ನವದೆಹಲಿ: ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ ಪೌರತ್ವ ತಿದ್ದುಪಡಿ ಕಾಯ್ದೆ ವಿರುದ್ಧ ಪ್ರಧಾನಿ ನರೇಂದ್ರ ಮೋದಿ ಪತ್ನಿ ಜಶೋದಾಬೆನ್, ಪ್ರತಿಭಟನೆ ನಡೆಸಿದರು ಎಂದು ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ಸಮೇತ ವೈರಲ್ ಮಾಡಿರುವ ಸುದ್ದಿ ಸುಳ್ಳೆಂಬು ಫ್ಯಾಕ್ಟ್ಚೆಕ್ನಲ್ಲಿ ಬಹಿರಂಗವಾಗಿದೆ.
ಪತ್ರಿಭಟನೆ ನಡೆಸುತ್ತಿರುವ ಮಹಿಳೆಯರ ಗುಂಪಿನಲ್ಲಿ ಜಶೋದಾ ಬೆನ್ ಇರುವ ಫೋಟೋವನ್ನು ತೌಸಿಫ್ ನೂರಿ ಎಂಬ ಫೇಸ್ಬುಕ್ ಬಳಕೆದಾರ ಅಪ್ಲೋಡ್ ಮಾಡಿಕೊಂಡಿದ್ದಾರೆ. ಅಲ್ಲದೆ, ಝೋಯಾ ಹೆಸರಿನ ಟ್ವಿಟರ್ ಖಾತೆಯಲ್ಲೂ ಪೋಸ್ಟ್ ಮಾಡಲಾಗಿದೆ. ಅದಕ್ಕೆ ಪೌರತ್ವ ತಿದ್ದುಪಡಿ ಕಾಯ್ದೆ ವಿರುದ್ಧ ದೆಹಲಿಯ ಶಹೀನ್ ಬಾಘ್ನಲ್ಲಿ ನಡೆದ ಪ್ರತಿಭಟನೆಯಲ್ಲಿ ಜಶೋದಾಬೆನ್ ಸಾಥ್ ನೀಡಿದರು ಎಂದು ಅಡಿಬರಹವನ್ನು ಬರೆದು ವೈರಲ್ ಮಾಡಿದ್ದಾರೆ. ಅಲ್ಲದೆ, ಈ ಪೋಸ್ಟ್ ಅನ್ನು ಅನೇಕ ಮಂದಿ ಶೇರ್ ಕೂಡ ಮಾಡಿಕೊಂಡಿದ್ದಾರೆ.
भक्तो तुम्हारी अम्मा यसोदा मैया भी #ShaheenBaghProtest पहुंच गई पैसे लेने …🧐लेकिन तुम्हारे पप्पा #मोदीजी_शाहीनबाग_कब_आओगे
Tauseef Noori ಅವರಿಂದ ಈ ದಿನದಂದು ಪೋಸ್ಟ್ ಮಾಡಲಾಗಿದೆ ಶನಿವಾರ, ಜನವರಿ 18, 2020
भक्तो तुम्हारी अम्मा यसोदा मैया भी #ShaheenBaghProtest पहुंच गई पैसे लेने …🧐
— Z0YA (@Troll_Ziddi) January 18, 2020
लेकिन तुम्हारे पप्पा #मोदीजी_शाहीनबाग_कब_आओगे pic.twitter.com/oi37rPy3Vu
ಈ ವೈರಲ್ ಫೋಟೋ ಬೂಮ್ ವೆಬ್ಸೈಟ್ ಗಮನಕ್ಕೆ ಬಂದು ಸತ್ಯಾಂಶ ತಿಳಿಯಲು ಫ್ಯಾಕ್ಟ್ಚೆಕ್ ನಡೆಸಿದಾಗ ಅಸಲಿ ಮಾಹಿತಿ ಬಹಿರಂಗವಾಗಿದೆ. ಫೋಟೋವನ್ನು ಗೂಗಲ್ ರಿವರ್ಸ್ ಸರ್ಚ್ ಇಂಜಿನ್ಗೆ ಹಾಕಿ ನೋಡಿದಾಗ, ಫೋಟೋ ಹಳೆಯದು ಎಂದು ತಿಳಿದುಬಂದಿದೆ.
ಫೋಟೋ ಸಂಬಂಧ ಡೆಕನ್ ಕ್ರೋನಿಕಲ್ ಮಾಧ್ಯಮದಲ್ಲಿ 2016, ಫೆಬ್ರವರಿ 13ರಂದು “ಅನಾಥರು, ಕೊಳಗೇರಿ ನಿವಾಸಿಗಳ ಪರ ನರೇಂದ್ರ ಮೋದಿ ಪತ್ನಿ ಉಪವಾಸ ಸತ್ಯಾಗ್ರಹ” ಎಂಬ ಶೀರ್ಷಿಕೆಯೊಂದಿಗೆ ವರದಿ ಪ್ರಕಟವಾಗಿದೆ.
ಇದರ ಪ್ರಕಾರ ಮಾನ್ಸೂನ್ ಋತುವಿನಲ್ಲಿ ಕೊಳಗೇರಿ ನಿವಾಸಿಗಳ ಮನೆಗಳನ್ನು ಧ್ವಂಸ ಮಾಡಿದ್ದಕ್ಕೆ ಆಜಾದ್ ಮೈದಾನದಲ್ಲಿ ಪ್ರಧಾನಿ ಮೋದಿ ಪತ್ನಿ ಜಶೋದಾಬೆನ್ ಉಪವಾಸ ಕುಳಿತಿದ್ದರು. ಹೀಗಾಗಿ ಸದ್ಯ ವೈರಲ್ ಮಾಡಿರುವ ಫೋಟೋಗೂ ಸಿಎಎ ಪ್ರತಿಭಟನೆಗೂ ಸಂಬಂಧವಿಲ್ಲ ಎಂಬುದು ಫ್ಯಾಕ್ಟ್ಚೆಕ್ ಬಯಲಿಗೆ ಎಳೆದಿದೆ.(ಏಜೆನ್ಸೀಸ್)