ನವದೆಹಲಿ : ಜುಲೈ 23 ರಿಂದ ಆಗಸ್ಟ್ 8 ರವರೆಗೆ ಜಪಾನ್ ದೇಶದ ರಾಜಧಾನಿ ಟೋಕಿಯೋದಲ್ಲಿ ನಡೆಯಲಿರುವ ಒಲಂಪಿಕ್ಸ್ನಲ್ಲಿ ಪಾಲ್ಗೊಳ್ಳಲು ಭಾರತದ ಮಹಿಳಾ ಹಾಕಿ ತಂಡ ಸಿದ್ಧವಾಗಿದೆ. ಎಂಟು ಜನ ಹೊಸ ಆಟಗಾರರು ಮತ್ತು ಎಂಟು ಜನ ಅನುಭವಿ ಆಟಗಾರರನ್ನು ಒಳಗೊಂಡ 16 ಜನರ ಸಮತೋಲಿತ ತಂಡವನ್ನು ರಚಿಸಲಾಗಿದ್ದು, ಸ್ಟಾರ್ ಸ್ಟ್ರೈಕರ್ ರಾಣಿ ರಾಂಪಾಲ್ ಅವರು ನಾಯಕತ್ವ ವಹಿಸಲಿದ್ದಾರೆ.
ಎಂಟು ಮಂದಿ ಅನುಭವಿ ಆಟಗಾರರು ಈ ಮುಂಚೆ 2016ರ ರಿಯೋ ಒಲಂಪಿಕ್ಸ್ನಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದಾರೆ. ಅವರೆಂದರೆ ಕ್ಯಾಪ್ಟನ್ ಆಗಿರುವ ರಾಣಿ, ಗೋಲ್‌ಕೀಪರ್ ಸವಿತಾ, ದೀಪ್ ಗ್ರೇಸ್ ಎಕ್ಕಾ, ಸುಶೀಲಾ ಚಾನು ಪುಖ್ರಾಂಬಮ್, ಮೋನಿಕಾ, ನಿಕ್ಕಿ ಪ್ರಧಾನ್, ನವಜೋತ್ ಕೌರ್ ಮತ್ತು ವಂದನಾ ಕಟಾರಿಯ.
ಇದನ್ನೂ ಓದಿ: ಮಕ್ಕಳ ಮೇಲೆ ಸೀರಮ್ ಇನ್ಸ್ಟಿಟ್ಯೂಟ್ನ ಕರೊನಾ ಲಸಿಕೆಯ ಪ್ರಯೋಗ
ಒಲಂಪಿಕ್ಸ್ನಲ್ಲಿ ಮೊದಲ ಬಾರಿ ಭಾಗವಹಿಸಲಿರುವ ಯುವ ಆಟಗಾರರೆಂದರೆ ಗುರ್ಜಿತ್ ಕೌರ್, ಸಲೀಮಾ ಟೇಟೆ, ಉದಿತಾ, ನಿಶಾ, ನೇಹ, ನವ್ನೀತ್ ಕೌರ್, ಶರ್ಮಿಳಾ ದೇವಿ ಮತ್ತು ಲಾಲ್ರೆಮ್ಸಿಯಾಮಿ. ಇವರಲ್ಲಿ ಸಲೀಮಾ ಟೇಟೆ, 2018ರ ಯೂತ್ ಒಲಂಪಿಕ್ ಗೇಮ್ಸ್ನಲ್ಲಿ ಬೆಳ್ಳಿ ಪದಕ ಗೆದ್ದ ಭಾರತ ತಂಡದ ನಾಯಕತ್ವ ವಹಿಸಿದ್ದರು ಎನ್ನಲಾಗಿದೆ.
ಹಾಕಿ ಭಾರತದ ರಾಷ್ಟ್ರೀಯ ಕ್ರೀಡೆಯಾಗಿದ್ದರೂ, ಭಾರತದ ಮಹಿಳಾ ಹಾಕಿ ತಂಡ ಸ್ಪರ್ಧಿಸುತ್ತಿರುವ ಮೂರನೇ ಒಲಂಪಿಕ್ಸ್ ಪಂದ್ಯಾವಳಿ ಇದಾಗಿದೆ. ಕಳೆದ 2016 ರ ಒಲಂಪಿಕ್ಸ್ ಬಿಟ್ಟರೆ, 1980 ರ ಒಲಂಪಿಕ್ಸ್ನಲ್ಲೇ ಭಾರತ ತಂಡ ಪಾಲ್ಗೊಂಡಿದ್ದುದು.
ಎರಡನೇ ಅಲೆಯಿಂದ ಆರ್ಥಿಕ ವ್ಯವಸ್ಥೆಗೆ 2 ಲಕ್ಷ ಕೋಟಿ ರೂ. ನಷ್ಟ : ಆರ್ಬಿಐ