ಸಾಲಿಗ್ರಾಮ ತಾಲೂಕಿನ ಚುಂಚನಕಟ್ಟೆಯಿಂದ ಹಿರಿಕ್ಯಾತನಹಳ್ಳಿ-ಕಟ್ಟೆಮಳಲವಾಡಿ, ಹುಣಸೂರು ಮಾರ್ಗವಾಗಿ ಕೇರಳಕ್ಕೆ ಅಕ್ರಮವಾಗಿ ಜಾನುವಾರು ಸಾಗಿಸುತ್ತಿರುವ ಬಗ್ಗೆ ಬಂದ ಖಚಿತ ಮಾಹಿತಿ ಆಧರಿಸಿ ಬುಧವಾರ ಡಿವೈಎಸ್ಪಿ ರವಿ ನೇತೃತ್ವದಲ್ಲಿ ಇನ್ಸ್ಪೆಕ್ಟರ್ ಸಂತೋಷ್ ಕಶ್ಯಪ್, ಎಸ್ಐ ರಾಧಾ ಹಾಗೂ ಸಿಬ್ಬಂದಿ ಕಟ್ಟೆಮಳಲವಾಡಿ ಸೇತುವೆ ಬಳಿ ವಾಹನ ತಪಾಸಣೆ ನಡೆಸಿದ ವೇಳೆ ಒಂದೇ ವಾಹನದಲ್ಲಿ 19 ಕರುಗಳನ್ನು ತುಂಬಿರುವುದು ಕಂಡು ಬಂತು. ಚಾಲಕ ಅಫ್ರಿದ್ಶರೀಫ್ನನ್ನು ವಿಚಾರಣೆಗೊಳಪಡಿಸಿದ ವೇಳೆ ಅಕ್ರಮವಾಗಿ ಕರುಗಳನ್ನು ಸಾಗಿಸುತ್ತಿರುವ ಬಗ್ಗೆ ಮಾಹಿತಿ ನೀಡಿದ ಮೇರೆಗೆ ಪ್ರಕರಣ ದಾಖಲಿಸಿ ನ್ಯಾಯಾಂಗ ಬಂಧನಕ್ಕೊಪ್ಪಿಸಲಾಗಿದೆ. 19 ಕರುಗಳನ್ನು ಪಿಂಜಾರಾಪೋಲ್ಗೆ ಕಳುಹಿಸಲಾಗಿದೆ.
