ಬೆದರಿಕೆಗೆ ನಟಿ ನಮಿತಾ ಡೋಂಟ್ ಕೇರ್: ಬೆದರಿಸಿದಾತನೇ ಪರಾರಿ!

ಬೆಂಗಳೂರು: ‘ನೀಲಕಂಠ’ನ ‘ಹೂ’ ಹುಡುಗಿ ತನ್ನನ್ನು ಛೇಡಿಸಿದವನ ಪಾಲಿಗೆ ‘ಬೆಂಕಿ ಬಿರುಗಾಳಿ’ ಆಗಿದ್ದರಿಂದ ಆತ ಸದ್ಯ ತನ್ನ ಇನ್​ಸ್ಟಾಗ್ರಾ​​ಮ್ ನಿಂದಲೇ ಕಾಣೆಯಾಗಿದ್ದಾನೆ.

ನಿಜ, ರವಿಚಂದ್ರನ್ ಅವರ ‘ನೀಲಕಂಠ’ ಸಿನಿಮಾಗೆ ನಾಯಕಿಯಾಗಿ ಸ್ಯಾಂಡಲ್​ವುಡ್​ಗೆ ಪದಾರ್ಪಣೆ ಮಾಡಿ, ಅವರ ‘ಹೂ’ ಚಿತ್ರಕ್ಕೂ ನಾಯಕಿ ಆಗಿದ್ದ ನಟಿ ನಮಿತಾ ಅವರದ್ದೇ ವಿಷಯವಿದು. ಸೋಷಿಯಲ್ ಮೀಡಿಯಾ ಮೂಲಕ ತನ್ನ ಬಗ್ಗೆ ಅಸಭ್ಯವಾಗಿ ಮಾತನಾಡಿದ್ದ ಯುವಕನಿಗೆ ಕೇರೇ ಮಾಡದೆ, ಆತನ ಬ್ಲ್ಯಾಕ್​ವೆುೕಲ್ ತಂತ್ರವನ್ನು ವಿಫಲಗೊಳಿಸಿದ್ದಾರೆ ನಮಿತಾ. ಮಾತ್ರವಲ್ಲ, ಅದರ ವಿವರ ಸಹಿತ ಆತನ ಫೋಟೋವೊಂದನ್ನು ಇನ್​ಸ್ಟಾಗ್ರಾಮ್​​ ಅವರು ಹಂಚಿಕೊಂಡ ಪರಿಣಾಮ ಆತ ಅಲ್ಲಿಂದ ಪರಾರಿಯಾಗಿದ್ದಾನೆ.

‘ನೋಡಿ ಈತ ನನಗೆ ಖಾಸಗಿಯಾಗಿ ಸಂದೇಶ ರವಾನಿಸಿ ಅಸಭ್ಯವಾಗಿ ಮಾತನಾಡಿದ್ದಾನೆ. ನನ್ನ ಬಗ್ಗೆ ಅಶ್ಲೀಲವಾದ ವಿಡಿಯೋ ಇದೆ, ಅದನ್ನು ಸೋಷಿಯಲ್ ಮೀಡಿಯಾಗೆ ಅಪ್​ಲೋಡ್ ಮಾಡುವುದಾಗಿ ಬೆದರಿಕೆ ಹಾಕಿದ್ದ. ಅದಕ್ಕೆ ದಯವಿಟ್ಟು ಹಾಕು ಎಂದು ಹೇಳಿದ್ದೆ. ಇವನೇ ಆ ನೀಚ ಮನುಷ್ಯ ...’ ಎಂದು ಆತನ ಫೋಟೋವನ್ನು ಇನ್​ಸ್ಟಾಗ್ರಾಮ್​​ನಲ್ಲಿ  ನಮಿತಾ ಹಂಚಿಕೊಂಡಿದ್ದರು. ಅದಾದ ಕೆಲವೇ ಹೊತ್ತಲ್ಲಿ ಆತನ ಅಕೌಂಟ್ ಇನ್​ಸ್ಟಾಗ್ರಾಮ್​​ ನಲ್ಲಿ ಲಭ್ಯವಿಲ್ಲದಂತಾಗಿದೆ.

‘ಮಹಿಳೆಗೆ ಗೌರವ ಕೊಡುವವನೇ ನಿಜವಾದ ಪುರುಷ. ನನ್ನ ಮೌನವನ್ನು ದೌರ್ಬಲ್ಯ ಎಂದು ತಿಳಿಯಬಾರದು. ನಿತ್ಯಜೀವನದಲ್ಲಿ ಮಹಿಳೆಯರಿಗೆ ಗೌರವ ಕೊಡುವುದನ್ನು ಕಲಿಯಬೇಕು’ ಎಂದು ನಮಿತಾ ಆ ಪೋಸ್ಟ್​ನಲ್ಲಿ ಹೇಳಿಕೊಂಡಿದ್ದಾರೆ. ಬಹುಭಾಷಾ ನಟಿಯಾಗಿರುವ ನಮಿತಾ 2013ರಲ್ಲಿ ತೆರೆಕಂಡ ‘ಬೆಂಕಿ ಬಿರುಗಾಳಿ’ ಸಿನಿಮಾ ಬಳಿಕ ಕನ್ನಡದಲ್ಲಿ ಯಾವುದೇ ಚಿತ್ರದಲ್ಲಿ ಕಾಣಿಸಿಕೊಂಡಿಲ್ಲ. ಸದ್ಯ ತನ್ನನ್ನು ಬ್ಲಾಕ್​ ವೆುೕಲ್ ಮಾಡಲೆತ್ನಿಸಿದವನ ಪಾಲಿಗೆ ಅವರು ‘ಬೆಂಕಿ ಬಿರುಗಾಳಿ’ಯಂತೆ ಗರಂ ಆಗಿದ್ದಾರೆ.

https://www.vijayavani.net/in-an-italian-city-obituaries-fill-the-newspaper-but-survivors-mourn-alone/