ಮಾರ್ಚ್ನಲ್ಲಿ ಸ್ಪಿರಿಟ್ ರಿಲೀಸ್ ಆಗೋಲ್ಲ
ಮಾಧ್ಯಮ ವರದಿಗಳ ಪ್ರಕಾರ, ಸ್ಪಿರಿಟ್ ಚಿತ್ರತಂಡವು ಸಿನಿಮಾವನ್ನು ತಡವಾಗಿ ರಿಲೀಸ್ ಮಾಡಲು ಚಿಂತನೆ ನಡೆಸುತ್ತಿದೆ. ಆದರೆ, ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಸಿಕ್ಕಿಲ್ಲ. ಡಿಸೆಂಬರ್ 2026 ರಲ್ಲಿ ತೆರೆಕಾಣಬೇಕಿದ್ದ ಅವರ ಪೀರಿಯಡ್ ಆಕ್ಷನ್ ಸಿನಿಮಾ 'ಫೌಜಿ' ಸಹ ಬಿಡುಗಡೆ ದಿನಾಂಕವನ್ನು ಘೋಷಿಸಿಲ್ಲ. ಹಿನ್ನೆಲೆ ಮಾರ್ಚ್ 5, 2027ನ್ನು ಬಿಡುಗಡೆ ದಿನಾಂಕವೆಂದು ಖಚಿತಪಡಿಸಲಾಗಿತ್ತು. ಆದರೆ ಎರಡು ಸಿನಿಮಾ ಬೇಗ ರಿಲೀಸ್ ಆಗುವುದು ಸಂದೇಹ ಎನ್ನಲಾಗುತ್ತಿದೆ.
ನಿಗದಿತ ಸಮಯದಲ್ಲೇ ಸ್ಪಿರಿಟ್ ರಿಲೀಸ್ ಎಂದಿದ್ದ ಡೈರೆಕ್ಟರ್
ಆಗಸ್ಟ್ನಲ್ಲಿ ಸ್ಪಿರಿಟ್ ಬಗ್ಗೆ ಮಾತನಾಡಿದ್ದ ಸಂದೀಪ್ ರೆಡ್ಡಿ ವಂಗಾ, 'ನಾವು ಈಗಾಗಲೇ ಪ್ರಕಟಿಸಿರುವ ದಿನದಂದೇ ಪಕ್ಕ ಸಿನಿಮಾ ರಿಲೀಸ್ ಆಗುತ್ತದೆ. ಆ ಸಮಯದಲ್ಲಿ 40 ದಿನಗಳ ಶೂಟಿಂಗ್ ಮುಕ್ತಾಯಗೊಂಡಿದ್ದು, ಇನ್ನೂ 65 ದಿನಗಳ ಚಿತ್ರೀಕರಣ ಬಾಕಿ ಇದೆ' ಎಂದಿದ್ದರು.
ಇದನ್ನೂ ಓದಿ: ಸ್ಪಿರಿಟ್ ಚಿತ್ರದಿಂದ ದೀಪಿಕಾ ಪಡುಕೋಣೆ ಹೊರನಡೆದಿದ್ದೇಕೆ?: ಕೊನೆಗೂ ಮೌನ ಮುರಿದ ನಿರ್ಮಾಪಕ ಪ್ರಣಯ್ ರೆಡ್ಡಿ ವಂಗಾ! Deepika Padukone
8 ಭಾಷೆಗಳಲ್ಲಿ ಸ್ಪಿರಿಟ್ ಅಬ್ಬರ
ಪ್ರಭಾಸ್ ಮತ್ತು ಸಂದೀಪ್ ರೆಡ್ಡಿ ವಂಗಾ ಮೊದಲ ಬಾರಿಗೆ ಈ ಚಿತ್ರಕ್ಕಾಗಿ ಒಟ್ಟಾಗಿ ಕೆಲಸ ಮಾಡ್ತಿದ್ದಾರೆ. ಭೂಷಣ್ ಕುಮಾರ್ ಅವರ ಟಿ-ಸೀರಿಸ್ ಹಾಗೂ ಭದ್ರಕಾಳಿ ಪಿಕ್ಚರ್ಸ್ ಸಹಯೋಗದಲ್ಲಿ ಈ ಚಿತ್ರ ನಿರ್ಮಾಣವಾಗುತ್ತಿದೆ. ಒಟ್ಟು ಎಂಟು ಭಾಷೆಗಳಲ್ಲಿ ಬಿಡುಗಡೆಗೆ ಸಿದ್ಧವಾಗುತ್ತಿದೆ.
ಪ್ರಭಾಸ್ ಇದೇ ಮೊದಲ ಬಾರಿಗೆ ಪೊಲೀಸ್ ಅಧಿಕಾರಿಯಾಗಿ ನಟಿಸುತ್ತಿದ್ದಾರೆ. ಇವರೊಂದಿಗೆ ತೃಪ್ತಿ ಡಿಮ್ರಿ, ವಿವೇಕ್ ಒಬೆರಾಯ್ ಮತ್ತು ಪ್ರಕಾಶ್ ರಾಜ್ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ.
ಕೊನೆಯಲ್ಲಿ ಬಿಡುಗಡೆಯಾದ ಚಿತ್ರದ ಮೊದಲ ನೋಟದಲ್ಲಿ ಪ್ರಭಾಸ್ ಒರಟಾದ ಹಾಗೂ ಗಾಯಗೊಂಡ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದು, ಅವರ ಜೊತೆ ತೃಪ್ತಿ ಡಿಮ್ರಿ ಕೂಡ ಇದ್ದರು. ಚಿತ್ರವು ಮಾರ್ಚ್ 5, 2027ರಂದೇ ಬಿಡುಗಡೆಯಾಗುತ್ತದೋ ಅಥವಾ ಮುಂದಕ್ಕೆ ಹೋಗುತ್ತದೋ ಎಂಬುದನ್ನು ಕಾದು ನೋಡಬೇಕಾಗಿದೆ, (ಏಜೆನ್ಸೀಸ್).
