ಕಾರ್ಖಾನೆ ಹಠಾವೋ ಕೊಪ್ಪಳ ಬಚಾವೋ

ಕೊಪ್ಪಳ, ಹಾಲವರ್ತಿ, ಭಾಗ್ಯನಗರ, ಬಗನಾಳ, ಅಲ್ಲಾನಗರ, ಕುಣಿಕೇರಿ ಸೇರಿ 10ಕ್ಕೂ ಹೆಚ್ಚು ಗ್ರಾಮಗಳು ಕಾರ್ಖಾನೆಗಳ ವಿಷಾನಿಲದಿಂದ ನರಳುತ್ತಿವೆ. ಇದೀಗ ಬಿಎಸ್​ಪಿಲ್​, ಭದ್ರಶ್ರೀ, ಕಿರ್ಲೊಸ್ಕರ್​ ಸೇರಿ ಇನ್ನಿತರ ಕಾರ್ಖಾನೆಗಳ ಟಕ ವಿಸ್ತರಣೆಗೆ ಸರ್ಕಾರ ಅನುಮೋದನೆ ನೀಡಿದೆ. ಇದರಿಂದ ಕೊಪ್ಪಳ ಮತ್ತಷ್ಟು ಕಪ್ಪಾಗಲಿದೆ. ವಿಸ್ತರಣೆ ಖಂಡಿಸಿ ಗವಿಶ್ರೀಗಳ ನೇತೃತ್ವದಲ್ಲಿ ಕಳೆದ ವರ್ಷ ಬೃಹತ್​ ಪ್ರತಿಭಟನೆ ನಡೆದರೂ ಸರ್ಕಾರ, ಜಿಲ್ಲೆಯ ಜನಪ್ರತಿನಿಧಿಗಳು ಎಚ್ಚೆತ್ತಿಲ್ಲ. ಕಳೆದ 116 ದಿನಗಳಿಂದಲೂ ಕೊಪ್ಪಳ ಜಿಲ್ಲಾ ಬಚಾವೋ ಆಂದೋಲನ ಸಮಿತಿ, ಕೊಪ್ಪಳ ತಾಲೂಕು ಪರಿಸರ ಹಿತರಕ್ಷಣಾ ವೇದಿಕೆ ಜಂಟಿಯಾಗಿ ಮುಷ್ಕರ ನಡೆಸಿವೆ. ನಾಡಿನ ಮಠಾಧೀಶರು, ಚಿಂತಕರು, ಹೋರಾಟಗಾರರು ಭಾಗಿಯಾಗಿ ಬೆಂಬಲ ನೀಡಿದ್ದಾರೆ.

ಇದೀಗ ಸರ್ಕಾದ ಮೊಂಡುತನ ಖಂಡಿಸಿ ಇಂದು ಜಿಲ್ಲಾ ಕೇಂದ್ರ ಕೊಪ್ಪಳ&ಭಾಗ್ಯನಗರ ಪಟ್ಟಣ ಬಂದ್​ಗೆ ಕರೆ ನೀಡಲಾಗಿದೆ. ಜನರೂ ಸ್ವಯಂ ಭಾಗಿಯಾಗುವ ಮಾತು ಕೊಟ್ಟಿದ್ದಾರೆ. ವರ್ಷದ ಹಿಂದೆ ನಡೆದ ಬಂದ್​ ಸಹ ಯಶಸ್ವಿಯಾಗಿತ್ತು. ಈ ಬಾರಿಯೂ ಜನರು ಸ್ವಯಂ ಬಂದ್​ಗೆ ಬೆಂಬಲ ನೀಡಿ ಸರ್ಕಾರಕ್ಕೆ ಚುರುಕು ಮುಟ್ಟಿಸಲು ಸಿದ್ಧರಾಗಿದ್ದಾರೆ. ಈಗಾಗಲೇ ಅಂತಿಮ ಸಿದ್ಧತೆಗಳು ಪೂರ್ಣಗೊಂಡಿದ್ದು, ವ್ಯಾಪಕ ಪ್ರಚಾರ ನಡೆದಿದೆ.

