ಮುಂದುವರಿದು ಮಾತನಾಡಿರುವ ಅವರು ಪರಸ್ಪರ ಗೌರವ, ಪರಿಪಕ್ವತೆ, ಉತ್ತಮ ಆಲೋಚನೆಗಳು ಮತ್ತು ಪರಸ್ಪರ ತಿಳಿವಳಿಕೆ ಇದ್ದರೆ ಮದುವೆಯಂಥ ಬಂಧ ಕಳಚಿದ ಮೇಲೂ ಸುಂದರವಾದ ಪ್ಲಾಟೋನಿಕ್ ಸ್ನೇಹವನ್ನು ಉಳಿಸಿಕೊಳ್ಳಬಹುದು ಎಂದು ಅದಿತಿ ಅಭಿಪ್ರಾಯಪಟ್ಟಿದ್ದಾರೆ.
ನಟಿ ಅದಿತಿ ರಾವ್ ಹೈದರಿ ಅವರು ಹೇಳಿದ ಈ ಮಾತುಗಳು ಕೇವಲ ವಾದಕ್ಕಷ್ಟೇ ಸೀಮಿತವಾಗಿರದೆ, ಅವರ ಸ್ವಂತ ಜೀವನಕ್ಕೂ ಅನ್ವಯಿಸುತ್ತಿದೆ. ಅದಿತಿ ಅವರು ಈ ಹಿಂದೆ ನಟ ಸತ್ಯದೀಪ್ ಮಿಶ್ರಾ ಅವರನ್ನು ವಿವಾಹವಾಗಿದ್ದರು. ಆದರೆ, ವೈಯಕ್ತಿಕ ಕಾರಣಗಳಿಂದಾಗಿ ಈ ಜೋಡಿ 2013ರಲ್ಲಿ ಕಾನೂನುಬದ್ಧವಾಗಿ ವಿಚ್ಛೇದನ ಪಡೆದು ಪರಸ್ಪರ ದೂರವಾಗಿದ್ದರು. ಆದರೂ ಇಂದಿಗೂ ಇವರಿಬ್ಬರು ಸೌಹಾರ್ದಯುತವಾದ ಸ್ನೇಹ ಸಂಬಂಧವನ್ನು ಹಾಗೆ ಉಳಿಸಿಕೊಂಡಿದ್ದಾರೆ.
