ನವದೆಹಲಿ: ವಿದೇಶಿ ದೇಣಿಗೆ ಸ್ವೀಕರಿಸುವ ವಿಚಾರವನ್ನು ಕೇಂದ್ರ ಸರ್ಕಾರ ಗಂಭೀರವಾಗಿ ಪರಿಗಣಿಸಿದ್ದು, ಎನ್ಜಿಒಗಳ ನಿಯಮ ಬಿಗಿಗೊಳಿಸುವ ನಿಟ್ಟಿನಲ್ಲಿ ಕ್ರಮ ತೆಗೆದುಕೊಂಡಿದೆ. ಎಫ್ಸಿಆರ್ಎ ಕಾಯ್ದೆ ತಿದ್ದುಪಡಿ ಮಾಡಿದ ಎರಡು ತಿಂಗಳ ಬಳಿಕ ಕೇಂದ್ರ ಸರ್ಕಾರ ನಿಯಮ ಪರಿಷ್ಕರಣೆ ಮಾಡಿ ಅಧಿಸೂಚನೆ ಪ್ರಕಟಿಸಿದೆ. ಇದರಲ್ಲಿ ವಿದೇಶಿ ದೇಣಿಗೆ ಸ್ವೀಕರಿಸುವುದಕ್ಕೆ ಅನುಸರಿಸಬೇಕಾದ ಮಾನದಂಡಗಳು ಸೇರಿ ಅನೇಕ ವಿಚಾರಗಳನ್ನು ಪ್ರಸ್ತಾಪಿಸಿದೆ.
ಇದರಂತೆ, ಸರ್ಕಾರೇತರ ಸಂಸ್ಥೆಗಳು (ಎನ್ಜಿಒ) ಕನಿಷ್ಠ ಮೂರು ವರ್ಷ ಚಾಲ್ತಿಯಲ್ಲಿದ್ದು, ಈ ಅವಧಿಯಲ್ಲಿ ಸ್ವಯಂ ಸೇವಾ ಚಟುವಟಿಕೆಗಳಿಗೆ 15 ಲಕ್ಷ ರೂಪಾಯಿ ವ್ಯಯಿಸಿರಬೇಕು. ಹಾಗಿದ್ದರಷ್ಟೇ ವಿದೇಶಿ ದೇಣಿಗೆ ಸ್ವೀಕರಿಸುವ ಅರ್ಹತೆ ಹೊಂದುತ್ತವೆ. ವಿದೇಶಿ ದೇಣಿಗೆ ನಿಯಂತ್ರಣ ಕಾಯ್ದೆ ಪ್ರಕಾರ ನೋಂದಣಿ ಬಯಸುವ ಎನ್ಜಿಒಗಳ ಪದಾಧಿಕಾರಿಗಳು ನಿಶ್ಚಿತ ಬದ್ಧತೆಯ ಪತ್ರವನ್ನು ಸಲ್ಲಿಸಬೇಕಾದ್ದು ಅವಶ್ಯ. ಇದರಲ್ಲಿ ದಾನಿ ನೀಡುವ ವಿದೇಶಿ ದೇಣಿಗೆಯ ಮೊತ್ತವನ್ನು ನಮೂದಿಸಿ, ಅದನ್ನು ಯಾವ ಉದ್ದೇಶಕ್ಕೆ ಬಳಸಲಾಗುತ್ತಿದೆ ಎಂಬುದನ್ನು ಉಲ್ಲೇಖಿಸಬೇಕು.
ಇದನ್ನು ಓದಿ: ಗಬ್ಬೂರು ಪಟ್ಟಣದ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಅಗತ್ಯ ಸೌಲಭ್ಯ ಕಲ್ಪಿಸಿ; ಮಾದಿಗ ಮೀಸಲಾತಿ ಹೋರಾಟ ಸಮಿತಿ ಒತ್ತಾಯ
ಯಾವುದೇ ಎನ್ಜಿಒ ಅಥವಾ ವ್ಯಕ್ತಿ ವಿದೇಶಿ ದೇಣಿಗೆ ಸ್ವೀಕರಿಸುವುದಾದರೆ, ಅದಕ್ಕೆ ಅರ್ಜಿ ಸಲ್ಲಿಸುವಾಗ ಅವರು ಎಫ್ಸಿಆರ್ಎ ಖಾತೆ ಹೊಂದಿರುವುದು ಕಡ್ಡಾಯ. ದೇಶದಲ್ಲಿ 2016-17 ಮತ್ತು 2018-19ರ ಅವಧಿಯಲ್ಲಿ ನೋಂದಾಯಿತ ಎನ್ಜಿಒಗಳು 58,000 ಕೋಟಿ ರೂಪಾಯಿಗೂ ಅಧಿಕ ವಿದೇಶಿ ದೇಣಿಗೆ ಪಡೆದಿವೆ. ದೇಶದಲ್ಲಿ 22,400 ಎನ್ಜಿಒಗಳು ಕೆಲಸ ಮಾಡುತ್ತಿವೆ. (ಏಜೆನ್ಸೀಸ್)
ಟ್ಯಾಕ್ಸ್ ಟೆರರಿಸಮ್ನಿಂದ ಟ್ಯಾಕ್ಸ್ ಟ್ರಾನ್ಸಪರೆನ್ಸಿಗೆ ಬದಲಾಗಿದೆ ಭಾರತ- ಪ್ರಧಾನಿ ನರೇಂದ್ರ ಮೋದಿ