ರಾವಣನಾಗಿ ಮನಗೆದ್ದವರು ಯಶ್ ಮಾತ್ರ!
ಈ ಸಿನಿಮಾದ ಪ್ರಚಾರದ ಕಾರ್ಯಕ್ರಮದಲ್ಲಿ ಮಾತನಾಡಿದ ಸೀತಾ ಮಾತೆ ಪಾತ್ರಧಾರಿ ಸಾಯಿ ಪಲ್ಲವಿ, ರಾಕಿಂಗ್ ಸ್ಟಾರ್ ಯಶ್ ಬಗ್ಗೆ ಮಾತನಾಡುತ್ತಾ, ಇವರು ಕೆಜಿಎಫ್ ಮೂಲಕ ಇಡೀ ದೇಶಕ್ಕೆ ಪರಿಚಿತರಾದರೂ, ಟಾಕ್ಸಿಕ್ ಮೂಲಕ ಇನ್ನಷ್ಟು ಖ್ಯಾತಿಗಳಿಸಿದರು. ಈಗ ಈ ಐತಿಹಾಸಿಕ ರಾಮಾಯಣ ಸಿನಿಮಾದಲ್ಲಿ ರಾವಣನಾಗಿ ಕಾಣಿಸಿಕೊಳ್ಳುತ್ತಿರುವ ಇವರು ಪ್ರಪಂಚದ ಪ್ರೇಕ್ಷಕರ ಮನವನ್ನು ಮುಟ್ಟಲಿದ್ದಾರೆಂದು ನಟಿ ಹೇಳಿದ್ದಾರೆ.
ಸಾಮಾನ್ಯವಾಗಿ ಸಿನಿಮಾದ ನಾಯಕನಟರು, ಹೀರೋ ಪಾತ್ರಧಾರಿಗಳು, ಜನರಿಗೆ ಇಷ್ಟವಾಗುತ್ತಾರೆ. ಆದರೆ, ರಾಮಾಯಣದಲ್ಲಿ ರಾವಣನ ಪಾತ್ರ ಒಬ್ಬ ದುಷ್ಟನ ಪಾತ್ರವಾಗಿದೆ. ಆದರೆ ಈ ಪಾತ್ರವನ್ನು ಯಶ್ ಅವರು ಎಷ್ಟು ಚೆನ್ನಾಗಿ ನಿರ್ವಹಿಸಿದ್ದಾರೆಂದರೆ, ನೆಗೆಟಿವ್ ಪಾತ್ರವನ್ನು ಮಾಡಿದರೂ ಜನರ ಮನಸ್ಸನ್ನು ಗೆಲ್ಲಲು ಯಶ್ ಅವರಲ್ಲಿ ಮಾತ್ರ ಸಾಧ್ಯವೆಂದು ನಾನು ಹೇಳಬಲ್ಲೆ ಎಂದು ಸಾಯಿ ಪಲ್ಲವಿ ನುಡಿದಿದ್ದಾರೆ.
ನಾನೇಕೆ ರಾವಣನನ್ನು ಆರಿಸಿಕೊಂಡೆ?
ಕೆಲ ದಿನಗಳ ಹಿಂದೆ ಖಾಸಗಿ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ನಟ ಯಶ್ ತಾವೇಕೆ ರಾಮಾಯಣದಲ್ಲಿ ರಾವಣದ ಪಾತ್ರವನ್ನು ಮಾಡಲು ಒಪ್ಪಿಕೊಂಡರೆಂದು ಹೇಳಿದ್ದರು. ರಾಮ, ರಾಮಾಯಣದ ನಾಯಕ ಎನ್ನುವುದು ಎಲ್ಲರಿಗೆ ತಿಳಿದಿದೆ. ಆದರೆ ರಾವಣದ ಕೆಟ್ಟತನವನ್ನು ಜನರಿಗೆ ತೋರಿಸಿದಾಗ ಮಾತ್ರ ರಾಮನ ಒಳ್ಳೆಯತನ ಜನರ ಮನಮುಟ್ಟುತ್ತದೆ.
