ಸೆ.4ರಂದು ಸಂಜೆ 4 ಗಂಟೆಗೆ ಚನ್ನಳ್ಳಿ ಕ್ರಾಸ್ ಹತ್ತಿರ ಪಾದಯಾತ್ರೆ ಸ್ವಾಗತಿಸಲಾಗುವುದು. ಕಾರಟಗಿಯ ನವಲಿ ವೃತ್ತದಲ್ಲಿ ಬಹಿರಂಗ ಸಭೆ ಇರಲಿದ್ದು ರಾತ್ರಿ ಅಮ್ಮ ಮಹೇಶ್ವರಿ ಕಲ್ಯಾಣ ಮಂಟಪದಲ್ಲಿ ವಾಸ್ತವ್ಯ ಇರಲಿದೆ. ಸೆ.5ರ ಶನಿವಾರ ನವಲಿ ವೃತ್ತದಿಂದ ಆರಂಭವಾಗುವ ಪಾದಯಾತ್ರೆ ಮರ್ಲಾನಹಳ್ಳಿ, ಸಿದ್ದಾಪುರ, ಗುಂಡೂರು ಕ್ರಾಸ್, ಶ್ರೀರಾಮನಗರ, ಮರಳಿ ಮಾರ್ಗವಾಗಿ ಜಂಗಮರ ಕಲ್ಗುಡಿಗೆ ಬರಲಿದೆ. ಸಂಜೆ ಬಹಿರಂಗ ಸಭೆ ಮೂಲಕ ಆ ದಿನದ ಕಾರ್ಯಕ್ರಮ ಮುಗಿಯುವುದು. ಸೆ.6ರಭಾನುವಾರ ಬೆಳಗ್ಗೆ 9ಕ್ಕೆ ಪಾದಯಾತ್ರೆ ಪ್ರಾರಂಭವಾಗಲಿದೆ. ಗಂಗಾವತಿ ಟಿಎಪಿಸಿಎಂಎಸ್, ಚನ್ನಬಸವಸ್ವಾಮಿ ವೃತ್ತ, ದೇವಿನಗರ, ವಿನೋಬ ನಗರ ಮಾರ್ಗವಾಗಿ ಬಳ್ಳಾರಿ ಜಿಲ್ಲೆ ಕಂಪ್ಲಿಗೆ ಪ್ರವೇಶಿಸಲಿದೆ ಎಂದು ಮಾಹಿತಿ ನೀಡಿದರು.