ಜಿಲ್ಲಾ ಉಸ್ತುವಾರಿ ಸಚಿವ ಶಿವರಾಜ ತಂಗಡಗಿ, ಸಿಎಂ ಆರ್ಥಿಕ ಸಲಹೆಗಾರ ಬಸವರಾಜ ರಾಯರಡ್ಡಿ, ಶಾಸಕ ರಾವೇಂದ್ರ ಹಿಟ್ನಾಳ, ಸಂಸದ ರಾಜಶೇಖರ ಹಿಟ್ನಾಳ ತಾವು ಕಾರ್ಖಾನೆ ವಿರುದ್ಧ ಎಂದು ವರ್ಷದಿಂದ ಬಾಯಿ ಮಾತಿನಲ್ಲಿ ಹೇಳಿ ದಿನದೂಡುತ್ತಿದ್ದಾರೆ. ಒಮ್ಮೆಯೂ ಸದನದಲ್ಲಿ ಈ ಬಗ್ಗೆ ಪ್ರಶ್ನಿಸಿಲ್ಲ. ಚರ್ಚೆ ನಡೆಸಿಲ್ಲ. ಕೊನೇ ಪಕ್ಷ ವೈಯಕ್ತವಾಗಿ ಸಂಬಂಧಿಸಿದವರಿಗೆ ಪತ್ರ ಬರೆದು ಮನವಿ ಮಾಡಿಲ್ಲ. ಬದಲಿಗೆ ಹಿಂದೆ ಸಿಎಂ ಭೇಟಿಯಾಗಿದ್ದನ್ನೇ ವರ್ಷವಿಡೀ ಹೇಳಿ ಜನರನ್ನು ಯಾಮಾರಿಸುತ್ತಿದ್ದಾರೆ. ಜನಪ್ರತಿನಿಧಿಗಳ ನಡೆ ಸಾರ್ವಜನಿಕರಲ್ಲಿ ಬೇಸರ ತರಿಸಿದ್ದು ಸುಳ್ಳಲ್ಲ. ಇದೀಗ ಶಾಸಕ, ಸಂಸದರು ಬಂದ್​ಗೆ ಬೆಂಬಲ ನೀಡಿದ್ದು ಮುಂದಾದರೂ ಜನರ ಸಮಸ್ಯೆಗೆ ಸ್ಪಂದಿಸುವರಾ ಎಂಬ ಪ್ರಶ್ನೆ ಎದ್ದಿದೆ.

ಬಂದ್​ ಹಿನ್ನೆಲೆಯಲ್ಲಿ ಕೊಪ್ಪಳ ವಿವಿ ಮಂಗಳವಾರದ ಪರೀೆಗಳನ್ನು ಮುಂದೂಡಿದೆ. ಸ್ನಾತಕೋತ್ತರ ಪದವಿ ಮೊದಲನೇ ಸೆಮಿಸ್ಟರ್​ನ ಕಾಮರ್ಸ್​, ಎಕನಾಮಿಕ್ಸ್​, ಪತ್ರಿಕೋದ್ಯಮ, ಇಂಗ್ಲಿಷ್​, ಇತಿಹಾಸ, ಪುರಾತತ್ವಶಾಸ್ತ್ರ, ಕನ್ನಡ, ಸಮಾಜಶಾಸ್ತ್ರ, ರಾಜ್ಯಶಾಸ್ತ್ರ ವಿಷಯಗಳ ಪರೀಕ್ಷೆಗಳನ್ನುಫೆ.26ಕ್ಕೆ ಮುಂದೂಡಿದೆ. ಕೊಪ್ಪಳ ತಾಲೂಕು ಖಾಸಗಿ ಶಾಲೆಗಳ ಒಕ್ಕೂಟ (ಕೆಪಿಎಸ್​ಎ) ಸಹ ಮಕ್ಕಳ ಹಿತದೃಷ್ಟಿಯಿಂದ ಮಂಗಳವಾರ ಶಾಲೆಗೆ ರಜೆ ನೀಡಿದೆ. ಮುಂದಿನ ರಜಾ ದಿನದಂದು ತರಗತಿ ನಡೆಸಿ ಸರಿದೂಗಿಸುವುದಾಗಿ ತಿಳಿಸಿದೆ. ಬಂದ್​ಗೆ ವಕೀಲರ ಸಂಟನೆ, ಜವಳಿ ಸಂಟನೆ, ಕಾರ್ಮಿಕ ಸಂಟನೆಗಳು ಸೇರಿ ಇನ್ನಿತರ ಸಂಟನೆಗಳು ಬೆಂಬಲ ಸೂಚಿಸಿವೆ.