ಶಿವಪಾಡಿ ವೈಭವಕ್ಕೆ ಚಪ್ಪರ ಮುಹೂರ್ತ

ಉಡುಪಿ: ಮಣಿಪಾಲದ ಶಿವಪಾಡಿಯಲ್ಲಿರುವ ಶ್ರೀ ಉಮಾಮಹೇಶ್ವರ ದೇವಸ್ಥಾನದ ವಠಾರದಲ್ಲಿ ಫೆ.14, 15ರಂದು ನಡೆಯಲಿರುವ ಐತಿಹಾಸಿಕ 'ಶಿವಪಾಡಿ ವೈಭವ. ಕಾರ್ಯಕ್ರಮದ ನಿಮಿತ್ತ ದೇವಸ್ಥಾನದ ವಠಾರದಲ್ಲಿ ಗುರುವಾರ (ಜ.29) ಚಪ್ಪರ ಮಹೂರ್ತ ನೆರವೇರಿತು. ಮಾಹೆಯ ಎಸ್ಟೇಟ್​ ಅಫೀಸರ್​ ಬಾಲಕೃಷ್ಣ ಪ್ರಭು ಚಪ್ಪರ ಮುಹೂರ್ತಕ್ಕೆ ಚಾಲನೆ ನೀಡಿದರು.

ಧಾರ್ಮಿಕ, ಸಾಹಿತ್ಯಿಕ ಕಾರ್ಯಕ್ರಮ, ಯಕ್ಷಗಾನ ಮೇಳ, ಆಹಾರ ಮೇಳ, ನೃತ್ಯ ಮತ್ತು ಚಿತ್ರಕಲಾ ಸ್ಪರ್ಧೆ ಸೇರಿದಂತೆ ವೈವಿಧ್ಯಮಯ ಕಾರ್ಯಕ್ರಮಗಳು ನಡೆಯಲಿದೆ. 2 ಸಾವಿರಕ್ಕೂ ಅಧಿಕ ಜನರು ಕುಳಿತುಕೊಳ್ಳಲು ಬೃಹತ್​ ಸಭಾಂಗಣ, ಬೃಹತ್​ ವೇದಿಕೆ, ಕೃಷಿ, ಆಹಾರ, ವಸ್ತು ಪ್ರದರ್ಶನ, ಪುಸ್ತಕ ಭಂಡಾರ ಸೇರಿದಂತೆ 250ಕ್ಕೂ ಅಧಿಕ ಮಳಿಗೆ, ಅನ್ನ ಪ್ರಸಾದ ವಿತರಣೆಯ ಸ್ಥಳ ಸಹಿತ ವಿಶಾಲ ಜಾಗಕ್ಕೆ ಚಪ್ಪರ ಮುಹೂರ್ತ ನೆರವೇರಿಸಲಾಯಿತು.

ಶ್ರೀ ಉಮಾಮಹೇಶ್ವರ ದೇವಸ್ಥಾನದ ಅಭಿವೃದ್ಧಿ ಟ್ರಸ್ಟ್​ನ ಅಧ್ಯಕ್ಷ ದಿನೇಶ್​ ಪ್ರಭು, ಆಡಳಿತದ ಮೊಕ್ತೇಸರ ಮಹೇಶ್​ ಠಾಕೂರ್​, ಪ್ರಮುಖರಾದ ಶ್ರೀಕಾಂತ್​ ಪ್ರಭು, ಸತೀಶ್​ ಪಾಟೀಲ್​, ಪ್ರಕಾಶ್​ ಪ್ರಭು, ಪ್ರಕಾಶ್​ ಕುಕ್ಕೆಹಳ್ಳಿ, ಮಂಜು ಶಾಮಿಯಾನದ ಮುಖ್ಯಸ್ಥ ಗಣೇಶ್​, ಸಂದೇಶ್​ ಪ್ರಭು ಇತರರಿದ್ದರು.