ಮೆಲ್ಬೋರ್ನ್: ಆಸ್ಟ್ರೇಲಿಯಾದ ಮಾಜಿ ಕ್ಯಾಪ್ಟನ್ ರಿಕ್ಕಿ ಪಾಂಟಿಂಗ್ ಸಾರ್ವಕಾಲಿಕ ಶ್ರೇಷ್ಠ ಬ್ಯಾಟ್ಸ್ಮನ್. ಅವರ ಕ್ಯಾಪ್ಟನ್ಸಿಯಲ್ಲಿ ಆಸ್ಟ್ರೇಲಿಯಾ ಮೂರು ವಿಶ್ವಕಪ್ಗಳನ್ನು ಗೆದ್ದಿದೆ.
ರಿಕ್ಕಿ ಪಾಂಟಿಂಗ್ ಅವರು ಏಕದಿನ ಪಂದ್ಯಾವಳಿ, ಟೆಸ್ಟ್ ಹಾಗೂ ಟಿ-20 ಮೂರು ಸ್ವರೂಪದ ಕ್ರಿಕೆಟ್ನಲ್ಲಿ ಪಳಗಿದ್ದರು. ಟೀಂಗೆ ಆಧಾರಸ್ತಂಭದಂತೆ ಇದ್ದು ಜವಾಬ್ದಾರಿ ನಿಭಾಯಿಸಿದವರು. ಅವರೊಬ್ಬ ಯಶಸ್ವಿ ಕ್ಯಾಪ್ಟನ್ ಎಂದೇ ಕರೆಸಿಕೊಂಡಿದ್ದಾರೆ. 168 ಟೆಸ್ಟ್, 375 ಏಕದಿನ ಪಂದ್ಯಾವಳಿಗಳಿಂದ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 27,000 ರನ್ಗಳನ್ನು ಗಳಿಸಿದ್ದಾರೆ.
ಅದ್ಭುತ ಬ್ಯಾಟ್ಸ್ಮನ್ ಎನ್ನಿಸಿಕೊಂಡಿದ್ದ ರಿಕ್ಕಿ ಪಾಂಟಿಂಗ್ ಅವರು ತಮ್ಮ ಕ್ರಿಕೆಟ್ ಜೀವನದಲ್ಲಿ ತಾವು ಎದುರಿಸಿದ ಬೌಲರ್ಗಳಲ್ಲಿ ಯಾರ್ಯಾರು ಅತ್ಯುತ್ತಮ ಎಂಬುದನ್ನು ಇತ್ತೀಚೆಗೆ ಹೇಳಿಕೊಂಡಿದ್ದಾರೆ. ಅಂದರೆ ತಮ್ಮ ದೃಷ್ಟಿಯಲ್ಲಿ ಯಾರು ತುಂಬ ಅತ್ಯುತ್ತಮ ಬೌಲರ್ಗಳಾಗಿದ್ದರು ಎಂಬುದನ್ನು ಅವರು ಬಹಿರಂಗ ಪಡಿಸಿದ್ದು ಅದರಲ್ಲಿ ಭಾರತದ ಓರ್ವ ಬೌಲರ್ ಕೂಡ ಸೇರಿದ್ದಾರೆ.
ಟ್ವಿಟರ್ನಲ್ಲಿ ರಿಕ್ಕಿ ಪಾಂಟಿಂಗ್ ಅಭಿಮಾನಿಯೋರ್ವರು ಪ್ರಶ್ನೆಯನ್ನು ಕೇಳಿದ್ದರು. ನಿಮ್ಮ ಕ್ರಿಕೆಟ್ ವೃತ್ತಿಜೀವನದಲ್ಲಿ ನೀವು ಫೇಸ್ ಮಾಡಿದ ಬೌಲರ್ಗಳಲ್ಲಿ ಯಾರ ಬೌಲಿಂಗ್ ತುಂಬ ಕಷ್ಟಕರವಾಗಿತ್ತು. ನಿಮ್ಮ ದೃಷ್ಟಿಯಲ್ಲಿ ಅತ್ಯುತ್ತಮ ಬೌಲರ್ಗಳು ಯಾರು ಎಂದು ಕೇಳಿದ್ದರು. ಅದಕ್ಕೆ ಉತ್ತರಿಸಿದ ರಿಕ್ಕಿ, ಪಾಕಿಸ್ತಾನದ ಫಾಸ್ಟ್ ಬೌಲರ್ಸ್ ಹಾಗೂ ಇಂಡಿಯನ್ ಸ್ಪಿನ್ನರ್ ಓರ್ವರ ಹೆಸರು ಸೇರಿ ಒಟ್ಟು ನಾಲ್ವರು ಬೌಲರ್ಗಳನ್ನು ಹೆಸರಿಸಿದ್ದಾರೆ.
ಫಾಸ್ಟ್ ಬೌಲರ್ಗಳಾದ ಪಾಕಿಸ್ತಾನದ ವಾಸಿಂ ಅಕ್ರಮ್ ಹಾಗೂ ವೆಸ್ಟ್ ಇಂಡೀಸ್ನ ಕರ್ಟ್ಲಿ ಆಂಬ್ರೋಸ್ ತುಂಬ ಅತ್ಯುತ್ತಮ ಬೌಲರ್ಗಳು ಎನ್ನಿಸುತ್ತಾರೆ. ಶೋಯೆಬ್ ಅಕ್ತರ್ ಅವರು ಕ್ವಿಕ್ ಆಗಿ ಬೌಲ್ ಮಾಡುವ ರೀತಿಯೂ ಸ್ವಲ್ಪ ಕಷ್ಟವಾಗುತ್ತಿತ್ತು. ಆದರೆ ಎಲ್ಲರಿಗಿಂತಲೂ ನನಗೆ ಕಠಿಣವಾಗಿ ಕಾಡಿದ್ದು ಭಾರತದ ಸ್ಪಿನ್ನರ್ ಹರ್ಭಜನ್ ಸಿಂಗ್ ಅವರು ಎಂದು ಪಾಂಟಿಂಗ್ ಹೇಳಿದ್ದಾರೆ. ಹರ್ಭಜನ್ ಸಿಂಗ್ ಅವರ ಬೌಲಿಂಗ್ಗೆ ನಾನು ಅದೆಷ್ಟೋ ಬಾರಿ ಔಟ್ ಆಗಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ. (ಏಜೆನ್ಸೀಸ್)