಡಕ್ಕೆ ಚೇತರಿಕೆ ತಂದುಕೊಟ್ಟರು. ಈ ವೇಳೆ 34 ರನ್ ಗಳಿಸಿದ್ದ ಪಾಂಡೆ ಕ್ಯಾಚಿತ್ತು ನಿರ್ಗಮಿಸಿದರು. ಇದಾದ ಕೆಲವೇ ಕ್ಷಣಗಳಲ್ಲಿ 61 ರನ್ ಗಳಿಸಿದ್ದ ಬೈರ್ಸ್ಟೋ ಬೋಲ್ಡ್ ಆಗಿದ್ದು, ತಂಡದ ಗೆಲುವಿನ ಕನಸಿಗೆ ಹಿನ್ನಡೆಯಾಯಿತು. ನಂತರ ಬಂದ ಯಾವೊಬ್ಬ ಆಟಗಾರನೂ ಸಹ ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ನಿಲ್ಲದೆ ನಿರ್ಗಮಿಸಿದರು.
ಉಳಿದಂತೆ ವಿಜಯ್ ಶಂಕರ್ (0), ಪ್ರಿಯಾಮ್ ಗರ್ಗ್ (12), ಅಭಿಷೇಕ್ ಶರ್ಮ (7), ಭುವನೇಶ್ವರ್ ಕುಮಾರ್ (0), ರಶೀದ್ ಖಾನ್ (6), ಮಿಚೆಲ್ ಮಾರ್ಷ್ (0) ಹಾಗೂ ಸಂದೀಪ್ ಶರ್ಮಾ (9) ರನ್ ಗಳಿಸಿ ಔಟಾದರೆ, ಟಿ. ನಟರಾಜನ್ 3 ರನ್ ಗಳಿಸಿ ಅಜೇಯರಾಗಿ ಉಳಿದರು.
ಆರ್ಸಿಬಿ ಪರ ಚಹಾಲ್ ಪ್ರಮುಖ 3 ವಿಕೆಟ್ ಕಬಳಿಸಿ ಮಿಂಚಿದರೆ, ನವದೀಪ್ ಶೈನಿ ಮತ್ತು ಶಿವಮ್ ದುಬೆ ತಲಾ 2 ವಿಕೆಟ್ ಉರುಳಿಸಿದರು. ಡೇಲ್ ಸ್ಟೈನ್ 1 ವಿಕೆಟ್ಗೆ ತೃಪ್ತಿಪಟ್ಟರು.
ಇದಕ್ಕೂ ಮುನ್ನ ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ಆರ್ಸಿಬಿ ಪರ ದೇವದತ್ ಪಡಿಕ್ಕಲ್ (56) ಹಾಗೂ ಆ್ಯರೂನ್ ಫಿಂಚ್ (29) ಮೊದಲ ವಿಕೆಟ್ಗೆ 90 ರನ್ಗಳ ಜತೆಯಾಟವಾಡಿ ಬ್ಯಾಕ್ ಟು ಬ್ಯಾಕ್ ವಿಕೆಟ್ ಒಪ್ಪಿಸಿದರು. ಬಳಿಕ ಬಂದ ನಾಯಕ ವಿರಾಟ್ ಕೊಹ್ಲಿ ಸಹ ಕ್ರೀಸ್ನಲ್ಲಿ ಹೆಚ್ಚು ಸಮಯ ನಿಲ್ಲದೆ 14 ರನ್ಗೆ ವಿಕೆಟ್ ಒಪ್ಪಿಸಿ ಪೆವಲಿಯನ್ ಸೇರಿದರು. ತಂಡಕ್ಕೆ ಉತ್ತಮ ಆರಂಭ ಒದಗಿದರು ಬ್ಯಾಕ್ ಟು ಬ್ಯಾಕ್ ಮೂರು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.
ಇತ್ತ ಏಕಾಂಗಿಯಾಗಿ ಹೋರಾಡಿದ ಎಬಿ ಡಿವಿಲಿಯರ್ಸ್ (51) ಅರ್ಧಶತಕದೊಂದಿಗೆ ತಂಡಕ್ಕೆ ಕೊಂಚ ಚೇತರಿಕೆ ನೀಡಿ ರನೌಟ್ ಆದರು. ಉಳಿದಂತೆ ಶಿವಂ ದುಬೆ 7 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರೆ, ಜೋಶ್ ಫಿಲಿಫ್ (1) ರನ್ ಗಳಿಸಿ ಅಜೇಯರಾಗಿ ಉಳಿದರು.
ಹೈದರಾಬಾದ್ ಪರ ಟಿ. ನಟರಾಜನ್, ವಿಜಯ್ ಶಂಕರ್ ಮತ್ತು ಅಭಿಷೇಕ್ ಶರ್ಮ ತಲಾ ಒಂದೊಂದು ವಿಕೆಟ್ ಕಬಳಿಸಿದರು. ಡಿವಿಲಿಯರ್ಸ್ ಮತ್ತು ದುಬೆ ರನೌಟ್ ಆದರು. (ಏಜೆನ್ಸೀಸ್)
The final wicket falls! Kohli catches in the deep again 🙌@RCBtweets win their first #IPL2020 game by 10 runs 🔥https://t.co/fAkceo5UEL #SRHvRCB pic.twitter.com/Wb0b9liy4s
— ESPNcricinfo (@ESPNcricinfo) September 21, 2020