* ಕಾಪು ಹೊಸ ಮಾರಿಗುಡಿ ಅಧ್ಯಕ್ಷ ಕೆ.ವಾಸುದೇವ್ ಶೆಟ್ಟಿ ಅನಿಸಿಕೆ
* ಹಿರಿಯ ನಾಗರಿಕರ ಅಭಿನಂದನಾ ಸಮಾರಂಭ
ಉಡುಪಿ: ಪ್ರಾಯ ಆಗಿದೆಯೆಂದು ಎಣಿಸುತ್ತ ವರ್ಷ ಕಳೆಯಬಾರದು. ವಯಸ್ಸಾಯಿತೆಂದು ಯಾರಲ್ಲೂ ಹೇಳಬಾರದು. ಅದು ಮನಸ್ಸಿನ ಖಿನ್ನತೆಗೆ ಮೂಲ ದಾರಿಯಾಗುತ್ತದೆ. ದೇಹಕ್ಕೆ ವಯಸ್ಸಾದರೂ ಅದನ್ನು ಮನಸ್ಸಿಗೆ ತೆಗೆದುಕೊಳ್ಳಬಾರದು. ನಮ್ಮ ದೇಗಲದಲ್ಲಿ ನವದುರ್ಗಾ ಲೇಖನ ಮತ್ತೆ ಆರಂಭಗೊಂಡಿದ್ದು, ಹಿರಿಯರೆಲ್ಲರೂ ತಮ್ಮ ಉತ್ತಮ ಆರೋಗ್ಯಕ್ಕೆ ಸಂಕಲ್ಪಿಸಿ ಲೇಖನ ಅಭಿಯಾನದಲ್ಲಿ ತೊಡಗಿಕೊಳ್ಳಬಹುದು ಎಂದು ಕಾಪು ಹೊಸ ಮಾರಿಗುಡಿ ಅಭಿವೃದ್ಧಿ ಸಮಿತಿಯ ಅಧ್ಯಕ್ಷ ಕೆ.ವಾಸುದೇವ್ ಶೆಟ್ಟಿ ತಿಳಿಸಿದರು.
ಉಡುಪಿಯ ಪುರಭವನದಲ್ಲಿ ಉಡುಪಿ ಹಿರಿಯ ನಾಗರಿಕರ ಸಂಸ್ಥೆ (ರಿ.) ವತಿಯಿಂದ ಶನಿವಾರ (ಸೆ.26) ಆಯೋಜಿಸಿದ್ದ ವಾರ್ಷಿಕ ಸಾಮಾನ್ಯ ಮಹಾಸಭೆಯಲ್ಲಿ 2025-26ನೇ ಸಾಲಿನಲ್ಲಿ 80 ವರ್ಷ ಪೂರೈಸಿದ ಸದಸ್ಯರಿಗೆ ಅಭಿನಂದನಾ ಸಮಾರಂಭ ಉದ್ಘಾಟಿಸಿ ಮಾತನಾಡಿ, ಕಾಪು ತಾಲೂಕಿನಲ್ಲಿಯೂ ಹಿರಿಯ ನಾಗರಿಕರ ಸಂಸ್ಥೆ ಆರಂಭಕ್ಕೆ ಯತ್ನ, ಸಂಘಕ್ಕೆ ಸಹಕಾರ ನೀಡುವುದಾಗಿ ತಿಳಿಸಿದರು.
