ಬೆಂಗಳೂರು: ರಾಷ್ಟ್ರದೆಲ್ಲೆಡೆ ಕೋವಿಡ್ 19 ಪಿಡುಗು ಮುಂದುವರಿದಿರುವಂತೆ, ಬಹುತೇಕ ಕಾರು ತಯಾರಿಕಾ ಕಂಪನಿಗಳು ತಮ್ಮದೇ ಆದ ರೀತಿಯಲ್ಲಿ ಗ್ರಾಹಕರು ಮತ್ತು ಸಮುದಾಯದ ಸಹಾಯಕ್ಕೆ ಮುಂದಾಗುತ್ತಿವೆ. ಅದರಂತೆ ಫೋರ್ಡ್ ಇಂಡಿಯಾ ಕೂಡ ತನ್ನ ಗ್ರಾಹಕರು ಮತ್ತು ಸಮುದಾಯದ ಹಿತಕ್ಷಣೆಗೆ ಮುಂದಾಗುತ್ತಿದೆ.
ಈ ವಿಷಯ ತಿಳಿಸಿರುವ ಕಂಪನಿಯ ಮಾರ್ಕೆಟಿಂಗ್, ಸೇಲ್ಸ್ ಮತ್ತು ಸರ್ವಿಸ್ ವಿಭಾಗದ ಕಾರ್ಯಕಾರಿ ನಿರ್ದೇಶಕ ವಿನಯ್ ರೈನಾ, ಕಂಪನಿಯು ತನ್ನ ಸಿಬ್ಬಂದಿ ವರ್ಗದ, ಗ್ರಾಹಕರ ಮತ್ತು ಸಮುದಾಯದ ಹಿತರಕ್ಷಣೆಗೆ ಆಧ್ಯತೆ ಮೇರೆಗೆ ಕೆಲಸ ಮಾಡುತ್ತಿದೆ. ನಮ್ಮ ಇತಿಮಿತಿಯಲ್ಲಿ ಕೋವಿಡ್ 19 ವಿರುದ್ಧದ ಹೋರಾಟಕ್ಕೆ ನಮ್ಮದೇ ಆದ ರೀತಿಯ ಕೊಡುಗೆ ನೀಡುತ್ತಿದ್ದೇವೆ ಎಂದು ಹೇಳಿದ್ದಾರೆ.
ಕರೊನಾ ಪಿಡುಗಿನಿಂದ ಲಾಕ್ಡೌನ್ ಘೋಷಣೆಯಾಗುವ ಮೊದಲು ಕಾರನ್ನು ಬುಕ್ ಮಾಡಿದ್ದು, ಡೆಲಿವರಿ ಪಡೆಯಬೇಕಿದ್ದ ಗ್ರಾಹಕರಿಗೆ ಮತ್ತು ಏಪ್ರಿಲ್ 30ರವರೆಗೆ ಹೊಸದಾಗಿ ಬುಕ್ ಮಾಡುವ ಗ್ರಾಹಕರಿಗೆ ಸರ್ವಿಸ್ ಮತ್ತು ವಾರಂಟಿ ಅವಧಿಯನ್ನು ಉಚಿತವಾಗಿ ವಿಸ್ತರಿಸಲು ಕಂಪನಿ ನಿರ್ಧರಿಸಿದೆ ಎಂದು ತಿಳಿಸಿದ್ದಾರೆ.
2020ರ ಮಾರ್ಚ್ 15ರಿಂದ ಮೇ 30ರ ನಡುವೆ ವಾರಂಟಿ ಕೊನೆಗೊಳ್ಳುವ ಗ್ರಾಹಕರಿಗೂ ವಾರಂಟಿ ಅವಧಿಯನ್ನು ವಾರಂಟಿ ಅವಧಿಯನ್ನು 2020ರ ಜೂನ್ 30ರವರೆಗೆ ವಿಸ್ತರಿಸಲಾಗುತ್ತಿದೆ. ಈ ಅವಧಿಯಲ್ಲಿ ಹೆಚ್ಚುವರಿ ವಾರಂಟಿ ಉತ್ಪನ್ನಗಳನ್ನು ಖರೀದಿಸಲು ಬಯಸುವ ಗ್ರಾಹಕರು ತಮ್ಮ ಖರೀದಿಯನ್ನು ಮುಂದುವರಿಸಬಹುದಾಗಿದೆ ಎಂದು ಹೇಳಿದ್ದಾರೆ.
ಉಚಿತ ಸರ್ವಿಸ್ ಸೇರಿ ನಿಗದಿತ ಸರ್ವಿಸ್ಗಳನ್ನು ಪಡೆದುಕೊಳ್ಳುವ ಅವಧಿಯನ್ನು ಮೂರು ತಿಂಗಳಿಗೆ ವಿಸ್ತರಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.
ಕೋವಿಡ್ ಪಿಡುಗಿನ ಹಿನ್ನೆಲೆಯಲ್ಲಿ ತುರ್ತು ಕರೆಗಳಿಗೆ ತಕ್ಷಣವೇ ಸ್ಪಂದಿಸುವುದು ಅಗತ್ಯವಾಗಿರುವ ಹಿನ್ನೆಲೆಯಲ್ಲಿ, ಫೋರ್ಡ್ ಇಂಡಿಯಾ ಉಚಿತವಾಗಿ ರಸ್ತೆ ಬದಿ ಸೇವೆಯನ್ನು (ರೋಡ್ ಸೈಡ್ ಅಸಿಸ್ಟೆನ್ಸ್) ಒದಗಿಸಲಿದೆ. ರಸ್ತೆ ಬದಿ ಸೇವೆಗೆ ನೋಂದಾಯಿಸಿಕೊಳ್ಳದಿರುವ ಗ್ರಾಹಕರು ಸೇರಿ ಫೋರ್ಡ್ನ ಎಲ್ಲ ಗ್ರಾಹಕರಿಗೆ ಈ ಸೌಲಭ್ಯ ದೊರೆಯಲಿದೆ. ಇದಕ್ಕಾಗಿ ಗ್ರಾಹಕರು ಶುಲ್ಕರಹಿತ ಸಂಖ್ಯೆ: 1800 103 7400 ಅನ್ನು ಸಂಪರ್ಕಿಸಬಹುದು ಎಂದು ತಿಳಿಸಿದ್ದಾರೆ.
ಲಾಕ್ಡೌನ್ ಹೊರತಾಗಿಯೂ ಭಾರತದ ಅತಿಶ್ರೀಮಂತರ ಪೈಕಿ ಒಬ್ಬರ ನಿವ್ವಳ ಮೌಲ್ಯ ಹೆಚ್ಚಾಗಿದೆ, ಅವರು ಯಾರು ಗೊತ್ತಾ?