ಸ್ಟಾರ್ಟಪ್ ಕ್ಯಾಪಿಟಲ್ ಆಫ್ ಇಂಡಿಯಾ’ ಎಂದು ಕರೆಯಲ್ಪಡುವ ಬೆಂಗಳೂರಿನಲ್ಲಿ ಜನರು ಹೊಸ ಉದ್ಯಮಗಳನ್ನ ಕಂಡುಕೊಳ್ಳುತ್ತಿರುತ್ತಾರೆ. ಅದರಲ್ಲಿ ಬಟ್ಟೆಗಳ ವಿಚಾರಕ್ಕೆ ಬಂದ್ರೆ ಸಾಕು, ನಿಮಗೆ ಕೊಂಡುಕೊಳ್ಳಲು ಬೇಕಾದಷ್ಟು ಆಯ್ಕೆಗಳಿವೆ. ಯಾಕಂದ್ರೆ ಬೆಂಗಳೂರಿನಲ್ಲಿ ನೀವು ಯಾವುದೇ ಸ್ಟ್ರೀಟ್ಗಳಿಗೆ ಕಾಲಿಟ್ರೂ ಸಹ ಬಟ್ಟೆ ಅಂಗಡಿಗಳು ಇರೋದಂತೂ ಫಿಕ್ಸ್.
ಈ ನಡುವೆ ಇತ್ತೀಚಿನ ದಿನಗಳಲ್ಲಿ ದೊಡ್ಡ ದೊಡ್ಡ ಮಾಲ್, ಸ್ಟ್ರೀಟ್ ಎಲ್ಲಿ ಹೋದರೂ ಎಲ್ಲಾ ವರ್ಗದ ಜನರು ಕೊಳ್ಳುವಂತಹ ಬಟ್ಟೆಗಳು ನಿಮಗೆ ಬೇಕಾದ ದರದಲ್ಲಿ ಸಿಗುತ್ತಿದೆ. ಬಟ್ಟೆ ಅಂಗಡಿ ಮಾಲೀಕರು ವ್ಯಾಪಾರವಿಲ್ಲದೆ ಕೆಲವೊಮ್ಮೆ ಚಿಂತೆ ಮಾಡುತ್ತಾರೆ. ಇನ್ನು ಆನ್ಲೈನ್ನಲ್ಲಿ ಆರ್ಡರ್ ಮಾಡಿದ್ರಂತೂ ನಿಮ್ಮ ಮನೆ ಬಾಗಿಲಿಗೆಯೇ ಬಟ್ಟೆಗಳು ಬಂದು ಬೀಳುತ್ತೆ.
ಬೆಂಗಳೂರಿನಲ್ಲೊಂದು ಮೊಬೈಲ್ ಬಟ್ಟೆ ಶಾಪ್..!
ಇದೀಗ ತಳ್ಳುವ ತರಕಾರಿ ಗಾಡಿ , ಮೊಬೈಲ್ ಕ್ಯಾಂಟೀನ್ ರೀತಿಯಲ್ಲಿ ಜನರು ಬಟ್ಟೆ ಮಾರೋಕೆ ಪ್ರಾರಂಭಿಸಿದ್ದಾರೆ. ಟ್ರಾನ್ಸ್ಪರೆಂಟ್ ಗ್ಲಾಸ್ ಫಿನಿಶಿಂಗ್ ಇರುವ ಟ್ರಕ್ ಒಂದರಲ್ಲಿ ಬಟ್ಟೆ ಮಾರುತ್ತಿರುವ ದೃಶ್ಯವೊಂದು ಬೆಂಗಳೂರಿನಲ್ಲಿ ಕಂಡು ಬಂದಿದೆ. @HaramiParindey ಎಂಬ ಎಕ್ಸ್ ಖಾತೆಯಲ್ಲಿ ಟ್ರಕ್ನಲ್ಲಿ ಬಟ್ಟೆ ಮಾರಾಟ ಮಾಡುತ್ತಿರುವ ಫೋಟೋವೊಂದನ್ನ ಹಂಚಿಕೊಳ್ಳಲಾಗಿದೆ. ಸದ್ಯ ಈ ಫುಡ್ ಟ್ರಕ್ ನೋಡಿದ್ವಿ, ಆದ್ರೆ ಬಟ್ಟೆ ಟ್ರಕ್ ಕಂಡು ಅಚ್ಚರಿಯಾಯ್ತು ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.
ದೊಡ್ಡ ಮಾಲ್ಗಳಲ್ಲಿ ಶೋರೂಮ್ಗಳು ಏನೇ ಮಾಡಿದ್ರು, ಈ ರೀತಿ ಟ್ರಕ್ನಲ್ಲಿ ಬಟ್ಟೆ ಮಾರಾಟ ಮಾಡುತ್ತಿರುವ ವ್ಯಕ್ತಿಯ ಪ್ರಯತ್ನ ಶ್ಲಾಘನೀಯ ಅನ್ನೋದು ಖುಷಿಯ ವಿಚಾರ ಎಂದು ಸಾಕಷ್ಟು ಮಂದಿ ಕಾಮೆಂಟ್ ಮಾಡುತ್ತಿದ್ದಾರೆ. ಇನ್ನೂ ಕೆಲವರು ಇದು ಬಟ್ಟೆ ಮಾರಾಟ ಮಾಡುವ ಟ್ರಕ್ ಹೌದಾ ಅಲ್ವಾ?… ಇಸ್ತ್ರಿ ಅಂಗಡಿಯಂತೆ ಕಾಣಿಸುತ್ತಿದೆ ಎಂದೂ ಹೇಳಿದ್ದಾರೆ.
ಸದ್ಯ ಈ ಒಂದು ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಮಟ್ಟಿನಲ್ಲಿ ವೈರಲ್ ಆಗಿದ್ದು, ಸೆಲೆಬ್ರಿಟಿಗಳು ತಮ್ಮ ವ್ಯಾನಿಟಿ ವ್ಯಾನ್ಗಳಂತೆ ಪರಿಗಣಿಸುತ್ತಾರೆ. ಆದ್ರೆ ಈ ದೃಶ್ಯವಂತೂ ಒಂದು ಬಾರಿ ನೋಡುಗರ ಹುಬ್ಬೇರಿಸಿದೆ.
@HaramiPrindey ಎಂಬ ಎಕ್ಸ್ ಖಾತೆಯಲ್ಲಿ ಈ ಪೋಟೋವನ್ನ ಹಂಚಿಕೊಳ್ಳಲಾಗಿದ್ದು, ನನ್ನ ಹೆಂಡತಿಯೊಂದಿಗೆ ಮಂದಿರಕ್ಕೆ ಹೋಗುತ್ತಿರುವಾಗ ಈ ಟ್ರಕ್ ದಾರಿ ಬದಿಯಲ್ಲಿ ಕಾಣ ಸಿಕ್ಕಿದೆ ಎಂದು ಬರೆದಿದ್ದಾರೆ.