ಗಂಡನ ಮೇಲೊಂದು ಕಣ್ಣಿಡಿ, ಪತ್ನಿಯ ಫೋನ್ ಟ್ರ್ಯಾಕ್ ಮಾಡುವುದು ಹೇಗೆ ಎಂದೆಲ್ಲ ಗೂಗಲ್ನಲ್ಲಿ ಸರ್ಚ್ ಮಾಡ್ತಿದ್ದೀರಾ?! ಕೂಡಲೇ ಟ್ರ್ಯಾಕ್ ಯುವರ್ ವೈಫ್’ಸ್ ಫೋನ್, ಸ್ಪೈ ಆನ್ ಯುವರ್ ಹಸ್ಪೆಂಡ್, ಹೌ ಟು ಕ್ಯಾಚ್ ಚೀಟಿಂಗ್ ಸ್ಪೌಸ್ ವಿತ್ ದಿಸ್ ಸೆಲ್ ಫೋನ್, ಟ್ರ್ಯಾಕ್ ಮೈ ವೈಫ್’ಸ್ ಫೋನ್, ವಾಂಟು ಟು ಸ್ಪೈ ಆನ್ ಯುವರ್ ವೈಫ್? ಎಂಬಿತ್ಯಾದಿ ಸಾಲುಗಳುಳ್ಳ ಮಾಹಿತಿಗಳು ಗೂಗಲ್ನಲ್ಲಿ ಕೂಡಲೇ ನಿಮ್ಮ ಎದುರು ಕಾಣಿಸಿಕೊಳ್ಳುವುದಲ್ಲವೆ! ಇಂತಹ ವಿಷಯಗಳನ್ನು ಸರ್ಚ್ ಮಾಡುವವರಿಗೊಂದು ಬ್ಯಾಡ್ ನ್ಯೂಸ್ ಇಲ್ಲಿದೆ!
ಟ್ರ್ಯಾಕ್ ಯುವರ್ ವೈಫ್’ಸ್ ಫೋನ್, ಸ್ಪೈ ಆನ್ ಯುವರ್ ಹಸ್ಪೆಂಡ್ ಎಂಬಿತ್ಯಾದಿ ಪದಗಳುಳ್ಳ ಜಾಹೀರಾತುಗಳನ್ನು ಗೂಗಲ್ ನಿಷೇಧಿಸಿದೆ. ಹೊಸ ನಿಯಮ ಪ್ರಕಾರ, ಜನರ ಮೇಲೆ ಅವರ ಅರಿವಿಗೆ ಬಾರದಂತೆ ಗೂಢಚರ್ಯೆ ಮಾಡಲು ತಂತ್ರಾಂಶ ಅಥವಾ ಜಿಪಿಎಸ್ ಟ್ರ್ಯಾಕರ್ಗಳನ್ನು ಹೊಂದಿದ ಆಡಿಯೋ ರೆಕಾರ್ಡರ್, ಕ್ಯಾಮೆರಾ, ಡ್ಯಾಷ್ ಕ್ಯಾಮೆರಾ ಮತ್ತಿತರ ಉಪಕರಣಗಳನ್ನು ಇಂತಹ ವಾಕ್ಯಗಳನ್ನು ಬಳಸಿ ಮಾರಾಟ ಮಾಡುವುದಕ್ಕೆ ಅವಕಾಶವಿಲ್ಲ. ಆದಾಗ್ಯೂ, ತಮ್ಮ ಅಪ್ರಾಪ್ತ ವಯಸ್ಸಿನ ಮಕ್ಕಳ ಮೇಲೆ ನಿಗಾಕ್ಕೆ ಬಳಸುವ ಸರ್ವೈಲೆನ್ಸ್ ಉತ್ಪನ್ನ ಮತ್ತು ಸೇವೆಗಳಿಗೆ ಸಂಬಂಧಿಸಿದ ಜಾಹೀರಾತುಗಳನ್ನು ಗೂಗಲ್ ಹೊಸ ನಿಯಮದ ವ್ಯಾಪ್ತಿಗೆ ಸೇರಿಸಿಲ್ಲ.
ಇದನ್ನೂ ಓದಿ:ಇನ್ನು ಮುಂದೆ ಶನಿವಾರ, ಭಾನುವಾರ ಎರಡೂ ದಿನ ಲಾಕ್‌ಡೌನ್: ಗೋವಿಂದ ಕಾರಜೋಳ
ಎನೇಬ್ಲಿಂಗ್ ಡಿಸ್ಹೋನೆಸ್ಟ್ ಬಿಹೇವಿಯರ್ ಎಂಬ ಶೀರ್ಷಿಕೆಯ ಹೊಸ ಪಾಲಿಸಿ ಆಗಸ್ಟ್ 11ರಿಂದ ಚಾಲ್ತಿಗೆ ಬರಲಿದೆ. 2018ರಿಂದ ಇಲ್ಲಿವರೆಗೆ ನಡೆಸಿದ ಅಧ್ಯಯನ ಮತ್ತು ಸಂಶೋಧನೆಯ ಫಲಿತಾಂಶದ ಪರಿಣಾಮ ಗೂಗಲ್ ಆಡ್ಸ್ನ ನಿಯಮ ಪರಿಷ್ಕರಣೆ ಎಂದು ಕಂಪನಿ ಹೇಳಿಕೊಂಡಿದೆ. (ಏಜೆನ್ಸೀಸ್)