ನವದೆಹಲಿ: ಭಾರತ ಹಾಗೂ ನೇಪಾಳದ ಸಂಬಂಧ ಈಗ ಮೊದಲಿನಷ್ಟು ಸೌಹಾರ್ಧಯುತವಾಗಿ ಇಲ್ಲ. ಈ ಮಧ್ಯೆ ಭಾರತೀಯ ಸೇನೆ, ನೇಪಾಳ ಸೇನೆಗೆ 10 ವೆಂಟಿಲೇಟರ್ಗಳನ್ನು ಉಡುಗೊರೆ ನೀಡಿದೆ.
10 ವೆಂಟಿಲೇಟರ್ಗಳನ್ನು ನೇಪಾಳದಲ್ಲಿರುವ ಭಾರತೀಯ ರಾಯಭಾರಿ ವಿನಯ್ ಮೋಹನ್ ಕ್ವಾತ್ರಾ ಅವರು ನೇಪಾಳ ಸೇನಾ ಮುಖ್ಯಸ್ಥ ಪೂರ್ಣಚಂದ್ರ ತಾಪಾ ಅವರಿಗೆ ಹಸ್ತಾಂತರಿಸಿದ್ದಾರೆ ಎಂದು ವರದಿಯಾಗಿದೆ.
ಸುಧಾರಿತ ವಿನ್ಯಾಸದ ಈ ವೆಂಟಿಲೇಟರ್ಗಳು ಭಾರವಿಲ್ಲ ಹಾಗೂ ಕೈಯಲ್ಲಿ ಸಾಗಿಸಬಹುದಾಗಿದೆ. ಐಸಿಯುಗಳಲ್ಲಿ ಇರುವ ರೋಗಿಗಳಿಗೆ ತುರ್ತು ಅಗತ್ಯವಾಗಿ ಸುಗಮವಾಗಿ ಲಭ್ಯವಾಗುವಂತಹ ವೆಂಟಿಲೇಟರ್ಗಳು ಇವು ಎನ್ನಲಾಗಿದೆ.
ನೇಪಾಳದಲ್ಲಿ ಕರೊನಾ ಸೋಂಕಿಗೆ ಈಗಾಗಲೇ 75 ಮಂದಿ ಸಾವನ್ನಪ್ಪಿದ್ದಾರೆ. ಸುಮಾರು 22,972 ಮಂದಿಗೆ ವೈರಸ್ ತಗುಲಿದೆ. ಕೊವಿಡ್-19 ವಿರುದ್ಧ ಹೋರಾಡಲು ನೇಪಾಳಿಗರಿಗೆ ಅಗತ್ಯವಿರುವ ಎಲ್ಲ ರೀತಿಯ ಸಹಕಾರವನ್ನೂ ನೀಡಲಾಗುವುದು ಎಂದು ರಾಯಭಾರಿ ಕ್ವಾತ್ರಾ ತಿಳಿಸಿದ್ದಾರೆ. (ಏಜೆನ್ಸೀಸ್)
ಜಮ್ಮು-ಕಾಶ್ಮೀರದ ಬಿಜೆಪಿ ಮುಖಂಡರಲ್ಲಿ ಹೆಚ್ಚುತ್ತಿದೆ ಭಯ; ಇಂದು ನಾಲ್ವರು ರಾಜೀನಾಮೆ