ನವದೆಹಲಿ: ಕೊವಿಡ್-19 ಸೋಂಕಿನ ಅಂಕಿ-ಅಂಶಗಳನ್ನು ವಿಶ್ಲೇಷಣೆ ಮಾಡಿದಾಗ ವೈರಸ್ ತಗುಲುವ ಪ್ರಮಾಣ ಪುರುಷರಿಗೇ ಹೆಚ್ಚು ಎಂಬ ಸತ್ಯ ಬೆಳಕಿಗೆ ಬಂದಿದೆ.
ಮಹಿಳೆಯರಿಗೆ ಸೋಂಕು ತಗುಲುವ ಎರಡು ಪಟ್ಟು ಹೆಚ್ಚು ಪುರುಷರಿಗೆ ವೈರಸ್ ತಗುಲುತ್ತಿದೆ ಎಂದು ಅಧ್ಯಯನ ತಿಳಿಸಿದೆ. ಅದರಲ್ಲೂ 19-35 ವರ್ಷದವರೇ ಹೆಚ್ಚಾಗಿ ಸೋಂಕಿತರಾಗುತ್ತಿದ್ದಾರೆ.
ಸುಮಾರು 5.16 ಲಕ್ಷ ಅಂದರೆ ಶೇ.65.11 ರಷ್ಟು ಪುರುಷರಿಗೆ ಕರೊನಾ ತಗುಲಿದ್ದರೆ, ಸುಮಾರು 2.76 ಲಕ್ಷ ಅಂದರೆ 34.89 ಶೇಕಡಾ ಮಹಿಳೆಯರು ಸೋಂಕಿಗೆ ಒಳಗಾಗಿದ್ದಾರೆ ಎಂದು ಅಂಕಿಸಂಖ್ಯೆ ಹೊರಬಿದ್ದಿದೆ.
ಅದರಲ್ಲೂ ಶೇ.33.12 ರಷ್ಟು 19-35ವರ್ಷದವರಿಗೆ ಕರೊನಾ ತಗುಲುತ್ತಿದ್ದರೆ, ಶೇ.7.7ರಷ್ಟು ಮಾತ್ರ 65 ಮತ್ತು ಅದಕ್ಕಿಂತ ಮೇಲ್ಪಟ್ಟ ವಯಸ್ಸಿನವರು ಸೋಂಕಿಗೆ ಒಳಗಾಗುತ್ತಿದ್ದಾರೆ ಎಂದು ವರದಿ ಬಹಿರಂಗಗೊಳಿಸಿದೆ.
ಇಂಟಿಗ್ರೇಟೆಡ್ ಡಿಸೀಸ್ ಕಣ್ಗಾವಲು ಇಲಾಖೆ (ಐಡಿಎಸ್ಪಿ)ಯ ಸಮೀಕ್ಷೆ ಪ್ರಕಾರ ಶೇ.48 ರಷ್ಟು 60 ವರ್ಷದಳೊಗಿನವರು ಕೊವಿಡ್-19ನಿಂದ ಸಾಯುತ್ತಿದ್ದರೆ, 60 ಹಾಗೂ ಅದಕ್ಕಿಂತ ಮೇಲ್ಪಟ್ಟ ವಯಸ್ಸಿನವರು ಶೇ.51.9ರಷ್ಟು ಸಾವನ್ನಪ್ಪುತ್ತಿದ್ದಾರೆ.
ಅದರಲ್ಲೂ ಶೇ.68 ರಷ್ಟು ಪುರುಷರು ಮತ್ತು ಶೇ.32ರಷ್ಟು ಮಹಿಳೆಯರು ಕೊವಿಡ್ನಿಂದ ಸಾಯುತ್ತಿದ್ದಾರೆಂದು ಐಡಿಎಸ್ಪಿ ತಿಳಿಸಿದೆ. (ಏಜೆನ್ಸೀಸ್)
8 ಲಕ್ಷದ ಸಮೀಪಕ್ಕೆ ಬಂತು ದೇಶದ ಕೊವಿಡ್-19 ಸೋಂಕಿತರ ಸಂಖ್ಯೆ; ಚೇತರಿಕೆ ಪ್ರಮಾಣವೂ ಏರಿಕೆ