ಮುಂಬೈ: ಅಮೆರಿಕದಲ್ಲಿ ಕರೊನಾ ಪ್ರಕರಣಗಳು ಮಿತಿಮೀರುತ್ತಿದೆ. ಅಲ್ಲಿನ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ತಮ್ಮ ದೇಶದ ಕೊವಿಡ್-19 ಸ್ಥಿತಿಯನ್ನು ನಿಭಾಯಿಸುವಲ್ಲಿ ವಿಫಲರಾಗಿದ್ದಾರೆ ಎಂದು ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಹೇಳಿದ್ದಾರೆ.
ಶಿವಸೇನೆಯ ಮುಖವಾಣಿ ಸಾಮ್ನಾಕ್ಕೆ ನೀಡಿದ ಸಂದರ್ಶನದ ಟೀಸರ್ವೊಂದನ್ನು ಸಂಸದ ಹಾಗೂ ಸಾಮ್ನಾದ ಎಕ್ಸಿಕ್ಯೂಟಿವ್ ಎಡಿಟರ್ ಸಂಜಯ್ ರಾವತ್ ಅವರು ಶೇರ್ ಮಾಡಿಕೊಂಡಿದ್ದಾರೆ. ಮಹಾರಾಷ್ಟ್ರದಲ್ಲಿಯೂ ಕರೊನಾ ಸೋಂಕು ದಿನೇದಿನೆ ಹೆಚ್ಚುತ್ತಿರುವ ಬಗ್ಗೆ ಮಾತನಾಡಿದ ಉದ್ಧವ್ ಠಾಕ್ರೆ, ನಾನು ಪರಿಸ್ಥಿತಿಯನ್ನು ಸರಿಯಾಗಿ ನಿರ್ವಹಿಸುತ್ತದ್ದೇನೆ. ಟ್ರಂಪ್ಗಿಂತ ವಿಭಿನ್ನವಾಗಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ.
ನಾನು ಟ್ರಂಪ್ ಅಲ್ಲ. ನನ್ನ ರಾಜ್ಯದ ಜನರು ಕೊವಿಡ್ನಿಂದ ನರಳುವುದನ್ನು ನೋಡಲು ನನಗೆ ಸಾಧ್ಯವಿಲ್ಲ. ಲಾಕ್ಡೌನ್ ಇನ್ನೂ ಜಾರಿಯಲ್ಲಿದೆ ಎಂದು ಠಾಕ್ರೆ ಮರಾಠಿಯಲ್ಲಿ ಹೇಳಿದ್ದನ್ನು ವಿಡಿಯೋದಲ್ಲಿ ಕೇಳಬಹುದು. ಅವರ ಸಂದರ್ಶನ ವೀಕ್ಎಂಡ್ನಲ್ಲಿ ಎರಡು ದಿನ ಟೆಲಿಕಾಸ್ಟ್ ಆಗಲಿದೆ. ಇದನ್ನೂ ಓದಿ: VIDEO: ‘ಬುಟ್ಟ ಬೊಮ್ಮಾ..ಬುಟ್ಟ ಬೊಮ್ಮಾ…’: ಏರ್ಪೋರ್ಟ್ನಲ್ಲಿ ಇಂಡಿಗೋ ಸಿಬ್ಬಂದಿಯ ಭರ್ಜರಿ ಸ್ಟೆಪ್
ಜನರು ಕರೊನಾ, ಲಾಕ್ಡೌನ್ಗಳಿಂದ ಬೇಸತ್ತಿದ್ದಾರೆ. ಮುಂಬೈನ ಮಂದಿ ಇನ್ಯಾವಾಗ ವಡಾ ಪಾವ್ ತಿನ್ನಲು ಸಾಧ್ಯ ಎಂದು ಸಂಜಯ್ ರಾವತ್ ಪ್ರಶ್ನೆಯನ್ನೂ ಕೇಳಿದ್ದಾರೆ. ಅದಕ್ಕೆ ಪ್ರತಿಯಾಗಿ ಉದ್ಧವ್ ಠಾಕ್ರೆಯವರು, ನಾವು ಒಂದಾದ ಮೇಲೆ ಮತ್ತೊಂದರಂತೆ ಸಮಸ್ಯೆಗಳನ್ನು ಬಗೆಹರಿಸುತ್ತಿದ್ದೇವೆ ಎಂದು ಹೇಳಿದ್ದಾರೆ.
ದೇಶದಲ್ಲಿ ಮಹಾರಾಷ್ಟ್ರ ಬಹುದೊಡ್ಡ ಕರೊನಾ ಹಾಟ್ಸ್ಫಾಟ್ ಆಗಿದೆ. ಇಲ್ಲಿ 3, 27, 031 ಸೋಂಕಿತರು ಇದ್ದಾರೆ. 12,276 ಮಂದಿ ಸಾವನ್ನಪ್ಪಿದ್ದಾರೆ. ಇನ್ನು ಅಮೆರಿಕದಲ್ಲಿ 40,28,733 ಕರೊನಾ ಸೋಂಕಿತರಿದ್ದು, 1.5 ಲಕ್ಷ ಮಂದಿ ವೈರಸ್ನಿಂದ ಪ್ರಾಣಬಿಟ್ಟಿದ್ದಾರೆ. (ಏಜೆನ್ಸೀಸ್)
ಬಿಮ್ಸ್ನ ಐಸಿಯುನಲ್ಲಿ ಮೃತಪಟ್ಟ ಕರೊನಾ ರೋಗಿ; ಆಂಬುಲೆನ್ಸ್ಗೆ ಬೆಂಕಿ ಹಚ್ಚಿ ದಾಂಧಲೆ ಎಬ್ಬಿಸಿದ ಸಂಬಂಧಿಕರು