ಬೆಂಗಳೂರು: ಮನುಷ್ಯರಿರಲಿ, ಪ್ರಾಣಿಗಳಿರಲಿ.. ತಾಯಿ ತಾಯಿಯೇ. ಮಕ್ಕಳು-ಮರಿ ಎಂದು ಬಂದಾಗ ತಾಯಿ ಯಾರನ್ನೂ ಲೆಕ್ಕಿಸುವುದಿಲ್ಲ ಎಂಬುದನ್ನು ಇಲ್ಲೊಂದು ಜಿರಾಫೆ ಮತ್ತೊಮ್ಮೆ ಸಾಬೀತುಪಡಿಸಿದೆ.
ತನ್ನ ಮರಿಯೊಂದಿಗಿದ್ದ ತಾಯಿ ಜಿರಾಫೆಯೊಂದು ಚೀತಾಗಳನ್ನೂ ಹಿಮ್ಮೆಟ್ಟಿಸಿ ಮರಿಯನ್ನು ರಕ್ಷಿಸಿಕೊಂಡಿದೆ. ಕಾಡಂಚಿನ ಬಯಲೊಂದರಲ್ಲಿ ಮರಿ ಮೇಲೆ ಎರಗಲು ಬಂದ ಚೀತಾಗಳನ್ನು ಅದು ದಿಟ್ಟವಾಗಿ ಎದುರಿಸಿದೆ.
I wonder from where a mother gets such courage 💕
Here it protects its calf successfully against a coalition of Cheetahs ….
🎥John Temut pic.twitter.com/vEdYtxJeR3
— Susanta Nanda IFS (@susantananda3) September 18, 2020
ಈ ಸನ್ನಿವೇಶ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಐಎಫ್ಎಸ್ ಅಧಿಕಾರಿ ಸುಸಾಂತ ನಂದ ಅವರು ಟ್ವಿಟರ್ನಲ್ಲಿ ಆ ವಿಡಿಯೋ ಹಂಚಿಕೊಂಡಿದ್ದು, ವೈರಲ್ ಆಗಿದೆ. “ತಾಯಿ ಇಂಥ ಧೈರ್ಯವನ್ನು ಅದೆಲ್ಲಿಂದ ತಂದುಕೊಳ್ಳುತ್ತಾಳೆ ಎಂಬುದೇ ನನಗೆ ಅಚ್ಚರಿ” ಎಂದು ಅವರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಈಗಾಗಲೇ ಹತ್ತು ಸಾವಿರಕ್ಕೂ ಅಧಿಕ ಮಂದಿ ಆ ವಿಡಿಯೋ ವೀಕ್ಷಿಸಿದ್ದು, ತಾಯಿ ಜಿರಾಫೆಯ ಧೈರ್ಯಕ್ಕೆ ಟ್ವೀಟಿಗರೂ ಫಿದಾ ಆಗಿದ್ದು, ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.