ಬೀಜಿಂಗ್: ಚೀನಾದ ಗ್ರಾಮವೊಂದರ ವೈನ್ ಸ್ಟೋರ್ ಮೇಲೆ ದಾಳಿ ಮಾಡಿದ 14 ಏಷಿಯನ್ ಆನೆಗಳ ಗುಂಪು ಕಂಠಪೂರ್ತಿ ಆಲ್ಕೋಹಾಲ್ ಕುಡಿದು ಗ್ರಾಮಕ್ಕೆ ಹಾನಿ ಮಾಡಿರುವುದಾಗಿ ವರದಿಯಾಗಿದೆ. ಅದರಲ್ಲಿನ ಎರಡು ಆನೆಗಳು ಟೀ ಎಸ್ಟೇಟ್ನಲ್ಲಿ ಬಿದ್ದು ಹೊರಳಾಡಿದ ವಿಡಿಯೋ ಮತ್ತು ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಈ ಘಟನೆ ನೈಋತ್ಯ ಚೀನಾದ ಯುನ್ನಾನ್ ಬಳಿಯ ಗ್ರಾಮದಲ್ಲಿ ನಡೆದಿದ್ದು, ಗ್ರಾಮಸ್ಥರು ವಿಡಿಯೋ ಮತ್ತು ಫೋಟೋಗಳನ್ನು ಸೆರೆಹಿಡಿದಿದ್ದಾರೆ. ಗ್ರೇನ್( ಧಾನ್ಯ) ಆಲ್ಕೋಹಾಲ್ ಸ್ಟೋರ್ ಮೇಲೆ ದಾಳಿ ಮಾಡಿದ ಆನೆಗಳು ಸುಮಾರು 30 ಲೀಟರ್ನಷ್ಟು ಕಾರ್ನ್(ಜೋಳ) ವೈನ್ ಅನ್ನು ಸವಿದಿವೆ.
ಮದ್ಯಪಾನ ಮಾಡಿ ಟೀ ಎಸ್ಟೇಟ್ ಮೈದಾನದಲ್ಲಿ ಮಲಗಿರುವ ಆನೆಗಳ ಫೋಟೋವನ್ನು ಚೀನಾದ ಮೈಕ್ರೋಬ್ಲಾಗಿಂಗ್ “ವೈಬೋ” ವೇದಿಕೆಯಲ್ಲಿ ಜುಜೋ ಬಿಂಗ್ಬಿಂಗ್ ಟ್ರಾವೆಲ್ ಫೋಟೋಗ್ರಫಿ ಶೇರ್ ಮಾಡಿಕೊಂಡಿದೆ. ಈಗಾಗಲೇ ಫೋಟೋಗೆ 140,000 ಲೈಕ್ಸ್ಗಳು ಹರಿದುಬಂದಿವೆ.
ಆನೆಗಳು ಮದ್ಯವನ್ನು ಸೇವಿಸಿದ್ದವು ಎಂಬುದನ್ನು ಖಚಿತಪಡಿಸಲು ಕಷ್ಟವೆಂದು ಸ್ಥಳೀಯ ಅರಣ್ಯ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ. ಮಾರ್ಚ್ 9ರಂದು ಚೀನಾ ವ್ಯಾಪ್ತಿಯನ್ನು ಪ್ರವೇಶಿಸಿದ ಆನೆಗಳು ಮಾರ್ಚ್ 11 ಮತ್ತು 14 ಎರಡು ಗ್ರಾಮಗಳಿಗೆ ಭೇಟಿ ನೀಡಿದ್ದವು ಎಂದು ಮಾಹಿತಿ ನೀಡಿದ್ದಾರೆ.
ಈ ವೇಳೆ ಜೋಳ ತುಂಬಿದ್ದ ನೌಕೆ ಮತ್ತು ಗ್ರೈನ್ ಆಲ್ಕೋಹಾಲ್ ಇದ್ದ ಕಡಾಯಿಗೆ ಹಾಗೂ ಸೋಲಾರ್ ಪ್ಯಾನೆಲ್, ಕಿಟಕಿ ಮತ್ತು ಬಾಗಿಲುಗಳಿಗೆ ಹಾನಿ ಮಾಡಿವೆ. ಘಟನೆಯಲ್ಲಿ ಯಾವೊಬ್ಬ ಗ್ರಾಮಸ್ಥರಿಗೂ ತೊಂದರೆಯಾಗಿಲ್ಲ ಎಂದು ತಿಳಿದುಬಂದಿದೆ. ಆದರೆ, ಆನೆಗಳು ಮದ್ಯಪಾನ ಮಾಡಿದ್ದವು ಎಂಬುದನ್ನು ಅಧಿಕಾರಿಗಳು ತಳ್ಳಿ ಹಾಕಿದ್ದಾರೆ. (ಏಜೆನ್ಸೀಸ್)
ಕರೊನಾ ಸೋಂಕಿನ ಬಗ್ಗೆ ಭಯವೇ?: ವೃಷಭ ರಾಶಿಯವರು ಹೀಗೆ ಮಾಡಿದರೆ ಬೇಸರದೊಂದಿಗೆ ಕಷ್ಟವೂ ಕರಗಲಿದೆ ನೋಡಿ…
ಕರೊನಾ ಸೋಂಕಿನ ತಾತ್ಕಾಲಿಕ ಬಂದ್ನಿಂದ ಬೇಸರವೇ? ಮೇಷ ರಾಶಿಯವರು ಹೀಗೆ ಮಾಡಿದರೆ ಬೋರ್ ಆಗುವುದಿಲ್ಲ