2021, ಫೆ.15ರಿಂದ ಪ್ರಥಮ ಗ್ರಾಮಸಭೆ ಗೊತ್ತುಪಡಿಸಿದ್ದ ತಾಲೂಕಿನ ಕೋಟೆ, ಕುರ್ಕಾಲು, ಮಜೂರು, ಮುದರಂಗಡಿ, ಪಲಿಮಾರು ಹಾಗೂ ಶಿರ್ವ ಗ್ರಾಮಗಳ ಅವಧಿ 14ರಂದು, ಬಡಾ, ಬೆಳಪು, ಬೆಳ್ಳೆ, ಹೆಜಮಾಡಿ, ಇನ್ನಂಜೆ, ಕಟಪಾಡಿ, ಕುತ್ಯಾರು, ತೆಂಕ ಗ್ರಾಪಂಗಳ ಅವಧಿ 15ಕ್ಕೆ, ಎಲ್ಲೂರು 16 ಹಾಗೂ ಪಡುಬಿದ್ರಿ ಗ್ರಾಪಂನ ಅವಧಿ 17ರಂದು ಕೊನೆಗೊಳ್ಳಲಿದೆ. ಜನಪ್ರತಿನಿಧಿಗಳ ಆಡಳಿತಾವಧಿಯಲ್ಲಿ ಕೆಲವೊಂದು ಗ್ರಾಪಂಗಳಲ್ಲಿ 5 ವರ್ಷಗಳಲ್ಲಿ ವಾರ್ಷಿಕವಾಗಿ 2 ಗ್ರಾಮಸಭೆಗಳು ನಡೆದಿದ್ದರೆ, ಚುನಾವಣಾ ನೀತಿ ಸಂಹಿತೆ ಹಾಗೂ ಆಂತರಿಕ ಗೊಂದಲಗಳಿಂದಾಗಿ ಕೆಲ ಗ್ರಾಪಂಗಳಲ್ಲಿ ಗ್ರಾಮಸಭೆಗಳ ಸಂಖ್ಯೆ ಕಡಿತಗೊಂಡಿರುವ ಘಟನೆಗಳು ನಡೆದಿವೆ. ತೆಂಕ ಗ್ರಾಪಂನಲ್ಲಿ ಆಂತರಿಕ ಗೊಂದಲಗಳಿಂದ ಪ್ರಸ್ತುತ ಸಾಲಿನ ಗ್ರಾಮಸಭೆಯೇ ಈವರೆಗೆ ನಿಗದಿಪಡಿಸಲು ಸಾಧ್ಯವಾಗಿಲ್ಲ. ಮಜೂರು ಗ್ರಾಪಂ ಸಹಿತ ಬೆರಳೆಣಿಕೆ ಗ್ರಾಮಗಳಲ್ಲಿ 5 ವರ್ಷಗಳಲ್ಲಿ 10 ಗ್ರಾಮಸಭೆಗಳು ನಡೆದಿರುವುದು ವಿಶೇಷವಾಗಿದೆ. ಹೆಚ್ಚಿನ ಜನಸಂಖ್ಯೆ ಹೊಂದಿರುವ ಶಿರ್ವ ಮತ್ತು ಪಡುಬಿದ್ರಿ ಗ್ರಾಪಂಗಳು ಪಟ್ಟಣ ಪಂಚಾಯಿತಿಯಾಗಿ ಮೇಲ್ದರ್ಜೆಗೇರುವಲ್ಲಿ ಸರ್ವಾನುಮತದ ನಿರ್ಣಯವನ್ನು ಕೈಗೊಂಡಿರುವುದು ಗಮನಾರ್ಹವಾಗಿದೆ.
