ಹುಕ್ಕಾ ಅಕ್ರಮ ಸೇವನೆ, 9 ಯುವಕರ ಬಂಧನ

ಉಡುಪಿ ಮಣಿಪಾಲದ ಡಿಆರ್ಎನ್ಕೆ ಲ್ಯಾಬ್ ಕೆಫೆಯಲ್ಲಿ ಅಕ್ರಮವಾಗಿ ಹುಕ್ಕಾ ಸೇದುತ್ತಿದ್ದ ಯುವಕರು ಹಾಗೂ ಕೆಪೇಯ ಮ್ಯಾನೇಜರ್ನನ್ನು ಪೊಲೀಸರು ವಶಕ್ಕೆ ಪಡೆದರು.

Published on:

07 Aug 2026, 2:38 pm

* ಮಣಿಪಾಲ ಠಾಣೆ ಪೊಲೀಸರ ದಾಳಿ

ಉಡುಪಿ: ಖಚಿತ ಮಾಹಿತಿಯ ಮೇರೆಗೆ ಕೆೆಯೊಂದರ ಮೇಲೆ ದಾಳಿ ನಡೆಸಿದ ಪೊಲೀಸರು, ಅಕ್ರಮವಾಗಿ ಹುಕ್ಕಾ ಸೇದುತ್ತಿದ್ದ 8 ಯುವಕರು ಹಾಗೂ ಹುಕ್ಕಾ ಸೇದಲು ಅವಕಾಶ ಮಾಡಿಕೊಟ್ಟ ಕೆಫೆಯ ಮ್ಯಾನೇಜರ್ ಸೇರಿ 9 ಮಂದಿಯನ್ನು ಬಂಧಿಸಿದ್ದಾರೆ.

ಕುಂದಾಪುರದ ಎಸ್. ರಿಯಾಜ್, ಬೈಂದೂರಿನ ಜೀಶಾನ್ ಅಬ್ದುಲ್ ಜಾಹೀರ್, ಗಂಗೊಳ್ಳಿಯ ಮೊಹಮ್ಮದ್ ಸಮೀರ್, ಉಡುಪಿಯವರಾದ ಮಹಮ್ಮದ್ ಸವಾದ್, ಕೃಷ್ಣ, ಚಿರಾಗ್, ಅನ್ವಿತ್, ಕಾಪುವಿನ ತಾರಾನಾಥ್, ಕೆಫೆಯ ಮ್ಯಾನೇಜರ್ ದಣ ಕನ್ನಡ ಜಿಲ್ಲೆ ಬಂಟ್ವಾಳ ತಾಲೂಕು ಮಣ್ಣೂರು ಗ್ರಾಮದ ಮೊಹಮ್ಮದ್ ಶಫಾನ್ ಬಂಧಿತರು. ಆರೋಪಿಗಳೆಲ್ಲರೂ 20ರಿಂದ 22 ವರ್ಷದವರಾಗಿದ್ದಾರೆ.

ಮಣಿಪಾಲದ ವಿದ್ಯಾರತ್ನ ನಗರದ ಡಿಸಿ ಕಚೇರಿ ರಸ್ತೆ ಮಾರ್ಗದಲ್ಲಿರುವ ಐರಿಸ್ ಕಟ್ಟಡದ 1ನೇ ಮಹಡಿಯಲ್ಲಿರುವ ಡಿಆರ್ಎನ್ಕೆ ಲ್ಯಾಬ್ ಹೆಸರಿನ ಕೆಫೆಯಲ್ಲಿ ಅಕ್ರಮವಾಗಿ ಹುಕ್ಕಾ ಸೇದುತ್ತಿರುವ ಬಗ್ಗೆ ಖಚಿತ ಮಾಹಿತಿ ಮೇರೆಗೆ ಆ.6ರಂದು ರಾತ್ರಿ ಪಿಎಸ್ಐ ವಾಮನ್ ಹಾಗೂ ಹೆಡ್ ಕಾನ್ಸ್ಟೇಬಲ್ಗಳಾದ ಸುರೇಶ್ ಶೆಟ್ಟಿ, ಚೇತನ್ ಕುಮಾರ್, ಸಿಬ್ಬಂದಿ ರವಿರಾಜ್, ಉಮೇಶ್ ದಾಳಿ ನಡೆಸಿದ್ದರು. ಕೆಫೆಯೊಳಗೆ ಪರಿಶೀಲಿಸಿದಾಗ 8 ಹುಡುಗರು ಕುರ್ಚಿಯಲ್ಲಿ ಕುಳಿತು ಟೇಬಲ್ನ ಮೇಲೆ ಹುಕ್ಕಾ ಶೀಸೆಗಳನ್ನು ಇಟ್ಟುಕೊಂಡು ಹುಕ್ಕಾ ಸೇವಿಸುತ್ತಿದ್ದರು.

ಎಲ್ಲ ಯುವಕರನ್ನು ವಶಕ್ಕೆ ಪಡೆದ ಪೊಲೀಸರು, ಸಣ್ಣ ವಯಸ್ಸಿನ ಹುಡುಗರಿಗೆ ಹುಕ್ಕಾ ನೀಡುತ್ತಿದ್ದ ಕೆಫೆಯ ಮ್ಯಾನೇಜರ್ನನ್ನು ಬಂಧಿಸಿದರು. ಮಣಿಪಾಲ ಠಾಣೆಯಲ್ಲಿ ಕೊಟ್ಪಾ ಕಾಯಿದೆಯಡಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ.

Arrested