ನವದೆಹಲಿ: ವಿಸ್ತಾರ ವಿಮಾನಯಾನಕ್ಕೆ ನಾಗರಿಕ ವಿಮಾನಯಾನ ಸಚಿವಾಲಯ ಭಾರೀ ದಂಢ ವಿಧಿಸಿದೆ. ಪೈಲೆಟ್ ಮಾಡಿದ ಅವಾಂತರದಿಂದ ವಿಸ್ತಾರ ವಿಮಾನಯಾನ ಸಂಸ್ಥೆ ಬರೋಬ್ಬರಿ 10 ಲಕ್ಷ ರೂ. ದಂಡ ತೆರಬೇಕಿದೆ.
ಪ್ರಯಾಣಿಕರಿದ್ದ ವಿಮಾನವನ್ನು ತರಬೇತಿ ಇಲ್ಲದ ಪೈಲೆಟ್ನಿಂದ ಲ್ಯಾಂಡ್ ಮಾಡಿಸಿದ್ದರಿಂದ ಡಿಜಿಸಿಎ ದಂಡ ವಿಧಿಸಿದೆ. ಮಧ್ಯಪ್ರದೇಶದ ಇಂದೋರ್ನಲ್ಲಿ ಇತ್ತೀಚೆಗೆ ಈ ಘಟನೆ ನಡೆದಿದೆ.
ತರಬೇತಿ ಪಡೆಯದ ಪೈಲೆಟ್ ಪ್ರಯಾಣಿಕರಿದ್ದ ವಿಮಾನವನ್ನು ಲ್ಯಾಂಡಿಂಗ್ ಮಾಡಿದ್ದರು. ಇದೀಗ ಇದು ಭಾರೀ ಚರ್ಚೆಗೂ ಗ್ರಾಸವಾಗಿದೆ. ತರಬೇತಿ ಇಲ್ಲದ ಪೈಲೆಟ್ಗಳಿಗೆ ಅನುಮತಿ ನೀಡಿದ ವಿಸ್ತಾರ ಸಂಸ್ಥೆಗೆ ಡಿಜಿಸಿಎ ತರಾಟೆಗೆ ತೆಗೆದುಕೊಂಡಿದೆ.
ವಿಮಾನದ ಕ್ಯಾಪ್ಟನ್ ಅಥವಾ ಸಿಮ್ಯುಲೇಟರ್ನಲ್ಲಿ ತರಬೇತಿ ಪಡೆಯದೆ ಇಳಿಸಲಾಗಿದ್ದು, ಇದು ವಿಮಾನದಲ್ಲಿದ್ದ ಪ್ರಯಾಣಿಕರ ಜೀವಕ್ಕೆ ಅಪಾಯವನ್ನುಂಟುಮಾಡುವ ಗಂಭೀರ ಉಲ್ಲಂಘನೆಯಾಗಿದೆ. ಹಾಗಾಗಿ 10 ಲಕ್ಷ ರೂ. ದಂಡವನ್ನು ಪಾವತಿಸಬೇಕು ಎಂದು ಡಿಜಿಸಿಎ ತಿಳಿಸಿದೆ. ಸದ್ಯಕ್ಕೆ ಈ ವಿಮಾನ ಎಲ್ಲಿಂದ ಟೇಕ್ಆಫ್ ಆಗಿದೆ ಎಂಬ ಬಗ್ಗೆ ಸಂಸ್ಥೆ ಸ್ಪಷ್ಟನೆ ನೀಡಿಲ್ಲ. (ಏಜೆನ್ಸೀಸ್)
ಮೋದಿ ಹೇಳಿಕೊಟ್ಟ ಸಾಬುದಾನಿ ಖಿಚಡಿ: ಪ್ರಧಾನಿಯ ಅಡುಗೆ ಗುಟ್ಟು ಬಿಚ್ಚಿಟ್ಟ ಬಿಜೆಪಿ ಮುಖಂಡ