ಉಡುಪಿ: ಕ್ಯಾನ್ಸರ್​ ಸಂಬಂಧಿತ ಚಿಕಿತ್ಸೆಗಳು ಒಂದೇ ಸೂರಿನಡಿ ಲಭಿಸುವಂತೆ ಮಾಡುವುದು ಕೆಎಂಸಿಯ ಗುರಿ. ಅದರಿಂದ ತಡೆರಹಿತ, ಗುಣಮಟ್ಟದ ಮತ್ತು ರೋಗಿ- ಕೇಂದ್ರಿತ ಆರೈಕೆಗೆ ಅನುಕೂಲವಾಗುತ್ತದೆ. ಆ ನಿಟ್ಟಿನಲ್ಲಿ ಮಣಿಪಾಲದ ಕಸ್ತೂರ್ಬಾ ಆಸ್ಪತ್ರೆಯು ಕ್ಯಾನ್ಸರ್​ ಕಾಯಿಲೆಯ ಸಮಗ್ರ ಆರೈಕೆಯಲ್ಲಿ ಮತ್ತೊಂದು ಮೈಲಿಗಲ್ಲು ಸ್ಥಾಪಿಸಿದೆ. ಇದು ವಿಶೇಷ ಅಂಕೊಲಾಜಿ ಮತ್ತು ಕಸಿ ಸೇವೆಗಳ ಅಗತ್ಯವಿರುವ ಮಕ್ಕಳಿಗೆ ಅತ್ಯಂತ ಪ್ರಯೋಜನಕಾರಿ ಎಂದು ಮಾಹೆ ಮಣಿಪಾಲದ ಮುಖ್ಯ ಕಾರ್ಯಾಚರಣಾ ಅಧಿಕಾರಿ ಡಾ. ಆನಂದ್​ ವೇಣುಗೋಪಾಲ್​ ತಿಳಿಸಿದರು.

ಮಣಿಪಾಲದ ಕಸ್ತೂರ್ಬಾ ಆಸ್ಪತ್ರೆಯಲ್ಲಿರುವ ರ್ಶಿಡಿ ಸಾಯಿಬಾಬಾ ಕ್ಯಾನ್ಸರ್​ ಕೇಂದ್ರದಲ್ಲಿ ಆರಂಭಿಸಿರುವ ಮಕ್ಕಳ ಕ್ಯಾನ್ಸರ್​ ಅಸ್ಥಿಮಜ್ಜೆ ಕಸಿ ಘಟಕ ಮತ್ತು ಕ್ಯಾನ್ಸರ್​ ಶಸ್ತ್ರ ಚಿಕಿತ್ಸೆಯ ಆಪರೇಷನ್​ ಥಿಯೇಟರ್​ಅನ್ನು ಮಂಗಳವಾರ (ಫೆ.24) ಉದ್ಘಾಟಿಸಿ ಮಾತನಾಡಿದರು.

ಮಾಹೆ ಮಣಿಪಾಲದ ಬೋಧನಾ ಆಸ್ಪತ್ರೆಗಳ ಮುಖ್ಯ ಕಾರ್ಯಾಚರಣಾ ಅಧಿಕಾರಿ ಡಾ. ಸುಧಾಕರ್​ ಕಂಟಿಪುಡಿ, ವೈದ್ಯಕೀಯ ಅಧೀಕ್ಷಕ ಡಾ. ಅವಿನಾಶ್​ ಶೆಟ್ಟಿ, ಕ್ಯಾನ್ಸರ್​ ಶಸ್ತ್ರ ಚಿಕಿತ್ಸಾ ವಿಭಾಗದ ಮುಖ್ಯಸ್ಥ ಡಾ. ನವೀನಕುಮಾರ್​ ಎ.ಎನ್​., ಮಕ್ಕಳ ಅಂಕೊಲಾಜಿ ವಿಭಾಗದ ಮುಖ್ಯಸ್ಥ ಡಾ. ವಾಸುದೇವ್​ ಭಟ್​ ಕೆ. ಉಪಸ್ಥಿತರಿದ್ದರು.

"