ಪಡುಬಿದ್ರಿ: ದಸರಾ ಉತ್ಸವದ ಚಿಕತ್ರಲಾ ಸ್ಪರ್ಧೆ ಹಾಗೂ ಪೊಣ್ಣು ಪಿಲಿ ನಲಿಕೆ ಸ್ಪರ್ಧೆಗೆ ಪ್ರಾಯೋಜಕತ್ವ ವಹಿಸಿ ಕಲೆಯನ್ನು ಪ್ರೋತ್ಸಾಹಿಸುತ್ತಿರುವ ಮಹಾಲಕ್ಷ್ಮೀ ಬ್ಯಾಂಕ್, ಮೀನು ಮಾರಾಟ ಫೆಡರೇಶನ್ ಹಾಗೂ ಶಾಸಕ ಯಶ್‌ಪಾಲ್ ಕಾರ್ಯ ಶ್ಲಾಘನೀಯ. ಅವರನ್ನು ತಾಯಿ ಮಹಾಲಕ್ಷ್ಮೀ ಅನುಗ್ರಹಿಸಲಿ ಎಂದು ಮೊಗವೀರ ಮಹಾಜನ ಸಂಘದ ಗೌರವ ಸಲಹೆಗಾರ ನಾಡೋಜ ಜಿ.ಶಂಕರ್ ಹೇಳಿದರು.
ಉಡುಪಿ ಉಚ್ಚಿಲ ದಸರಾ ಅಂಗವಾಗಿ ಮಹಾಲಕ್ಷ್ಮೀ ಕೋ-ಆಪರೇಟಿವ್ ಬ್ಯಾಂಕ್ ಪ್ರಾಯೋಜಕತ್ವದಲ್ಲಿ ದಸರಾ ಮುಖ್ಯ ವೇದಿಕೆಯಲ್ಲಿ ಶನಿವಾರ ಕಿನ್ನಿ ಪಿಲಿ ಹಾಗೂ ಪೊಣ್ಣು ಪಿಲಿ ನಲಿಕೆ ಸ್ಪರ್ಧೆ ಉದ್ಘಾಟಿಸಿ ಮಾತನಾಡಿದರು.
ಮಹಾಲಕ್ಷ್ಮೀ ಕೋ-ಆಪರೇಟಿವ್ ಬ್ಯಾಂಕ್ ಅಧ್ಯಕ್ಷ ಯಶ್‌ಪಾಲ್ ಸುವರ್ಣ, ಮೊಗವೀರ ಮಹಾಜನ ಸಂಘ ಮುಂಬೈ ಸಮಿತಿ ಗೌರವಾಧ್ಯಕ್ಷ ವೇದಪ್ರಕಾಶ್ ಶ್ರೀಯಾನ್ ಮಾತನಾಡಿದರು. ಶಾಸಕ ಗುರ್ಮೆ ಸುರೇಶ್ ಶೆಟ್ಟಿ, ಮೊಗವೀರ ಮಹಾಜನ ಸಂಘ ಅಧ್ಯಕ್ಷ ಜಯ ಸಿ.ಕೋಟ್ಯಾನ್, ಪ್ರಮುಖರಾದ ಶಾಲಿನಿ ಶಂಕರ್, ಶ್ಯಾಮಿಲಿ ನವೀನ್, ಶೇಖರ ಸಾಲ್ಯಾನ್, ಯುವರಾಜ್ ಕಿದಿಯೂರು, ಕುಶಿ ಶೆಟ್ಟಿ ಮಂಗಳೂರು, ಲಕ್ಷ್ಮೀ ಶೆಣೈ, ಸುಷ್ಮಾ ಬಂಟ್ವಾಳ, ಶಿಲ್ಪಾ ಜಿ.ಸುವರ್ಣ, ವಿನಯ ಕರ್ಕೇರ, ವಾಸುದೇವ ಸಾಲ್ಯಾನ್, ಶಶಿಕಾಂತ್ ಪಡುಬಿದ್ರಿ, ಶೋಭೇಂದ್ರ ಸಾಲ್ಯಾನ್, ವನಜಾ ಪುತ್ರನ್, ಶರತ್ ಕುವಾರ್ ಶೆಟ್ಟಿ, ಶಾರಿಕಾ ಕಿರಣ್, ಆನಂದ ಸೆಲ್ವಂ, ಶರಣ್ ಕುವಾರ್, ಕವಿತಾ ಶರತ್, ಸುಗುಣಾ ಕರ್ಕೇರ ಉಪಸ್ಥಿತರಿದ್ದರು. ವಿಜೇತ ಶೆಟ್ಟಿ ನಿರೂಪಿಸಿದರು.
ಕಿನ್ನಿ ಪಿಲಿ ನಲಿಕೆ ವಿಜೇತರು
2 ವರ್ಷ ವಿಭಾಗದಲ್ಲಿ ವಿಹಾ ಪಿ.ಸುವರ್ಣ- ಪ್ರಥಮ, ಸುಶನ್ಯಾ ಎಸ್.ಕಟಪಾಡಿ- ದ್ವಿತೀಯ, ಪಾರ್ಥವ್ ಸುವರ್ಣ ಎಸ್.-ತೃತೀಯ, 2ರಿಂದ 4 ವರ್ಷ ವಿಬಾಗದಲ್ಲಿ ಚಕಿತ್ ವಿ.ಎಕ್ಕಾರ್- ಪ್ರಥಮ, ಶಿವಿನ್ ನಿಖಿಲ್- ದ್ವಿತೀಯ, ಆದಿತ್ಯಕೃಷ್ಣ ಉಪಾಧ್ಯ- ತೃತೀಯ, 4ರಿಂದ 6 ವರ್ಷದ ವಿಭಾಗದಲ್ಲಿ ನಮಿಷ್- ಪ್ರಥಮ, ಅದೈತ್ ಕೋಟ್ಯಾನ್- ದ್ವಿತೀಯ, ಪ್ರಿಯಾಂಶ್- ತೃತೀಯ, 6ರಿಂದ 8 ವಿಭಾಗದಲ್ಲಿ ಶ್ರೀಶೈಲ- ಪ್ರಥಮ, ಶಾಸ್ತ್ರ ಜಿ.ಸಾಲ್ಯಾನ್- ದ್ವಿತೀಯ, ಶ್ರಿಹಾನ್ ಕೆ.ಬಂಗೇರ ಮತ್ತು ದೇಶನ್ವಿ ಕೆ.ಸಾಲ್ಯಾನ್- ತೃತೀಯ ಸ್ಥಾನ ಪಡೆದರು. ನಾಲ್ಕೂ ವಿಭಾಗಗಳಲ್ಲಿ ಒಟ್ಟು 178 ಪುಟಾಣಿಗಳು ಪಾಲ್ಗೊಂಡಿದ್ದರು. ಪೊಣ್ಣು ಪಿಲಿ ನಲಿಕೆ 14 ತಂಡಗಳು ಹಾಗೂ ಸೀರೆ ವಿಭಾಗದಲ್ಲಿ 33 ಸ್ಪರ್ಧಿಗಳು ಭಾಗವಹಿಸಿದ್ದರು.
