Jailer 2 Trailer: ತಮಿಳಿನ ಸೂಪರ್ಸ್ಟಾರ್, ಅಭಿಮಾನಿಗಳ ನೆಚ್ಚಿನ 'ತಲೈವಾ' ರಜಿನಿಕಾಂತ್ ಅಭಿನಯದ ಹಾಗೂ ನೆಲ್ಸನ್ ದಿಲೀಪ್ಕುಮಾರ್ ನಿರ್ದೇಶನದ ಬಹುನಿರೀಕ್ಷಿತ 'ಜೈಲರ್ 2' ಚಿತ್ರದ ಟ್ರೇಲರ್ ಇದೀಗ ಅಧಿಕೃತವಾಗಿ ಹೊರಬಿದ್ದಿದೆ.
ರಜಿನಿ ಸ್ವ್ಯಾಗ್, ಡೈಲಾಗ್
ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಯಶಸ್ಸು ಕಂಡ 'ಜೈಲರ್' ಚಿತ್ರದ ಸೀಕ್ವೆಲ್ 'ಜೈಲರ್ 2' ಟ್ರೇಲರ್ ಬಿಡುಗಡೆಗೊಂಡಿದ್ದು, ರಜಿನಿ ಅಭಿಮಾನಿಗಳು ಸಖತ್ ಥ್ರಿಲ್ ಆಗಿದ್ದಾರೆ. ಸನ್ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ನೆಲ್ಸನ್ ದಿಲೀಪ್ಕುಮಾರ್ ನಿರ್ದೇಶಿಸಿರುವ ಈ ಟ್ರೇಲರ್ ರಿಲೀಸ್ ಆದ ಕೆಲವೇ ನಿಮಿಷಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡ್ ಆಗುತ್ತಿದ್ದು, 'ಟೈಗರ್ ಮುತ್ತುವೇಲ್ ಪಾಂಡಿಯನ್' ಆಗಿ ರಜಿನಿಕಾಂತ್ ಅವರ ಸ್ಟೈಲಿಶ್ ಸ್ವ್ಯಾಗ್ ಮತ್ತು ಡೈಲಾಗ್ಗಳು ಗಮನ ಸೆಳೆದಿವೆ.
ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್
ಡಾರ್ಕ್ ಹ್ಯೂಮರ್ ಅಂಶಗಳು ಕೆಲವೆಡೆ ಮೋಡಿ ಮಾಡಿದರೆ, ಎಲ್ಲ ಶತ್ರುಗಳನ್ನು ಒಂದೇ ಕಡೆಗೆ ಕರೆಸಿ, ಬಾಂಬ್ ಇಟ್ಟು ಮುಗಿಸುವುದೇ ಈಗಿನ ಟ್ರೆಂಡ್ ಎಂಬ ರಜಿನಿ ಡೈಲಾಗ್ ಕ್ಯಾಚಿ ಆಗಿದೆ. ಕನ್ನಡ ಚಿತ್ರರಂಗದ ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್, ಮಲಯಾಳಂ ನಟ ಮೋಹನ್ ಲಾಲ್ ಮತ್ತು ಹಿಂದಿ ನಟಿ ವಿದ್ಯಾ ಬಾಲನ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಎಂದಿನಂತೆ ಚಿತ್ರಕ್ಕೆ ಅನಿರುದ್ಧ್ ರವಿಚಂದರ್ ಅವರೇ ಮ್ಯೂಸಿಕ್ ನೀಡಿರುವುದು, ಕೆಲವು ದೃಶ್ಯಗಳಿಗೆ ಹೊಸ ಮೆರುಗು ನೀಡಿದಂತಿದೆ.
