ಸೀಮಿತ ಅನುದಾನದಲ್ಲಿಯೂ ರಸ್ತೆ ಕಾಮಗಾರಿ ಪೂರ್ಣ

* ಉಡುಪಿ ಶಾಸಕ ಯಶ್​ಪಾಲ್​ ಸುವರ್ಣ ಮಾಹಿತಿ

* ಮದಗ ಲೇಔಟ್​ನಲ್ಲಿ ಕಾಂಕ್ರೀಟ್​ ರೋಡ್​ ಉದ್ಘಾಟನೆ

ಉಡುಪಿ: ನರ್ನಾಡು ಮದಗ ಲೇಔಟ್​ ಭಾಗದ ಜನರ ಬೇಡಿಕೆಯಂತೆ ಕಾಂಕ್ರೀಟ್​ ರಸ್ತೆ ಕಾಮಗಾರಿಗೆ 50 ಲಕ್ಷ ರೂ. ಅನುದಾನ ಒದಗಿಸಿ ಸುಸಜ್ಜಿತ ರಸ್ತೆ ನಿರ್ಮಿಸಲಾಗಿದೆ. ಸೀಮಿತ ಅನುದಾನದ ಲಭ್ಯತೆಯ ನಡುವೆಯೂ ರಸ್ತೆ ಕಾಮಗಾರಿ ಪೂರ್ಣಗೊಳಿಸಲಾಗಿದೆ. ಮುಂದಿನ ದಿನಗಳಲ್ಲಿ ಈ ಭಾಗದ ಇನ್ನಷ್ಟು ಅಭಿವೃದ್ಧಿಗೆ ವಿಶೇಷ ಆದ್ಯತೆ ನೀಡುವುದಾಗಿ ಶಾಸಕ ಯಶ್​ಪಾಲ್​ ಸುವರ್ಣ ಭರವಸೆ ನೀಡಿದರು.

ಉಪ್ಪೂರು ಗ್ರಾಮದ ನರ್ನಾಡು ಮದಗ ಲೇಔಟ್​ನಲ್ಲಿ ನೂತನ ಕಾಂಕ್ರೀಟ್​ ರಸ್ತೆ ಉದ್ಘಾಟಿಸಿ ಮಾತನಾಡಿದರು. ಮದಗ ಲೇಔಟ್​ ನಾಗರಿಕರ ವೇದಿಕೆ ವತಿಯಿಂದ ಯಶ್​ಪಾಲ್​ ಸುವರ್ಣ ಅವರನ್ನು ಸನ್ಮಾನಿಸಲಾಯಿತು.

ಬಿಜೆಪಿ ಗ್ರಾಮಾಂತರ ಅಧ್ಯಕ್ಷ ರಾಜೀವ್​ ಕುಲಾಲ್​, ಉಪ್ಪೂರು ಗ್ರಾಪಂ ಮಾಜಿ ಅಧ್ಯಕ್ಷ ಮಹೇಶ್​ ಕೋಟ್ಯಾನ್, ಮಾಜಿ ಸದಸ್ಯ, ಮದಗ ಲೇಔಟ್​ ನಾಗರಿಕ ವೇದಿಕೆ ಅಧ್ಯಕ್ಷ ಶರತ್​ ಪೂಜಾರಿ, ಗೌರವಾಧ್ಯಕ್ಷ ಹರೀಶ್​ ಅಮೀನ್​, ಕಾರ್ಯದರ್ಶಿ ಚನ್ನಕೇಶವ ಭಟ್​, ವೇದಿಕೆಯ ಪದಾಧಿಕಾರಿಗಳು, ಲೇಔಟ್​ನ ನಾಗರಿಕರು, ಚಿಣ್ಣರು ಉಪಸ್ಥಿತರಿದ್ದರು.