ಈ ಬಗ್ಗೆ ಮಾತನಾಡಿರುವ ಆರ್ ಮಂಜುನಾಥ್, ವಿಶೇಷವಾಗಿ ನಮಗೂ ಕಾಡಾನೆಗಳಿಗೂ ಸಂಬಂಧವಿದೆ. ಆನೆ ದೈತ್ಯ ಸಸ್ತನಿ. ಅದು ಬದುಕಬೇಕು. ಆನೆಗಳು ಕಾಡಿನಲ್ಲಿ ಬದುಕಬೇಕು, ಮನುಷ್ಯರು ನಾಡಿನಲ್ಲಿ ಬದುಕಬೇಕು ಎಂಬುದೇ ಸಮಿತಿಯ ಆಶಯ. ನಾವು ಇನ್ನು ಅರ್ಜುನನ ಸಾವಿನಿಂದ ಹೊರಬಂದಿಲ್ಲ. ನಮಗೂ ದುಃಖ ಆಗುತ್ತಿದೆ. ಆದರೆ ಇದೀಗ ಈ ಕಾಡಾನೆ ಕಾಣಿಸಿಕೊಂಡು ಎಲ್ಲರ ಮನೆ ಬಾಗಿಲ ಬಳಿ ತೆರಳುತ್ತಿದೆ. ಹಾಗೆಯೇ ನಮ್ಮ ಮನೆಯ ಬಾಗಿಲ ಬಳಿಯೂ ಬಂದಿದೆ. ವಿಶೇಷ ಅನಿಸಿದೆ. ಬೆಳಗ್ಗೆಯಿಂದ ನಾವು ಅದನ್ನು ನೋಡಿ ಕಣ್ತುಂಬಿಕೊಳ್ಳುತ್ತಿದ್ದೇವೆ. ಅರಣ್ಯ ಇಲಾಖೆಯವರು ಕಾಡಾನೆಗಳಿಗೆ ಸೂಕ್ತ ಸ್ಥಳ ಒದಗಿಸಿ, ಅವುಗಳು ಕೂಡ ಬದುಕಬೇಕು ಎಂದು ನಾವು ಕೋರುತ್ತೇವೆ ಎಂದು ಮಂಜುನಾಥ್ ಅವರು ಮನವಿ ಮಾಡಿದ್ದಾರೆ.
