ವಿಶೇಷ ಪೂಜೆ: ಹನುಮದ್ ವ್ರತ ಹಿನ್ನೆಲೆಯಲ್ಲಿ ದೇವಾಲಯವನ್ನು ಹೂವುಗಳಿಂದ ಅಲಂಕರಿಸಿದ್ದು, ವಿಶೇಷ ಪೂಜೆ, ಅಭಿಷೇಕ, ಅಂಜನಾದ್ರಿ ಪರಿಕ್ರಮ, ಪಲ್ಲಕಿ ಸೇವೆ, ಮಹಾಮಂಗಳಾರತಿ, ಹನುಮಾನ ಚಾಲೀಸ್ ಪಾರಾಯಣ ಮತ್ತು ಸಂಕೀರ್ತನೆ ಹಮ್ಮಿಕೊಳ್ಳಲಾಗಿತ್ತು. ಕರೊನಾ ಮುಂಜಾಗ್ರತೆ ಕ್ರಮಗಳ ಬಗ್ಗೆ ಇಲಾಖೆ ಜಾಗೃತಿ ಮೂಡಿಸುತ್ತಿದ್ದರೂ ಭಕ್ತರು ಸಹಕರಿಸಲಿಲ್ಲ. ಭಕ್ತರಿಗಾಗಿ ಚಿಕ್ಕರಾಂಪುರದ ಸಂಸ್ಕೃತ ಪಾಠಶಾಲೆಯಲ್ಲಿ ಪ್ರಸಾದ ವಿತರಣೆ ವ್ಯವಸ್ಥೆ ಮಾಡಲಾಗಿತ್ತು. ಶಾಸಕ ಪರಣ್ಣ ಮುನವಳ್ಳಿ ಭೋಜನ ಶಾಲೆಗೆ ಭೇಟಿ ನೀಡಿ ಮಾಹಿತಿ ಪಡೆದುಕೊಂಡರು. ಭಜರಂಗ ದಳ ಉತ್ತರ ಕರ್ನಾಟಕ ಸಹ ಸಂಯೋಜಕ ಸೂರ್ಯನಾರಾಯಣ, ಪ್ರಾಂತ ಸಂಯೋಜಕ ಪುಂಡಲೀಕ, ವಿಹಿಂಪ ಪ್ರತಿನಿಧಿಗಳಾದ ವಿನಯ್ ಪಾಟೀಲ್,ದೊಡ್ಡಯ್ಯಸ್ವಾಮಿ,ನರಸಿಂಹಮೂರ್ತಿ, ತಿಪ್ಪೇಸ್ವಾಮಿ ಇತರರಿದ್ದರು.
