ಟೆಂಡರ್​ ಕರೆಯದೇ ಸಿಬ್ಬಂದಿ ಮುಂದುವರಿಕೆ

8 ಕೋಟಿ ರೂ. ಅಕ್ರಮ ಪ್ರಕರಣದಲ್ಲಿ ಪ್ರಾಧಿಕಾರದಲ್ಲಿ ಗುತ್ತಿಗೆ ಆಧಾರದಲ್ಲಿ ಕೆಲಸ ಮಾಡುತ್ತಿದ್ದ ರವೀಂದ್ರ ಕುಮಾರ್​ ಪ್ರಮುಖ ಆರೋಪಿ ಆಗಿದ್ದಾರೆ. ಕರ್ನಾಟಕ ಪಾರದರ್ಶಕ ಅಧಿನಿಯಮ ಅನುಸಾರ ಗುತ್ತಿಗೆ ನೌಕರರನ್ನು ಟೆಂಡರ್​ ಕರೆದು ನೇಮಕ ಮಾಡಿಕೊಳ್ಳಬೇಕು. ಆದರೆ, ಈ ಮೊದಲು ಸೇವೆ ನೀಡಿದ ಬಸವೇಶ್ವರ ಎಂಟರ್​ಪೆಸಸ್​ಗೆ ಸೇವೆ ಮುಂದುವರೆಸಲಾಗಿದೆ. 28,69,575 ರೂ. ಪಾವತಿಸಲಾಗಿದೆ. ಈ ಬಗ್ಗೆ ಆಡಿಟ್​ನಲ್ಲಿ ನೋಟಿಸ್​ ನೀಡಿದ್ದರೂ ವಿವರಣೆ ನೀಡದ ಕಾರಣ ಆಕ್ಷೇಪಣೆ ಸಲ್ಲಿಸಲಾಗಿದೆ.

ಸರ್ಕಾರದಿಂದ ಮಂಜೂರಾದ ಹುದ್ದೆಗಳಿಗಿಂತ ಹೆಚ್ಚುವರಿ ನೌಕರರನ್ನು ನೇಮಿಸಿಕೊಂಡಿರುವುದು ಬೆಳಕಿಗೆ ಬಂದಿದೆ. 2025-26ನೇ ಸಾಲಿನಲ್ಲಿ ಕೇವಲ ಮೂರು ಹುದ್ದೆಗಳು ಮಂಜೂರಾಗಿವೆ. ಹೆಚ್ಚುವರಿಯಾಗಿ 4 ನೌಕರನ್ನು ನೇಮಿಸಿಕೊಂಡಿದ್ದು ಸರ್ಕಾರದಿಂದ ಅನುಮೋದನೆ ಪಡೆದುಕೊಂಡಿಲ್ಲ. ಗ್ರೂಪ್​ ಡಿ-4, ತಲಾ ಒಂದೊಂದು ಡೆವರ್​, ಕಂಪ್ಯೂಟರ್​ ಆಪರೇಟರ್​, ಕ್ಲೀನರ್​ ಹುದ್ದೆಗಳಿಗೆ ವೇತನ ಪಾವತಿಸಲಾಗಿದೆ. ಹೊರಗುತ್ತಿಗೆ ನೌಕರರ ಸಂಬಳಕ್ಕಾಗಿ 27,45,876ರೂ. ವ್ಯಯಿಸಲಾಗಿದೆ. ಅದರಲ್ಲಿ ಮೂರು ಹುದ್ದೆಗಳಿಗೆ 8,19,624ರೂ. ಪಾವತಿಸಬೇಕಿದ್ದು, ಬಾಕಿ 19,26,252ರೂ. ವಸೂಲಿ ಮಾಡುವಂತೆ ಆಡಿಟ್​ ವರದಿ ನೀಡಿದೆ.