ಮುಂಬೈ: ಬಾಲಿವುಡ್ನಲ್ಲಿ ತನ್ನ ಫಿಟ್ ಫಿಗರ್, ಮುದ್ದಾದ ಮುಖ ಹಾಗೂ ಕಾಂತೀಯುತ ಸೌಂದರ್ಯದ ಮೂಲಕವೇ ಚಿತ್ರರಂಗದಲ್ಲಿ ತನ್ನದೇ ಆದ ಛಾಪನ್ನು ಮೂಡಿಸಿದ್ದ ನಟಿ ಎಂದರೆ ಅದು, ಕ್ಯಾಟ್ ಖ್ಯಾತಿಯೇ ಕತ್ರಿನಾ ಕೈಫ್ ಆಗಿದ್ದಾರೆ.
ಆದರೆ, ಕೆಲ ದಿನಗಳ ಹಿಂದೆ, ತಾಯ್ತನದ ಸಂಭ್ರಮದಲ್ಲಿರೋ ಕತ್ರಿನಾರನ್ನು ಕೆಲ ನೆಟ್ಟಿಗರು ಬಾಡಿ ಶೇಮಿಂಗ್ ಮಾಡಿದ್ದು, ಸೋಷಿಯಲ್ ಮೀಡಿಯಾನಲ್ಲಿ ಸಾಕಷ್ಟು ವಿವಾದಕ್ಕೆ ಕಾರಣವಾಗಿತ್ತು. ಈಗ ಕತ್ರಿನಾ ಕೈಫ್ ಆ ಎಲ್ಲಾ ಟ್ರೋಲರ್‌ಗಳಿಗೆ ಖಡಕ್ ಪ್ರತ್ಯುತ್ತರ ನೀಡಿದ್ದು, ಅವರ ಮಾತುಗಳು ಈಗ ಸಕ್ಕತ್ ವೈರಲ್ ಆಗಿವೆ.
ವಿವಾದ ಆರಂಭ ಎಲ್ಲಿ?
ಕಳೆದ ತಿಂಗಳು ಮುಂಬೈನಲ್ಲಿ ನಡೆದ ಅಂಬಾನಿ ಕುಟುಂಬದ ಗಣೇಶೋತ್ಸವದಲ್ಲಿ ಕತ್ರಿನಾ ಕೈಫ್ ಭಾಗವಹಿಸಿದ್ದರು. ಈ ಸಮಾರಂಭದಲ್ಲಿ ಕತ್ರಿನಾ ಕಾಣಿಸಿಕೊಂಡ ಬೆನ್ನಲ್ಲೇ, ಕೆಲವರು ಅವರ ಹೆರಿಗೆಯ ನಂತರದ ತೂಕದ (Postpartum weight) ಬಗ್ಗೆ ಕೆಟ್ಟದಾಗಿ ಕಾಮೆಂಟ್ ಮಾಡಲು ಶುರುಮಾಡಿದರು. "ಕತ್ರಿನಾ ಎಷ್ಟು ದಪ್ಪ ಆಗಿದ್ದಾರೆ", "ಹಳೆಯ ಗ್ಲಾಮರ್ ಕಳೆದೊಯ್ತು" ಎಂದೆಲ್ಲಾ ಆನ್‌ಲೈನ್‌ನಲ್ಲಿ ಬಾಡಿ ಶೇಮಿಂಗ್ ಮಾಡಲಾಗಿತ್ತು.
