ಪಂಚ ಹಸಿರೆಲೆಯಲ್ಲಿ ಅರಳಿದ ಗಣಪ

ಉಡುಪಿ: ಶ್ರೀ ಗಣೇಶೋತ್ಸವ ಸಮಿತಿ ಭಕ್ತವೃಂದ ಮಾರುತಿ ವೀಥಿಕಾ ಉಡುಪಿಯ 26ನೇ ವರ್ಷದ ಗಣೇಶೋತ್ಸವ ಈ ಬಾರಿ ಪರಿಸರಸ್ನೇಹಿಯಾಗಿದೆ. ಚೌತಿಯಂದು ಪೂಜಿಸಲ್ಪಡುವ ಗಣಪತಿಯನ್ನು ವಿಶೇಷ ಹಾಗೂ ಆಕರ್ಷಾತ್ಮಕವಾಗಿ ಸಿದ್ಧಪಡಿಸಲಾಗಿದೆ.

ಪೂಜಾ ಸಮಯದಲ್ಲಿ ಸುವಸ್ತುವಾಗಿ ಬಳಸುವ ಮಾವಿನ ಎಲೆ. ವೀಳ್ಯದೆಲೆ. ಎಕ್ಕದ ಎಲೆ, ಬಾಳೆಎಲೆ ಹಾಗೂ ಹಲಸಿನ ಎಲೆಗಳನ್ನು ಆಧರಿಸಿ ಸಿದ್ಧಪಡಿಸಲಾಗಿದೆ. 

ಉಡುಪಿ ಕಿನ್ನಿಮೂಲ್ಕಿಯ ದಿ. ಸದಾಶಿವ್​ ಆಚಾರ್ಯ ಅವರ ಪುತ್ರರಾದ ಕಾರ್ತಿಕ್​ ಆಚಾರ್ಯ ಹಾಗೂ ಕೌಶಿಕ್​ ಆಚಾರ್ಯ ಅವರ ಕೈಚಳಕದಲ್ಲಿ ಈ ಗಣಪ ಮೂಡಿ ಬಂದಿದ್ದಾನೆ. ಗುರುರಾಜ್​ ಎಂ. ಶೆಟ್ಟಿ ಅಧ್ಯಕ್ಷತೆಯಲ್ಲಿ 'ಪಂಚ ಹಸಿರೆಲೆ ಗಣಪ' ನಾಮದೊಂದಿಗೆ ಈ ವರ್ಷದ ಆಚರಣೆ ನಡೆಯಲಿದೆ.