ವಾಹನದ ಮೇಲೆ ಕರೊನಾ ಬೋರ್ಡ್; ಮಾಡುತ್ತಿದ್ದುದು ಮತ್ತೇರಿಸೋ ಕೆಲಸ!

ದೆಹಲಿ: ಕರೊನಾ ಹೆಸರಲ್ಲಿ ಯಾರ್ಯಾರೋ ಹೇಗ್ಹೇಗೋ ಹಣ ಮಾಡಿಕೊಂಡಿದ್ದಿದೆ. ಅಂಥದ್ದೇ ಒಂದು ಕೆಲಸವನ್ನು ಈ ಕಿಡಿಗೇಡಿಗಳಿಬ್ಬರು ಮಾಡಿದ್ದು, ಕೊನೆಗೂ ಪೊಲೀಸರ ಕೈಗೆ ಸಿಕ್ಕಿ ಹಾಕಿಕೊಂಡಿದ್ದಾರೆ. ವಾಹನದ ಮೇಲೆ 'ಕೋವಿಡ್​ ಸರ್ವಿಸ್​' ಸ್ಟಿಕ್ಕರ್​ ಅಂಟಿಸಿಕೊಂಡು ಮತ್ತೇರಿಸೋ ಕೆಲಸ ಮಾಡುತ್ತಿದ್ದ ಇವರು ಇದೀಗ ಕಂಬಿ ಎಣಿಸುವಂತಾಗಿದೆ.

ಹೀಗೆ ಮಾಡಬಾರದ್ದನ್ನು ಮಾಡಲು ಹೋಗಿದ್ದಕ್ಕೆ ಇವರಿಗೆ ಹೊಸ ವರ್ಷದಂದು ಸಂತೋಷ ಉಂಟಾಗುವ ಬದಲು ಬೇಸರ ಆಗುವಂತಾಗಿದೆ. ಏಕೆಂದರೆ ಹೊಸ ವರ್ಷದ ಸಂದರ್ಭವನ್ನೇ ಎನ್​ಕ್ಯಾಷ್​ ಮಾಡಿಕೊಂಡು ಕೈತುಂಬ ಕ್ಯಾಷ್​ ಮಾಡಿಕೊಳ್ಳಬೇಕು ಎಂದುಕೊಂಡಿದ್ದ ಇವರ ಲೆಕ್ಕಾಚಾರ ತಲೆಕೆಳಗಾಗಿದ್ದು, ಅಂದೇ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾರೆ. ಚಂದನ್ ಷಾ ಮತ್ತು ಕೃಷ್ಣನ್ ಡಿಯೊ ಎಂಬವರು ಬಂಧಿತರು. ಖಚಿತ ಮಾಹಿತಿ ಮೇರೆಗೆ ದೆಹಲಿ ಪೊಲೀಸರು ಈ ಕಾರ್ಯಾಚರಣೆ ನಡೆಸಿದ್ದರು.

ಇದನ್ನೂ ಓದಿ: ಯಡಿಯೂರಪ್ಪ ಅವರೇ ಸುಪ್ರೀಂ, ನಾಯಕತ್ವ ಬದಲಾವಣೆ ಪ್ರಶ್ನೆಯೇ ಇಲ್ಲ: ಬಿಜೆಪಿ ಸಭೆ ಬಳಿಕ ಘೋಷಣೆ

ಕೋವಿಡ್​-19 ತುರ್ತು ಸೇವೆ ವಾಹನ ಎಂಬಂತೆ ಸ್ಟಿಕ್ಕರ್ ಹಾಕಿಕೊಂಡಿದ್ದ ಇವರಿಬ್ಬರು, ಆ ವಾಹನದ ಮೂಲಕ ಡ್ರಗ್ಸ್​ ಸರಬರಾಜು ಮಾಡುತ್ತಿದ್ದರು. ಒಡಿಶಾದಿಂದ ದೆಹಲಿಗೆ ಬರುತ್ತಿದ್ದ ಟೆಂಪೊವನ್ನು ದೆಹಲಿ ಪೊಲೀಸರು ತಡೆದು ಪರಿಶೀಲಿಸಿದಾಗ ಡ್ರಗ್ಸ್​ ಪತ್ತೆಯಾಗಿದೆ. ಬಂಧಿತರಿಂದ 950 ಕೆಜಿ ಮಾರಿಜುವಾನ ವಶ ಪಡಿಸಿಕೊಳ್ಳಲಾಗಿದೆ. ಬಂಧಿತರ ವಿಚಾರಣೆ ನಡೆಸುತ್ತಿರುವ ಪೊಲೀಸರು ಆ ಮೂಲಕ ಡ್ರಗ್ಸ್​ ಪೂರೈಸುತ್ತಿರುವವರ ಪತ್ತೆಗೆ ಮುಂದಾಗಿದ್ದಾರೆ. (ಏಜೆನ್ಸೀಸ್​)

https://www.vijayavani.net/s-daughter-from-1st-wife-said-i-should-remarry-manoj-tiwari/

https://www.vijayavani.net/doctor-who-discovered-ebola-warns-that-new-deadly-viruses-are-set-to-hit-mankind/

https://www.vijayavani.net/s-ake-love-jihad-case-in-up-lady/