ನವದೆಹಲಿ: ಹೊಸ ವರ್ಷ ಎಂದ ಮೇಲೆ ಜನರು ಹೊಸದೇನನ್ನಾದರೂ ಶುರು ಮಾಡುತ್ತಾರೆ. ವಿಶೇಷವಾದ ಏನನ್ನಾದರೂ ಆರಂಭಿಸುವುದಿದ್ದರೆ ಅದಕ್ಕೆ ಹೊಸ ವರ್ಷದಂಥ ವಿಶೇಷ ದಿನಗಳನ್ನೇ ಆರಿಸಿಕೊಳ್ಳುತ್ತಾರೆ. ಇನ್ನು ತಾವು ಅಪ್ಪ-ಅಮ್ಮ ಎನಿಸಿಕೊಳ್ಳುವ ಅಥವಾ ತಮಗೆ ಮಗುವಾಗುವ ದಿನಕ್ಕೂ ಹಲವರು ಜನವರಿ ಒಂದನ್ನೇ ಆರಿಸಿಕೊಳ್ಳುವುದು ಹೊಸದೇನಲ್ಲ.
ಯುನಿಸೆಫ್ ಸಂಸ್ಥೆ ಭಾರತ ಮಾತ್ರವಲ್ಲದೆ ಜಗತ್ತಿನಲ್ಲಿ ಹೊಸ ವರ್ಷದ ದಿನದಂದು ಎಷ್ಟು ಮಕ್ಕಳು ಹುಟ್ಟಬಹುದು ಎಂಬ ಲೆಕ್ಕಾಚಾರವನ್ನೂ ಮಾಡಿದೆ. ವಿಶೇಷವೆಂದರೆ ಇವತ್ತು ಭಾರತದಲ್ಲೇ ಅತಿ ಹೆಚ್ಚು ಮಕ್ಕಳು ಜನಿಸಲಿದ್ದಾರಂತೆ. ಯುನಿಸೆಫ್ ಲೆಕ್ಕಾಚಾರದ ಪ್ರಕಾರ, ಚೀನಾದಲ್ಲಿ 35,615, ನೈಜೀರಿಯಾ- 21,439, ಪಾಕಿಸ್ತಾನ- 14,161, ಇಂಡೊನೇಷ್ಯಾ- 12,336, ಇಥಿಯೋಪಿಯಾ- 12,006, ಅಮೆರಿಕ- 10,312, ಈಜಿಪ್ಟ್- 9,455, ಬಾಂಗ್ಲಾ ದೇಶ- 9,236, ಕಾಂಗೋ ಗಣರಾಜ್ಯದಲ್ಲಿ 8,640 ಮಕ್ಕಳು ಇಂದು ಜನಿಸಲಿವೆ.
ಇದನ್ನೂ ಓದಿ: ಪತ್ನಿಗೆ ತಿಳಿಯದಂತೆ ಆರು ತಿಂಗಳ ಮಗು ಕಯ್ದೊಯ್ದು ಮಾರಾಟ ಮಾಡಿದ ಅಪ್ಪ!
ಯುಎನ್ನ ವರ್ಲ್ಡ್ ಪಾಪ್ಯುಲೇಷನ್ ಪ್ರಾಸ್ಪೆಕ್ಟ್ಸ್(2019)ರ ಅಂಕಿ-ಅಂಶಗಳನ್ನು ಆಧರಿಸಿ ಯುನಿಸೆಫ್ 2021ರ ಜನವರಿ 1ರಂದು ಜನಿಸಲಿರುವ ಮಕ್ಕಳ ಪ್ರಮಾಣವನ್ನು ಅಂದಾಜು ಮಾಡಿದೆ. ಆ ಪ್ರಕಾರ ಭಾರತದಲ್ಲಿ ಇಂದು 60 ಸಾವಿರ ಮಕ್ಕಳು ಜನಿಸಲಿದ್ದರೆ, ಜಗತ್ತಿನಲ್ಲಿ ಒಟ್ಟು 3.7 ಕೋಟಿ ಮಕ್ಕಳು ಜನಿಸಲಿವೆ ಎಂದು ಅಂದಾಜಿಸಲಾಗಿದೆ. (ಏಜೆನ್ಸೀಸ್)
ನಿನ್ನೆ ದೀಪಿಕಾ ಪಡುಕೋಣೆ ಹಾಗೇಕೆ ಮಾಡಿದ್ರು?!; ಎಲ್ಲ ತೆಗೆದ ಅವರಿಂದು ಫೀಲಿಂಗ್ ಹೇಳಿಕೊಂಡಿದ್ದಾರೆ…
ಗ್ರಾಪಂ ಚುನಾವಣೆಯಲ್ಲಿ ಗೆದ್ದವರನ್ನು ನಮ್ಮ ಪಕ್ಷದ ಬೆಂಬಲಿತರು ಎಂದು ಹೇಳಿದ್ರೆ ಬೀಳುತ್ತೆ ಕೇಸ್!
ಸ್ನೇಹಿತನ ಕೊಂದು ಶವದ ಜತೆ ಊರೆಲ್ಲಾ ಸುತ್ತಾಡಿದ: ಸಿಸಿಟಿವಿಯಲ್ಲಿ ದೃಶ್ಯ ಸೆರೆ